Сценарий

СЦЕНАРИИ «НОГ АЗЫ БÆРÆГБОН» ХИСТÆР КЪОРДЫ.

Бацæтæ йæ кодта: Агънаты Л.

Хъ.:Уæ бон хорз æмæ нам алы боны æгас цæут, нæ зынаргь уазджытæ.

Урс-урсид нæ бæстæ дары

Æмæ мит тъыфылæй уары, Æрхæццæ зымæгæн йæ рæстæг.

Бæрæгбон дзæвгар фæхæстæг.

Æрбацыд ногæй абон махмæ

Хъæлдзæг бæрæгбон. Тынг æнхъæлмæ дæм фæкæсæм

Афæдзы кæрон.

Æмдзæвгæтæ.

1. Астан Дз.: Заз бæлас, заз бæлас,

Алы бон нæм цу агæс,

Бирæ уарзынц сабитæ,

Дæ цъæх-цъæхид къалиутæ.

1. Амилинæ: Миты урс хæмпус гæлæбу,

Уæлæ арвæй ’ртахтис, Сатæг урс-урсид гæлæбу Абадти мæ армы.

Уазал у, хæмпус у

Миты урс гæлæбу.

3)Казбек: Зæронд аз- махæй фæндараст!

Ног аз нæм буцæй цæуæд! Ног азы хур нæм æрбакаст, Ног азы хорхæх уæ уæд!

1. Аделинæ: Ног аз махмæ хъæлдзæгæй,

Рбавæрдта йæ къах..

Митын дада лæдзæгæй

Рхоста уæлæ рагъ.

1. Тамилæ: Митæй байдзаг ис нæ бæстæ,

Митæй байдзаг ис нæ кæрт,

Цом ма Митæйæн йæ сæрыл Урс сæрбæттæн бабæттæм.

5) Азæмæт: Заз бæлас рæвдауæндоны,

Аив кæны уат,

Сабитæн сæ бæрæгбонмæ Хъуысы дардмæ зард.

6)Георгий: Стыр бæрæгбон – Ног аз,

Саразæм нæ Заз бæлас, Хъæлдзæгæй фæхъазæм Ног аз бирæ уарзæм.

Хъ.: Ног аз нæ размæ хъуыдытæ хæссы,

Заз бæлас сабитæм 'нкъардæй кæсы,

Сис-ма дæ къалиутæ, ма кæн æнкъард, Акæнæм хъæлдзæгæй иумæ нæ зард.

Зарæг «Митын Лæг»

Хъ.: Æгас нæм цу, нæ Заз бæлас, да къалиутыл ис урс халас, диссаг сты дæ уынд, дæ конд, цъæх-цъæхид, аив æмæ хæрзконд. Фæлæ цырæгьтæ æнкъардæй лæууынц, уыдон цæмæндæр цæхæр нæ калынц, цæмæн æруагьтай ныллæг дæ сæр? Зæгъ-ма дæ сагъæс махæн дæр.

Заз бæласæн йæ алыварс,

Цæрдæг кафы хин рувас,

С-с-с-с! Кæцæйдæр уынæр цæуы, Сабыр абадын хъæуы.

(хъуысы зарæг, æрбацæуы Митæ.)

Митæ: Уæ бон хорз, мæ зынаргь хæлæрттæ, Хорз чызджытæ æмæ лæппутæ. Æз Митæ дæн, митæй арæзт. Тынг аив мæнæн мæ дарæс, дзæнгæрæг æз мемæ райстон, дин-дон-диндон, уазæгуаты нæ фæхон! Митын гæлæбутæ, зилдух кæнут, Митæйы размæ тагъддæр тæхут.

Кафт «Гæлæбутæ»

Митæ: Тымыгь зымæгæй нæ тæрсын, Амонд адæмæн æрхæссын,

Митджын зымæгыл мах зарæм, Æмæ хъæлдзæг нæхи дарæм.

Зарæг «Стъалытæй æрттивы заз»

(фæзынд Къуылбадæг ус)

Къ.: Уæ бон хорз, сабитæ, адджынтæ, рæсугьд чызджытæ æмæ лæппутæ, ног азы хорзæх уæ уæд! Мæ зæрдæ уын зæгьы фыдуаг митæ кæнут, ойййййй (фæхæцыд йæ дзыхыл). Дзæбæхæй бахъомыл ут! Зазы алыварс æрбамбырдыстут? Æмæ нæ фæхыл стут? Ой, хатыр. Мæнмæ, Дадамæ нæ фæллæууыдыстут? Мæнæ дæн æз, салам уæ уæд. Цыдæр мæллæджытæ хæссут, мæнæн сихоры фаг дæр не стут.

Митæ: Митын Дада, æнхъæл дæн, ныссалдтæ, кæна та фæндагыл искуы фæкалд, зæгъут- ма, мæ хæлæрттæ, цы бæллæх æрцыд, йæ цæсгомы хуыз дæр цæмæйдæр фæцыд. Кæд Митын Дада дæ æцæг, уæд азар ды сабитæн зарæг.

Зарæг « Æрзади хъæды заз бæлас»

(зарæджы кæрон æрхауд йæ пъалто)

Хъ.: Къ. Ус, ды куыдæй сымбæлдтæ нæ бæрæгбонмæ? Мах иууылдæр æнхъæлмæ кастыстæм Митын Дадамæ. Цæмæн скодтай Дадайы дарæс?

Къ.: Мæн фæндыд уæ бæрæгбонмæ æрбацæуын æмæ мæнæ дæн.

Хъ.: Уæдæ нæ Митын Дада кæм ис?

Къ.: Кæм ис? Кæм ис? Дадайыл æз хъæды амбæлдтæн, æмæ йыл хинæй рацыдтæн. Мæнæ мæ алæмæты уисойыл абадтæн. Куыд уынут афтæ, ам æрбаллæуыдтæн. Дадайыл та скодтон хинтæ.

Хъ.: Ой, цы фыдзæрдæ дæ. Тагьд дæ уисой райс, Митын Дадайæн йæ фæндæгтæ ныссыгъдæг кæн, цæмæй сабитæн лæвæрттæ æрбахæсса.

Къ.: Æндæр ма цы. Æнхъæлмæ дæр мæм ма кæсут.

Хъ.: Фæнды дæ, Къ.ус, цæмæй сабитæ де’мæ ахъазой?Дæ зæрдæ дын барухс кæной?

Къ.ус: Тынг мæ фæнды.

Хъазт «Хоккей»

Къ. Ус: Бузныг, бахъæлдзæш мæ кодтат. Фæлæ Дадайæн йæ фæндæгтæ нæ ныммарздзынæн, æнхъæлмæ дæр мæм ма кæсут…

Мита: Уый та куыд? Æртæккæ ма æри дæ уисой. (Митæ байста уисой, къ.ус йæ фæстæ ратæх-батæх кæны, Митæ агуры фæндаг Дадайæн.)

Къ.ус: Ой-ой-ой, мæнæ куыд бафæлладтæн. Æри мын мæ уисой æмæ Митын Дадайы æрбацыдмæ фæндæгтæ асыгьдæг кæнон. (мæрзы, хъуыр-хъуыргæнгæ мæрзгæ ацыд).

Митæ: Сабитæ, фæнды уæ фенын кæм ис Митын Дада?

Киноныв.

Митæ: Дада нæм тынг хæстæг у. Фæдзурæм ма йæм. Митын Дада, Митын Дада…

Æрбахыст Митын Дада.

Митын Дада: Уæ бон хорз, мæ гыццыл хъæбултæ. Мæ рæсугьд чызджытæ æмæ лæппутæ. Ног азы фæдыл уын арфæ кæнын, бирæ хорздзинæдтæ уын мæ зæрдæ зæгьы.

Æнкъард ма ма канут,

Зарджытæ азарут,

Зазы цур мын акафут,

Митын Дада уæ хоны

Ног азы бæрæгбонмæ.

Зарæг «Митын Дада»

Митын Дада: Тынг хорз зарут, уæ бандæттыл ма æрбадут. Дарддæр бæрæгбоныл архайæм, Митын Лæгты кафтма рахонæм.

Кафт «Митын дедаты кафт».

Митын Дада: Кæм сты мæ гыццыл хæлæрттæ? Дадайы зæрдæ уе’мдзæвгæтæй барухс кæндзыстут?

Æмдзæвгæтæ.

Давид: Митын Дада, мах дæ уарзæм,

Алы бон нæм цу æгас,

Бирæ уарзынц сабитæ,

Дæ цъæх-цъæхид къалиутæ.

Алан: Митын Дада нæм фæзынд

Уымæ ис уæззау хызын,

Элина : Æмæ хызыны лæвæрдттæ,

Махæн байуардзæн, хæлæрттæн.

Самира М: Алы бон цæут æгас,

Митын Дада, Зазбæлас!

Ног æз нæм æрцыд уæ фæрцы,

Урс- урсид бæмбæджын кæрцы.

Самира Ш.: Алкæмæн нæ хуын æрхаста

Аив хуыд дзæкъулы бастæй.

Кафæм, зарæм, хъуысы дард,

Цины хъæр, фæндыры цагьд.

Хъ.: Дада æрбад, иучисыл аулæф. Мах та уал нæ ныййарджытимæ ахъзæм.

Хъазт ныййарджытимæ: « Æрымбырд кæн чыргъæдмæ митыкъуыбæрттæ æхгæд цæстытимæ».

Хъ.: Ныр та ахъазант сабитæ .

Хъазт « »

Митын Дада: Бузныг сабитæ, уæ цæрæнбон бирæ.

Митæ: Дада сыв-тæ зарыдысты? Кафыдысты? Æмдзæвгæтæ радзырдтой? Лæвæрттæ дæ рох баисты?

Митын Дада: Мæнæ мæ куыд ферох сты. Митæ, фæкæс-ма Дадамæ. (халынц голлаг). Митын Дада: Сабитæн мæ голладжы нывæрдтон лæвæрттæ. Чидæр мын мæ голлаг баивта. (заз бæласы бын голлаг).

Митæ: Дада, кæс- ма, голлаг. Æвæццæгæн дæ голлаг у, лæвæрттимæ?

Митын Дада: Митæ, мæ хъæбул, байуар сывæллæттæн сæ лæвæрттæ. (Митæ райхæлдта голлаг æмæ афтид).

Митын Дада: Ацы фыдбылызтæ скодта Къулбадæг ус. Кæм ис кæм, Митæ, уыцы фыдзæрдæ?

Къ.ус: Мæнæ дæн! Дада, агуырдтай мæ?

Митын Дада: Зæгь ма, цы фæкодтай сывалæттæн сæ лæвæрттæ?

Къ.ус: Нæ уын цæ зæгъдзынæн. Баззадысты уæ сывæл-тæ æнæ лæвæрттæй, æз сæ бамбæхстон.

Митын Дада: Зæгь рæвздæр, цы фæкодтай лæвæрттæ, ныртæккæ дæ ныссæлын кæндзынæн.

Къ.ус: Нæ-нæ-нæ, Дада, нæ хъауы. Мæнæ, райс дæ голлаг. (систа гыццыл дзæкъул)

Митын Дада: Митæ, æркæс ма, сайд та ныл ма æрцæуæд.

Митæ: Афтид у голлаг.

Митын Дада: Ардæм ма рацу, кæдмæ нæ сайдзынæ?

Къ.ус.: Æмæ æз цы, æз куы ницы. Ныххатыр мын кæнут сабитæ, Дада, хинтæ сын скодтон: лæвæрттæ фестын кодтон миты къуыбæрттæ, фæлæ сын сæ хинтæ куыд сисон, уый ферох кодтон.

Хъ.: Мæнæ диссаг. Митын Дада, фехуысс кæнæм Къ.усæн, науæд сыв-тæ æнæ лæвæрттæй баззайдзысты.

Митын Дада райста миты къуыбар:

Æз мæ къухмæ райстон,

Урс миты къуыбар,

Тынг ыл ныр ныффу кæнон,

Лæдзæгæй йæм февналон,

Се’ппæтмæ дæр бахудон,

Миты къуыбар тулы, тулы

Фестут лæвæрттæ нæ цуры. (миты къуыбар батылдтам зазы бынма æмæ райстам лæвæрттæ)

Митын Дада æмæ Митæ: Цæй уæдæ, хæрзбон зæгъæм нæ сабитæн.

Иннæ сабитæм цæуæм,

Лæвæрттæ сын байуарæм.

Хъ.: Хæрзбон. Бузныг уын.

Къ.ус: Уæдæ æз дæр цæуон. Сæ фæстæ та ауайон.

Хъ.: Фæндараст.

Адрес публикации: https://www.prodlenka.org/metodicheskie-razrabotki/566405-scenarij