Фонд оценочных средств для проведения текущего контроля успеваемости и промежуточной аттестации по чеченскому языку

Фонд оценочных средств для проведения текущего контроля успеваемости и промежуточной аттестации по чеченскому языку

Начальное общее образование

3 класс

3 класс

Юьхьанцара хаарш талларан талламан диктант

Г1арг1улеш.

Хаза хуьлу гурахь г1арг1улеш йоьлхуш. Кхо са бой йоьлху уьш лакха стига2лхула. Церан маьхьарий хеза лаьттахь. Дехха лаьтта адамаш царна т1аьхьахьоьжуш. Г1арг1улеш бовхачу махка д1аяхар-гуьйре йоларан билгало ю.

аь) Диктант язъяр.

БИЛГАЛОННА ДЕШНАШ: т1аьхьахьожуш, стиглахула, маьхьарий.

б) Грамматически т1едилларш.

Шалха элпашна буха сиз хьакха.

«Ц1ахь урокаш яр»

Ц1ахь урокаш яр т1аьхьа ца тоьтту ас. Сан лелош раж ю. Ас иза талха ца йо. Цундела сан ловза а, сада1а а, урокаш ян а хан хуьлу. Х1ораммо а лело еза раж. Раж лелоро низам 1алашдан 1амаво.

Изложени №1 «Бух1анан к1орни

Уч. аг1о 28

Юкъара хаарш талларан талламан болх

Диктант «Ч1ег1ардиг»

Ч1ег1ардиг аьхкенан олхазар ду. Бовхачу махкахь 1а а даьккхина духадеача, шен стохкалерчу бена чу даха хуу иза. Цунна дика евза ша даьхна меттигаш. Шен бен бохийна карийча, поппар а кхоьхьуш, и юхатобо цо. Цуьнан бен адамаш дехачу меттигана герга хуьлу. Адамаш деха меттиг маьрша хетта цунна.

Т1едиллар:

1.Шалхачу элпашна к1ел сиз хьакха.

Изложени «Хьаша»

Тхан беша зу еанера. Х1ора сарахь йог1ура иза оха аьхка х1ума юучу мете

Бода булуш схьакхочура иза.

Коьллаш юккъера цкъа цуьнан муц1ар гучуйолура. Юха хедар* долчухьа йолалора иза. Хедар чу оха цицигна юург юьллура я шура юттура. Цу хедар т1е марзъеллера зу. Цициго дуьхьало цат йора. Хьаша ма ю иза! Г1иллакх лело деза цуьнца.

• Хедар*-шун.

Эхашеран хаарш талларан талламан болх.

Диктант «Шовда»

Тхуна гена доцуш шовда ду. Шовданан хи шийла ду. Тхан юьртахоша мала цигара хи кхоьхьу. Баккхийчу наха шовданан го тобеш белхаш бо. Оха бераша а лардо шовда бехдарх. Хи ц1ена хилча, цамгарш евр яц. Иза тхуна школехь а хьоьху.

Шовданна чу хьаьжча, бухара г1ум а, кегий т1улгаш а гуш хуьлу. Сирла ду шовданан хи.

Т1едиллар:

1.Шалхачу элпашна к1ел сиз хьакха

«Дешан х1оттам» темина лерина талламан диктант

«Хьуьнхахь»

Ц1ена ду хьуьнхара х1аваъ.Абу хьуьнха талла воьду.Ж1аьла а дуьгу цо шеца.Хьун тийна хета.Амма хьуьнхахь кхехкаш дахар хуьлу.Цхьанхьа тебна цхьогал доьду,кхечанхьа хьуьнан к1орггехь генаш кегдеш лела партала ча.

1.Т1едиллар:

1.Цхьанаорамера долу дешнашна к1ел сиз хьакха.

Суьртах пайда а оьцуш сочинени кхоллар «1ай каникулашкахь»

Берийн 1аьнан каникулаш т1екхечира.

Арахь 1уьллу семса ло. Лайн чимаш охьаоьгу. Бераш гу т1е дахара. Иза лекха бу. Бераш гу т1ера чухехкалуш ду. Цера ч1ог1а самукъадолу.

Суна ч1ог1а хазахета 1а. Тхо а хехкало салазаш т1ехь.

Гергарчу хьесапехь йолу план:

1.Каникулаш т1екхечи.

2.Бераш гу т1е дахара.

3.1а хаза ду.

Талламан диктант

Вайн Даймохк

Боккха бу вайн Даймохк. Къилбаседехь цкъа а бешаш боцу шийла ша бу. Ткъа къилбехь йовха тов хьийзош, кхуьуш мерза стоьмаш ду. Дуьрачу х1ордийн хиш ду махкана гонаха дуккха а. Оцу боккхачу мехкан дай белхалой, ахархой бу.

Т1едиллар:

1. Шалхачу элпашца к1ел сиз хьакхар.

«Къамелан дакъош» темина лерина талламан диктант №6 «Экскурси»

1алашо:къамелан декъех дешархойн хаамаш таллар.

Кхана заводе экскурсе г1ур ду, аьлла д1ахьедира берашка хьехархочо.

Шолг1ачу дийнахь мог1ара д1а х1иттина дахара бераш.Берашца цхьаьна хьехархо а вара.

Цхьана белхалочуьнца хьоьжуш цехашна чухула чекхдевлира бераш.Заводан берриг а белхаш бовзийтира белхалочо. Школера дешна ваьлча ша заводебалха г1ур ву, элира Султана. Султанца заводе балха ваха реза хилира Аюб.

1.Т1едиллар:

1. Ц1ердешнашна к1ел сиз хьакха.

Диктант «Мокха куьйра»

.

Ижуна арадаьллера мокха куьйра. Еха, шуьйра аренаш теллира цо. Х1умма а ца карийра. Т1аккха дахана кхуран лекхачу бухь т1е охьахиира иза меллаша. Гонаха сема б1аьрг беттара цо. Амма гуш х1умма а дацара.

Ц1еххьана хьозанах б1аьрг кхетта, чехка цунна чухьаьдира куьйра. Амма хьоза куллах а доьлла лечкъира. Х1умма а йоцуш дисира куьйра.

1.Т1едиллар:

1.Хандешнашна к1ел сиз хьакха.

Адрес публикации: https://www.prodlenka.org/metodicheskie-razrabotki/518335-fond-ocenochnyh-sredstv-dlja-provedenija-teku