Сценарий викторины «Цаһан Сар хаврин байр»

8-гч классин сурһульчнрин дунд давулсн

«Цаһан Сар – хаврин байр» гидг марһан

Күсл: Цаһан Сар гидг сән өдрин тускмедрлнь икдүлх. Үгин саң байҗулх, келлһ өргҗүлх, хальмг улсин амн-үгин зөөрәр, нааддар соньмсулх. Хальмг улсин авъясан, төрскн келән хадһлдг сурһмҗ өгх.

(Самбрт ишкә герин, хальмг хувцта көвүнә, күүкнә зургуд өлгәтә. Тал дунднь марһана нерәдлһн бичәтә).

Багш: Мендвт сурһульчнр! Мендвт ирсн гиичнр!

Кезән-кезәнәс нааран өөрд хальмг улс үвлин киитнәс, шуурһн-боранас һару угаһар һарсндан байрлад, Цаһан Саран шуугатаһар давулад, хавран тосцхана. Би тадниг эн сән ѳдрлә йѳрәҗәнәв!

Җил болһн байртаһар

«Цаһаһан» тосҗ,

Улан зандн цәәһән уулцҗ.

Урл-амарн күүндҗ,

Нег-негнәннь чирә үзлцҗ,

Нег-негндән түшг-дөӊг болҗ,

Цуһар амулӊ бәәҗ, җирһий!

-Күүкд,Цаһан Сарин өмн әмтн ямаран белдвр кенә? ( герән ахулна, шин хувц хулдҗ авна, кергтә хотан белднә, боорцг шарна)

-Чик, Цаһан Сарин нег шинд эрт босад ю кенә?(Зулан өргнә; цә, мах чанна, дееҗ өргнә, өрк-бүләрн цаһална. Хөөннь хам-хоша бәәдг улсиг, элгн-садан дуудад, цаһана цәәһәр, хотар тоона)

Багш:Ода Цаһан Сарин байрт нерәдсн марһа давулхмн! Марһанд 8-гч классин сурһульчнр орлцҗана.

8 “А” классин баг “Бамб цецг” гидг нертә

8 “Б” классин баг “Нарн” гидг нертә

8 “В” классин баг “Харада” гидг нертә

8 “Г” классин баг “Җамб цецг” гидг нертә

Багш: Мана марһа күндтә жюрин гешүд шүүх.

Хальмг келнә багшнр : ___________________________________

___________________________________

1 - гч даалһвр «Бичә эндүртн!»

Багш: Мана наадна түрүн даалһвр ”Бичә эндүртн!” гидг нертә. Баг болһн сурврмудт хәрү өгх зөвтә.

1. Эн җилд хальмгуд кезә Цаһан Сар темдглв?

а) Лу сарин 10-д

б) Туула сарин 10-д

в) Бар сарин 10-д

2. Цаһан Сар ямаран чинртә?

а) шин бүүр йөрәдг байр

б) нас авдг өдр

в)хаврин байр

3.Цаһан Саркедү өдр темдглнә?

а) Долан хонг

б) Нег сар

в) Нег өдр

4.Цаһан Сарин байр ямаран бурхнла залһлдата?

а)Окн-Теңгр бурхнла

б)Ноһан Дәрк бурхнла в)Зуңква бурхнла

5)Цаһана ѳмн ѳдр ю кенә?

а)боорцг шарна

б) гиичд одна

в)өрк-бүләрн балһс орна

6)Өрүн эрт босад ю чанна?

а) күр кенә

б)цә чанна

в) хаш чанна

7) Цә уухин өмн ю келнә?

а) йөрәл келнә

б)үлгүр келнә

в)тууль келнә

8)Цаһан Сарла ямаран боорцгуд шарна?

а)дееҗин, белгин

б) дееҗин, гиичин

в)дееҗин, ѳрк-бүлин

9) Цаһалхларн ямаран сурвр тәвнә?

а)Ямаран бәәнәт?

б) Үвләс менд һарвт?

в) Цаһан Сард бийән белдвт?

10)Цаһан Сарла юн ичәнәснһарна?

а)хулһн

б) зара

в)зурмн

2 -гч даалһвр «Йѳрәл бүттхә!»

Багш: Баг болһна һардач Цаһан Сарин йѳрәл келх зѳвтә. (һардачнр самбр тал һарад, йѳрәл келнә.

3-гч даалһвр «Боорцг чикәр нерәдтн»

Багш: Күүкд,Цаһан Сарла ямаран боорцг шарна?

Сурһульчнр:(келцхәнә)Тоһш, целвг, хуц, шовун, хорха, темән, җола, шор белг, кит, мошкмр, өвртә тоһш, таслмр.

Чик. Ода марһана дарук даалһвр. Боорцгин зургуд хәләҗ нердинь чикәр бичх.

4-гч даалһвр «Кроссворд «Цаһана боорцгуд»

Деерәс дорагшан (по вертикали)

1.Хот - хол даӊгин элвг болтха гиһәд, эн боорцг кедмн.

3.Эн боорцгин чинр ѳрк- бүләрн ни-негн бәәх седкл медүлҗәнә.

5.Алтн шар нар дуралһад кедг боорцг.

6.Хавр ирсиг медүлҗәх чинртә боорцг.

7.Күүнә җирһл бат болсн деерән ут болтха чинр медүлҗәх боорцг.

9.Малын тѳл ѳстхә, күн болһн байҗтха чинр медүлҗәх боорцг.

Зүн бийәсн барун талагшан (по горизонтали)

2.Хальмг улс асрдг дѳрвн зүсн малын тоод орна.

4.Хѳѳдин то икдүлхин тѳлә арднь орҗ асрдг эн малын зүс дуралһҗ кедг боорцг.

6.Хортн -дәәснәс зер-зевин кев дуралһад кедг боорцг.

8.Үкр малын ѳвр дуралһҗ кедг боорцг.

10.Үрн-садн тооһарн олн болтха, малын то ѳстхә гиһәд кедг боорцг.

Жюрин гешүд аш һарһсн цагт,хальмгдуд соӊсх, эс гиҗ караоке дуулх.

Жюрин гешүд марһана аш келнә, баг болһниг һашгар ачлна

Багш: Иигәд марһан төгсҗәнә. Менд - байрта харһий!

Адрес публикации: https://www.prodlenka.org/metodicheskie-razrabotki/569534-scenarij-viktoriny-caan-sar--havrin-bajr