Презентация на тему: «А. Е. Кулаковскай Өксөкүлээх Өлөксөй Элгэс улууһугар сырыыта»

Презентация к 145-летию великого якутского писателя А. Е. Кулаковского - Өксөкүлээх Өлөксөй.
Саха литературатын төрүттээбит улуу бөлүһүөк суруйааччы А. Е. Кулаковскай 145 сааһын өрөспүүбүлүкэ үрдүнэн киэҥник бэлиэтиибит. Онуоха аналлаах араас тэрээһиннэр дойдубут үрдүнэн ыытылла тураллар.
«Суруйааччы олоҕун суолун үөрэтэн, кини политическай биографиятын өссө да чинчийии үлэтэ барар. Кини биографиятын сорох тоҕоосторо ардыгар унньуктаах уһун мөккүөрдэри, поэт олоҕун уонна айымньытын сыыһа, кэлтэгэйдик сыаналааһыҥҥа төннөргө олоҕо суохтук сорунуулары үөскэтэллэр. Саха литературатын саҕалаабыт А. Кулаковскай биографиятын уонна айар суолун-ииһин сиһилии үөрэтии - кэлэр кэм соруга» [2], диэн 1978 с.тахсыбыт «Ырыа-хоһоон»хомуурунньугар бэлиэтэнэн турар. Билиҥҥи кэмҥэ А. Е. Кулаковскай олоҕун, айар үлэтин үөрэтии, чинчийии балайда ыытылынна, оннун булла диэххэ сөп. А. Е. Кулаковскай үбүлүөйдээх сылларыгар тэрийэр бөлөх суруйааччы олоҕун сырдатар баай ис хоһоонноох кинигэлэри ааҕааччыга бэлэх уунар. Өрөспүүбүлүкэтээҕи кыраайдааҕы кэмпириэнсийэҕэ « А. Е. Кулаковскай - Өксөкүлээх Өлөксөй олоҕун уонна киэҥ нэлэмэн Саха сирин туох сыаллаах-соруктаах кэрийбитин, чуолаан Элгэс улууһугар тиийэ сылдьыбыт историятын чинчийэр үлэбинэн кыттабын.