Темæ. Мадзæлттæ 6 , 7

Темæ. Мадзæлттæ 6 - ☐,7 - ☐.

Урочы нысæнттæ: базонгæ кæнын ахуырдзауты мадзæлттимæ 6 - ☐, 7 - ☐; бафидар кæнын цы хынцинæгты хуызтæ рацыдысты, уыдон хынцыны зонынад; рæзын кæнын дзырдарæхст, логикон хъуыдыкæнынад.

Урочы цыд

I. Бацæттæгæнæн рæстæг.

- Ныртæккæ нæм уыдзæн математикæйæ урок. Махæн нæ хæс у афæдзы æмбисы дæргъы цы зонындзинæдтæ райстам, уыдон равдисын. Цы уазджытæ нæм ис, уыдон дæр ахуыр кæнынц сымах хуызæн сывæллæтты. Кæй зæгъын æй хъæуы, сæхи сываллæттимæ уæ бардзысты. Æз мæ зæрдæ дарын сæ цæсты мæ кæй нæ бафтаудзыстут æмæ уæхи хорзæй кæй равдисдзыстут, ууыл.

II. Сыгъдæгфыссынады рæстæг.

- Байгом кæнут уæ тетрæдтæ 22-æм фарсыл, ссарут нымац 8. (Зæрдыл æрлæууын кæнын нымæц 8 фыссыны мадзал). Ныффысут æй.

III. Дзургæ нымад.

(Уыцы рæстæг 2-3 скъоладзауы хибарæй архайынц программæ «Отличник-ы»)

1. Бацамонут æппæты фылдæр иунысанон нымæц; нымæц 5 - æн йæ фæсдзæуæг ; 7-ы фæсдзæуæг ; нымæц 8 –æн йæ раздзæуæг; 6 –æн йæ сыхæгтæ ; 7 –æн йæ сыхæгтæ.

2)Фæйнæгыл: 5 + 3 7 - 4

Бæкæсын алы хуызты.

- Куыд хуыйнынц нымæцтæ æфтауынады, (æппарынады)?

1. Æппарынад æмæ æфтауынады æхсæн бастдзинад.

6 = 5 + 1 7 = 5 + ☐ 7 = 6 + ☐

6 – 5 = ☐ 7 – 5 = ☐ 7 – 6 = ☐

1. Фæлхат кæнын нымæцтæ 6 æмæ 7-ы сконд

З

6

1

2

3

4

4

3

2

5

5

1

Нымæц 7-ы скондæн дискæй спайда кæнын.

IV. Уæнгивæзтытæ.

V.Ног æрмæгыл куыст.

1. Урочы темæ æмæ нысан сбæрæг кæнын ахуыргæнæн чиныджы 26-æм фарсмæ гæсгæ. (Мадзæлттæ 6 - ☐, 7 - ☐.)

- Цавæр нымæцтæ сæвæрæн ис афтид чырæгты?

- Нымæц 8 дзы сæвæрæн нæй? Цæуылнæ?

2) Чиныджы нывимæ куыст. (26-æм фарс).

- Æркæсут нывмæ æмæ зæгъут, æдæппæттæй цал гæдыйы лæппыны уыдис чыргъæды? (6)

- Цал дзы рагæпп кодта æддæмæ? (5)

- Цал гæдыйы лæппыны ма баззад чыргъæды? (1)

- Цавæр æвдыстæг сараздзыстæм хынцинагмæ? ( 6 - 5)

- Ссарæм æвдыстæджы нысаниуæг: 6 у 5 æмæ цал? (1)

Уæдæ уæд 6 æнæ 5-æй у 1, ома 6 - 1 = 1

3)Нымаинæгтæ кæсын æмæ хынцын.

-Мах чысыл раздæр нымæцтæ 6 æмæ 7-ы сконд нæ зæрдыл дзæгъæлы не рлæууын кодтам. Нымæцæн йе сконд куы зонат, уæд алы нымаинаг дæр уæ бон бахынцын уыдзæн.

- Уæдæ ма ацы нымаинæгтæ ахынцæм. Нымаинæгтæ кæсгæйæ пайда кæндзыстæм компонентты нæмттæй.

6 – 2 = 7 – 3 =

6 – 3 = 7 – 5 =

6 – 4 = 7 – 4 =

VI. Релаксаци музыкæимæ.

Куыд æнцондæр уын у, афтæ сбадут æмæ уæ цæстытæ бахгæнут.

Уæ цæстытыл ауайын кæнут, цыма рæсугьд фæзыл бадут. Арф сулæфут æмæ сындæггай фæстæмæ раулæфут, уадз æмæ уæ фæллад фесæфа.

Уæ алыварс цъæх кæрдæг, æддæдæр хъæд æмæ дзы цъиуты зарын хъуысы. Сымах æнкъарут зæххы хъарм. Хур йæ зынг цæстæй кæсы. Йæ тынтæ уæ буарыл æрхаудысты æмæ уын æхсызгондзинад дæттынц.

Арф сулæфут æмæ сындæггай фæстæмæ раулæфут. Иу хатт ма сулæфут æмæ та фæстæмæ раулæфут.

Уæ фæллад цыдæр фæци. Уæ цæстытæ байгом кæнут æмæ ног тыхтимæ фæстæмæ урокмæ раздæхут.

VII. Хынцинæгтимæ куыст.
1 – аг хынцинаг.
Уыдис – 7 б.
Рауагътой дзы – 5 б.
Баззадис ма дзы – ?

Кусæн тетрады :
Хынцинаг.

7 – 5 = 2(б.) Дзуапп : 2 бæхы.

2 – аг хынцинаг – баххæст кæнын æмæ бахынцын хынцинæгтæ баззайæггаг æмæ суммæ ссарыныл.

Æдæппæтæй - 8 хъ. гагайы
Рахаудис - 3 хъ. гагайы
Кæрддзæмы - ?

VIII. Геометрион æмбарынадыл куыст.
«Æртæкъуымæгтæ цал сты?»

IX. Логикон хæслæвæрд. (Кусæн тетрады)
Дзуапп : къуырттон карчы фæдыл ис 3 цъиуы.

X. Урочы хатдзæг.
- Абоны урочы нæхи цæуыл ахуыр кодтам? (Мадзæлттæ 6 - ☐, 7 - ☐.)
Рацыд æрмæгæй та нæ зæрдыл цы æрлæууын кодтам? (Хынцинæгтæ, нымаинæгтæ хынцын, компоненты нæмттæ…)

XI. Рефлекси.
- Абон цы куыстытæ кодтам, уыдон хорз чи бамбæрста, йæхицæй разыйæ чи баззад, уыдон равдисæд тымбылæгты кæрдæгхуыз хуыз.
Гыццыл цæмæйдæрты чи фæрæдыд стæй цыдæртæ чи нæ бамбæрста, уыдон равдисæд бур хуыз.
Æппындæр чи ницы бамбæрста, йæхицæй разыйæ чи нæ баззад, уыдон та равдисæд сырх хуыз.

Ахуыргæнæджы хатдзæг.

Адрес публикации: https://www.prodlenka.org/metodicheskie-razrabotki/476463-tem-madzltt-6-7