Әдептің алтын ережелері: ұлттық дәстүрлер арқылы бастауыш сынып оқушыларының адамгершілігін тәрбиелеу

Ақтөбе облысы

Темір ауданы

Кеңқияқ орта мектебі

Тақырыбы: «Әдеп – адамгершіліктің

алтын діңгегі»

Дайындаған: Даулетова.А.П.

Ақтөбе қаласы-2014 ж

Сабақтың тақырыбы: Әдеп – адамгершіліктің алтын діңгегі.

Сабақтың мақсаты: Оқушыларды өз халқының салт-дәстүрін, әдет-ғұрпын бойына сіңірте отырып, қарапайымдылыққа, кішіпейілділікке, жаман әдеттерден аулақ болуға үйрету, мәдениеттілікке тәрбиелеу

Сабақтың көрнекілігі: интерактивті тақта, нақыл сөздер,

Сабақ барысы:

І.Ұйымдастыру

Кіріспе сөз

Мұғалім сөзі:

Құрметті ұстаздар, ата-аналар, оқушылар! «Әдеп – мәдениеттіліктің алтын діңгегі» ашық тәрбие сағатымызға қош келдіңіздер. Әдепті болу - әр баланың міндеті. Әдептілік адамның ең жақсы қасиеті.

Абай атамыз

«Ақыл, қайрат, жүректі тең ұстаған - зор болар,

Жігерсіз, білімсіз өмір кешкен - қор болар» дегендей, әдепті бала болашақта өзінің жақсы азамат екенін дәлелдеп, аңсаған арманына жетеді.

Әдептілік дегенің

Әрқашанда керегің

Әсемпаздық дегенің

Әуре-сарсаң әлегің.

Бүгінгі тақырыбымыз бәрімізге таныс. Ендеше сабағымызды мынадай бір шағын әңгімеден бастағым келіп тұр.

Күн жылы еді. Мұз айдыны жарқырап тұр. Бірақ мұз айдынында адамдар аз еді. Бір кішкентай қыз бір орындықтан екіншісіне қарай аяқ басып, сырғанақ теуіп жүр.

Мұрат болса, мұз айдынында біресе бір аяғымен сырғанап, біресе шыр көбелекше айналып, түрлі әдістермен сырғанақ теуіп жүр.

Сәл алыста тұрған екі бала оның жасағанын көріп:

Жарайсың, Мұрат! деп айқайлап қояды.

Мұрат одан әрі қарай сырғанай бергені сол еді жаңағы кішкентай қызды түйіп кетті.

Мен абайсызда... –деп қыздың үстіндегі қарды қаға бастады.

Жарақаттанған жоқсың ба? Қыз үндемей күліп.

Тіземді, -деді. Әлгі екі бала тырқылдап күліп тұрды.

«Олар маған күліп тұр» деп ойлаған мұрат кенет тез бұрылып кетіп қалды.

Қарашы, тек қана тізесі ауырғанға осыншама жылап! деп әлгі екі бала одан әрі күле берді.

Бізге кел! деп Мұратты өздеріне шақырды. Үшеуі қосылып одан ары қарай сырғанақ тепті.

Осы шағын әңгімеден не ұқтыңыздар? Кімнің қандай ойы бар екен?

-Мұратты әлгі балаларға қарағанда әдепті деп санауға бола ма?

-Адамдарды қандай қасиеттеріне қарап әдепті деп санауға болады?

Алдарыңыздағы қағазға «Әдеп» сөзін қалай түсінесіз, соны жазсаңыз.

Келесі тапсырма.

Жағдаяттар :

№1. Сіз танысыңызға сыртқы киімін кигізгіңіз келді. Сіз оны қалай жасайсыз?

№2. Сізге танысыңыз телефон соқты. Ұзақ сөйлескеніңізді байқадыңыз. Қалай әңгімеңізді доғарасыз?

№3. Сіз берілген тапсырманы шешіп отырып қиналдыңыз. Танысыңыздан қалай көмек сұрайсыз?

№4. Сізге лентамен көркемделген үлкен қораптағы сыйлық берді. Сіздің әрекетіңіз қандай?

№5. Сіздің достарыңыз киноға барамыз деп сізді де шақырды. Бірақ сіз үй тапсырмасын орындаған жоқсыз. Оларға қалай жауап бересіз?

№6. Шахмат ойнауға досыңызды қалай шақырасыз?

«Халық даналығының қазынасы»

Сіздерге сөз тіркестері мен сөздер берілген. Осы сөздерді пайдалана отырып, халық даналығындағы мақал немесе нақыл сөздерді жалғастырыңыздар

Бала тәрбиесі - бесіктен.

Әдепті бала — арлы бала,

Өзіңді-өзің сыйламасаң, өзгеден сый дәметпе.

Тәрбиелі адам — тағалы атпен тең.

Жақсылық еккен алғыс орады.

Үлкенді сен сыйласаң, кіші сені сыйлайды,

Әдепсіз өскен адамнан, тәртіппен өскен тал артық.

Адам әдебімен көрікті.

Әдеп басы – тіл.

Әдепті дегенше, әдемі десейші.

Тәрбие басы — тал бесік.

Енді мына қағаз қиықшаларына өз бойларыңыздағы әдепсіз қылықтарыңызды жазыңыз.

Осы жаман қылықтарымыздан арылу үшін біз тазару алауы деп аталатын тренинг ойластырайық . Яғни біздің бойымыздағы жаман қасиеттер осы алауға жанып кетті.

Енді біз бойымыздан жаман қасиеттерді алып тастадық.. Әдептілікті, жақсы қасиеттерді неге теңеуге болады? (күнге, ашық аспанға)

Аспан ашылған соң не шығады?

Кемпірқосақ

Кемпірқосақтарға жазылған сөздер бар (кешіріңіз, рахмет, рұхсат па?, жарайды, саламатсыз ба?)

Адрес публикации: https://www.prodlenka.org/metodicheskie-razrabotki/51850-dep--adamgershilikti-altyn-digegi