Кусӕнпрограммӕиронлитературӕйӕ 5 9 кълӕстӕн

Кусӕн программӕ ирон литературӕйӕ 5 – 9 кълӕстӕн.

Ӕмбарынгӕнӕн фыстӕг

Программӕ арӕзт у Республикӕ Цӕгат Ирыстоны –Аланийы иумӕйаг ӕмӕ профессионалон ахуырады Ирон ӕвзаг ӕмӕ литературӕйы бындурыл.

Адӕмы монон царды кӕддӕриддӕр стыр ахадындзинад уыдис фольклор ӕмӕ аив литературӕйӕн. Уыдоны нывӕфтыд ӕрцыд сӕ цард, сӕ историйы ахсджиагдӕр цаутӕ, сӕ зонадон фӕлтӕрддзинад. Уыдоны ис зонды суадон, ныхасы фидауц ӕмӕ бӕрзонд идейӕтӕ. Дзырдаивадӕн йӕ нысаниуӕг фӕуӕлдӕр ис нӕ рӕстӕджы. Уый рӕзгӕ фӕлтӕры хъомыл кӕны гуманизм ӕмӕ граждайнаг идеалтыл, фидар кӕны адӕмы удварн, уымӕй рӕзынц монон ӕмӕ культурон традицитӕ. Уымӕ гӕсгӕ скъолайы куысты ахъаззаг дӕр у литературӕ ахуыр кӕнын.

Программӕйы нысан ӕмӕ хӕстӕ

5 – 9 – ӕм кълӕсты ирон литературӕйӕ скъоладзаутӕ ахуыр кӕнынц фольклор ӕмӕ литературӕйӕ хицӕн уацмыстӕ. Уыдон сты аив, мидисджын, скъоладзау йӕ кармӕ гӕсгӕ кӕй бамбардзӕн, ахӕмтӕ.

Ирон литературӕ ахуыр кӕныны сӕйрагдӕр нысантӕ сты: зонындзинӕдтӕ раттын ирон литературӕйӕ аивадон тексты бындурыл; литературон уацмыс анализ кӕныны зонындзинӕдтӕ арфдӕр кӕнын; аивадон уацмыстӕ кӕсыны культурӕ рӕзын кӕнын. Уыимӕ стыр нысаниуӕг ис аивадон литературӕйы фӕрцы удварны хъомылады фарстатыл кусын, абоны рӕстӕгӕн аргъ кӕнын зонын; ӕгъдау, кад, намыс, патриотизм ӕмӕ граждайнаг хӕстӕ цы сты, уый зонын; гуманон дунембарынад ӕмӕ национ химбарынадӕй хайджын кӕнын; литературон уацмысы эстетикон ӕнкъарӕнтӕ ӕмбарын; ирон адӕмы национ культурӕйы сӕйраг миниуджытӕ литературон тексты агурын.

Ирон адӕмон сфӕлдыстады у адӕмы монон культурӕйы ахъаззаг хай. Уый у нӕ адӕмы «зонд ӕмӕ зӕрдӕйы рухсӕй нывӕст.» Фольклоры сыгъдӕгӕй зынынц царды нывӕфтыд истори, фӕлтӕрты сагъӕстӕ ӕмӕ бӕллицтӕ. Нӕ фыдӕлтӕм нӕ уыд фысгӕ истори, фӕлӕ нын адӕмон сфӕлдыстад у ахсджиаг историон ӕрмӕг, уый фӕрцы базонӕм ивгъуыд заманты цард. Фольклоры ӕппӕт жанртӕ дӕр ӕвдисынц адӕмы цард, сӕ зонд, сӕ хъуыдытӕ, сӕ цӕстӕнгас цардмӕ, ӕрдзы фӕзынтӕм. Уымӕ гӕсгӕ йын ис стыр зонынадон, хъомыладон ӕмӕ эстетикон ахадындзинад.

Программӕ стыр ахъаз уыдзӕн ирон фольклор хуыздӕр бамбарынӕн, йӕ сӕйраг проблемӕтӕ йын бӕстондӕр раиртасынӕн, адӕмон сфӕлдыстад ахуыр кӕнынӕн ӕххуысгӕнӕг ӕрмӕг, амонӕг мадзал.

Ахуырадон программӕйы нысантӕ ӕмӕ хӕстӕ:

- адӕмон сфӕлдыстады ӕппӕт хуызтӕ, йӕ сӕйраг жанртӕ ӕмӕ сӕ миниуджытӕ алывӕрсыгӕй равдисын;

- фольклор ӕмӕ аив литературӕйы хицӕндзинад бамбарын кӕнын;

- ӕппӕт жанртӕ текстты бындурыл зонындзинӕдтӕ райсын;

- историон – хъайтарон традициты фӕрцы ӕрыгон фӕлтӕрмӕ хӕццӕ кӕнын патриотизм ӕмӕ гуманон ӕнкъарӕнтӕ, идейӕтӕ, нӕртон дуджы идеалтӕ;

- кӕсыны ӕмӕ ныхасы культурӕ бӕрзонддӕр кӕнын.

1. 2. Сӕйраг домӕнтӕ скъоладзауты зонындзинӕдтӕ ӕмӕ арӕхстдзинадтӕм

Скъоладзаутӕ хъуамӕ зоной:

- адӕмон сфӕлдыстады сӕрмагонд ӕууӕлтӕ, мидисмӕ хицӕн миниуджытӕ;

- фольклоры сӕйраг хуызтӕ ӕмӕ жанртӕ;

- текст ӕвзарын;

- уацмысты авторты цард ӕмӕ сфӕлдыстады тыххӕй бӕлвырд зонындзинӕдтӕ;

- аивадон ныв ӕмӕ фӕлгонц цы мадзӕлттӕй арӕзт цӕуынц, уый;

- хицӕн литературон терминтӕ.

Скъоладзаутӕ хъуамӕ арӕхсой:

- уацмысты тексттӕ аив ӕмӕ ӕмбаргӕ каст кӕнынмӕ;

- фольклоры жанрты тексттӕ арф ӕмбарын ӕмӕ ӕнкъарынмӕ;

- мифтӕ ӕмӕ истори кӕрӕдзийӕ хицӕн кӕнынмӕ;

- тексты мидис ӕвзарынмӕ, хи ныхӕстӕй йӕ дзурынмӕ;

- архайджытӕн характеристикӕ дӕттын, кӕрӕдзийыл сӕ абарынмӕ;

- уацмысы нывӕфтыд ӕвзаджы рӕсугъддзинад ӕмӕ йӕ аивадон гӕнӕнтӕ ӕвзарынмӕ;

- уацмыс ӕмӕ йӕ архайджыты тыххӕй йӕ хъуыдытӕ зӕгъын, цаутӕн аргъ кӕнын, цардимӕ сӕ бӕттын.

Иумӕйагӕй ахуырадон предмет «Ирон литературӕ» - йы сӕйраг хӕстӕ сты:

- литературон уацмысты бындурыл хъомыладон куыст кӕнын;

- логикон хъуыдыкӕнынады рӕзтыл кусын;

- скъоладзауты фӕцалх кӕнын хиуыл кусыныл, ирон литературӕ хибарӕй ахуыр кӕныныл;

- иумӕйаг ахуырадон арӕхстдзинӕдтӕ рӕзыныл куыст.

Предметы хицӕндзинад:

Ирон литературӕ у ирон адӕмы уд ӕмӕ зонд, ирон адӕмы культурӕйы хӕзнадон; ирон литературӕ у ныхас кӕныны, хъуыдытӕ ӕргом кӕныны фӕрӕз, нӕ адӕмы царды тыххӕй зонындзинӕдтӕ кӕрӕдзийӕн дӕттыны фӕрӕз. Литературӕ канд хъуыдытӕ ӕргом кӕныны фӕрӕз нӕу, литературӕ у хъомылады хотых, ӕмӕ уымӕ гӕсгӕ ирон литературӕйы ахуыртӕн скъолайы ис стыр ахадындзинад.

Ранымад уавӕртӕ амонынц предметы хицӕндзинад:

Ирон литературӕ у ахуырадон хай «Филологи» - йы къабӕзтӕй иу, ӕнгом баст у ахуырадон ппредмет «Ирон ӕвзаг» - имӕ. Ирон литературӕ у скъоладзауты дзырдуат хъӕздыг кӕныны мадзал, сӕ ныхасы культурӕ, иумӕйагӕй коммуникативон арӕхстдзинӕдтӕ рӕзын кӕныны фӕрӕз.

Ирон литературӕйы фӕрцы ахуырдзаутӕ хуыздӕр банкъардзысты дзырды эстетикон функци, фӕцалх уыдзысты, хъуыдытӕ ӕргом кӕнынӕн бӕлвырд дзырдтӕ ссарынмӕ.

Программӕмӕ гӕсгӕ скъоладзаутӕ базонгӕ уыдзысты канд фольклорон ӕмӕ литературон уацмыстимӕ нӕ, фӕлӕ ма литературӕйы теорийы хицӕн ӕмбарынӕдтимӕ дӕр.

Ирон литературӕ хъӕздыгдӕр ӕмӕ мидисджындӕр кӕны скъоладзауты миддуне, сӕ дунембарынад; ирон литературӕйы фӕрцы сывӕллӕттӕ базонгӕ уыдзысты адӕмон сфӕлдыстадимӕ, ирон литературӕйы хуыздӕр уацмыстимӕ.

Ахуырты рӕстӕг пайдагонд цӕуы ахӕм ахуырадон технологитӕй:

- скъоладзаутӕм индивидуалон цӕстӕй кӕсыны технологи;

- проблемон ахуыртӕ;

- информацион – коммуникацион технологитӕ;

- ӕнӕниздзинад хъахъхъӕныны технологитӕ;

- бӕрӕггӕнӕнты иновацион системӕ, «портфолио»;

- коллективон куысты хуызтӕ (къӕйттӕй куыст, къордты куыст);

- проектон – иртасӕн технологитӕ.

Кусӕн программӕмӕ хаст ивддзинӕдтӕ

Ахуыры азы 1 – аг ӕмбисы:

- ирон ӕвзаг - къуыри 2 урочы

- ирон литературӕ – къуыри 1 урок.

Ахуыры азы 2 – аг ӕмбисы:

- ирон ӕвзаг - къуыри 2 урочы

- ирон литературӕ – къуыри 1 урок.

Сӕйраг домӕнтӕ 5 – 9 – ӕм кълӕсты ахуырдзауты зонындзинӕдтӕм.

Скъоладзаутӕ хъуамӕ зоной:

- цы уацмыс ахуыр кӕнынц, уый текст, йӕ мидис; йӕ цаутӕ ӕмӕ сӕ рӕзт; сӕ хъайтарты, уыдоны ӕууӕлтӕ ӕмӕ ӕмахастытӕ;

- дзырдаивады хуызтӕ: фольклорӕй – миф, кадӕг, таурӕгъ, аргъау, зарӕг; литературӕйӕ – радзырд, поэмӕ, драмӕ, ӕмдзӕвгӕ; аивадон фӕрӕзтӕй – юмор ӕмӕ сатирӕ, сурӕт ӕмӕ фӕлгонц, строфа ӕмӕ рифмӕ, эпитет, метафорӕ, абарст, фӕсномыг ныхас, символ.

Скъоладзаутӕ хъуамӕ арӕхсой:

- алыхуызон тексттӕ раст, аив ӕмӕ рӕвдз кӕсынмӕ;

- цы уацмыстӕ сахуыр кодтой, уыдоны мидис радзурынмӕ; фӕрстытӕн бӕстон дзуапп дӕттынмӕ;

- уацмысы мидис равдисынӕн пълан саразынмӕ, уыцы пъланыл цыбыр сочинени ныффыссынмӕ;

- персонажтӕн характеристикӕ дӕттынмӕ.

Адрес публикации: https://www.prodlenka.org/metodicheskie-razrabotki/475064-kusnprogrammironliteraturj-5--9-klstn