Сценарий праздника на 8 марта для подготовительной группы

Конспект сценарии « 8 мартъи»

(сывæллæттæ аив кондæй бацыдысты музыкалон уатмæ)

Хъомылгæнæг:

- Уæ бонтæ хорз, нæ зынаргъ сывæллæттæ æмæ нæ кадджын уазджытæ!

Тынг æхсызгон у уæ уынд нæ рæвдауæндоны. Абон мах бацæттæ кодтам программæ бæрæгбоны фæдыл, кæцы арæзт цæудзæн хъæзтытæй, кæфтытæй, æмдзæвгæтæй, зарджытæй…

Абон нæ бæрæгбон,

Абон нæ цины бон,

Абон ныййарæгæн

Арфæ кæнæм!

Амелина

: «Кæуыл фембæлæм мах,

Куы райгуырæм зæххыл?

Уый у нæ мад!

Уымæй зынаргъдæр нæй!

Йæ алыварс зæхх зилы,

Бæстæ йæхицæй ,ндавы.

Цæрæнбонты хъахъхъæны

Фыдбылызæй мах

Хæдзары мæсыг у,

Фыдæбон кæны æдзух.

Уымæн хъарм, фæлмæн

Йæ зæрдæмæ йæ къух!»

- Абон у стыр бæрæгбон – «Сылгоймæгты бæрæгбон». Æмæ ацы бон сæрыстырæй цыдæриддæр хуыздæр фарнæй æмæ ныхасæй ис, уыдон лæвар кæнæм. Бæрæгбоны хорзæх уæ уæд!

• æнæ хурæй нæ зайынц дидинджытæ,

• æнæ уарзтæй нæй амонд,

• æнæ сылгоймаг нæй уарзондзинад.

Фыццаг бон сывæллон куы райгуыры, уæдæй фæстæмæ цæры мады улæфтæй, йæ цæссыгæй æмæ йæ худтæй.

Мады уарзондзинадæй хъарм кæны сывæллоны цард, мад æй сахуыр кæны уарзын Райгуырæн бæстæ æмæ йæхи æвзаг.

1- аг: Сослан,Астан, Батрадз:

Нæ зынаргъ мадæлтæ

2- аг сывæллон

Кæд фæнды дæр уæ сæрыстыр стæм.

3- аг сывæллон

Фондз азы мыл куы сыххæст уæд бирæ райдыдтон æмбарын.

Æрмæстдæр иу не мбарын, алцыдæр куыд æййафы, куыд ын бантысы?!

Хъомылгæнæг:Ацы хъæлдзæг, райдзаст, уалдзыгон бон лæвар кæнæм нæ нанатан æмæ мадæлтæн.Уалдзæгау рæсугьд æмæ царддæттаг стут нæ зынаргь нанатæ, мадæлтæ, хотæ æмæ уын лæвар кæнæм нæ зарæг.

1-Зарæг «Мæ зынаргъ ныййараег».

Хъомылгæнæг:Сабитæ, уалдзæджы ралæуд адæмæн цард у, цины хос у. Æрдз базмæлы, цъиуты зардæй зæрдæ райы, ног сыфтæртæ сыбар-сыбурæй нал фенцайынц, хъæды сырдтæ базмæлынц.

1-Захра:

Рауай, рауай уалдзæг

Ды нæ уарзон уазæг!

Батав нæ дæ хурæй

Барæвдау нæ цинæй.

2-Давид:

Уалдзыгон сызгьæрин бон
Хур тæмæнтæ калы
Амæндтæ мæ арфæтæ
Сымахæн дуне уары

3-Сармат Г:

Рагуалдзæг райгæ æрцыди
Ногæй та сулæфыд зæхх
Малусæг фæзты фæзынди
Кæрдæгæй къуылдым фæцъæх.

Хъомылгæнæг: Сабитæ куыд загътам, абон у стыр бæрæгбон, æмæ нæ уазджытæн лæвар кæнæм иу раесугъд кафт.

Кафт

Хъомылгæнæг: Уæдæ та байхъусæм æмдзæвгæтæм:

1. Азамат:«Мадмае»

«Бирæ фæрæвдыдтай,

О Гыцци, мæн,

Арæх – иу зарджытæ

Кодтай мæнæн.

Хъарм – иу мæ бамбæрзтай,

«Хур» мæ хуыдтай.

«Ахуысс мын, айрæз мын»,-

Заргæ дзырдтай,

Буцæй дæ хъæбысы

Схастон мæ рæз

Акæс – ма, абон дын

Ногдзау дæн æз.

2-Георгий: «Мамаейы ныхас»

Хурау рухс зæрдæ у мад,

Никуы зоны уый фæллад

Сты йæ хъарм къухтæ фæлмæн,

Алы бон рæвдауы мæн.

Тынг дæ уарзын, тынг, уый зон,

Райдайын дæуæй мæ бон,

Райдайын дæуæй мæ фæндаг

Дæн дæ лæггæгтæн лæггаг!

3-Аделина: «МÆ МАДÆН»

Мæ мадæн лæварæн

Мæ уд дæр дæттын,

Мæ мад у æппæтæй

Зæрин хуры тын,

Мæ мадæн лæварæн

Æз ноджы дæттын

Фырцинæй æууылдæй

Мыдимæ кæрдзын

Кæнæ уæд йæ фæндаг

Фæриссы æдзух.

Мæ мадæн бæмбæгæй

Фæлмæндæр йæ къух!

Хъомылгæнæг:

Æртæккæ та базонут уыци – уыцитæ:

• Æрхауы – агæпп кæны,

Ныццæв æй – не скæудзæн (порти)

• Фосмæ цыргъ йæ дæндаг дары,

У хъæхъаг æмæ фыр зыд

Марын æй хъæуы, уый марын

Рагæй дæр фыдгæнæг уыд (бирæгъ)

• Уæртæ къудзиты бын ныхъхъус

Цъус йæ сæр фæзыны.

Ракъуыпп, радымсти йæ рус,

Фæрвы цъар æхсыны(тæрхъус)

• Пъолы бын цæры, гæдыйæ тæрсы (мыст)

Хъомылгæнæг:

Нæ уарзон ныййæрджытæ мах сабитимае фæнды базонын, цавæр æмбисæндтæ зонут?

Кæстæрæн йæ хæс – хистæрмæ хъусын!

Цард-куыстæй фидауы!

Хуымы цы байтауай- уый дзы сæвзæрдзæн!

Хорз куыдз – лæгæн æмбал у.

Æхст цъиуæй зарын дæр ферох вæййы.

Хъомылгæнæг: Сызгъæрин фестай мад! Дæ къухты хъарм, дæ рæвдыд цæстæнгас!.. Куыд зынаргъ æмæ кадджын у дæ ном!.. Куыд æнæнымæц сты дæ хæрзтæ, дæ фыдæбон! Ис ма ахæм æмбисонд дæр: «Йæ ныййарæджы чи нæ уарзы, уый никæй бауардзæн». Мад у æппæт хæрзты райдайæн, дунейы царддæттæг!

(хъуысы музыка)

Мæнмæ гæсгæ нæм чидæр æрбацæуы.

Уалдзæг:

 Уæ мæ гыццыл хуртæ!
Бирæ мын цæрут.
Алкæддæр мæ размæ
Хъæлдзæгæй цæут
Байтаудзынæн Ирыл
Хуры тынтæ, дидинтæ
Бирæ,бирæ амæндтæ
Цъæх кæрдæгæй гауызтæ.
Уæ нанатæ сæдæ азы
Сæкæртæ куыд хæрой
Уæ мадæлтæ уæ цинæй
Тæмæнтæ куыд калой.
Мæ гыццыл хуртæ ,чызджытæ
Æнæнизæй байрæзут

«Чызыты кафт».

Уалдзæг: Бузныг сабитæ, уæ рæссугъд кафтæй мын мæ зæрдæ бахъæлдзæг кодтат. Тынг аив æмæ хæрхзконд стут. Ныр та сабитæ мемæ "Базон-базонтæй ахъазут"
Базон-базон зæхх урс дарæс кæд дары? (зымæг)
Мæргьтæн уазалы уын зын
Æмæ хъарм бæстæм тæхынц
Адæм бафснайдтой тыллæг
Уый нæм ралæууыд (фæззæг)
Цъиутæ æртахтысты, бахъæлдзæг бон
Уый кæд вæййы? (уалдзæг)
Хур судзы уырыдзы, хæрынæн бæззы
Уый кæд вæййы? (сард)

Хъомылгæнæг: Бузныг Уалдзæг, кæй нæ фæзивæг кодтай æмæ нын нæ бæрæгбонмæ кæй æрбамбæлдтæ.

Хъазт: «Дидинджыты фæз»

Хъомылгæнæг: Уалдзæг нæ сабитæ сæрæн сты алцæмæдæр, нæ зынаргъ мадæлтæн æмдзæвгæтæ бакæсдзысты.

1- Самира Ш. «МÆ МАД»

Мæ уарзон ныййарæг

Мæ хур дæ, мæ мæй.

Дæуæй мын зынаргъдæр

Зæххы цъарыл нæй.

1. Астан Дз:

Мады фæлмæн цинтæ

Рухсхуры хъарм тынау,

Мады фæлмæн митæ,

Аргъæуты дунейау.

Уалдзæг: Бузныг уын зæгъын, мæ зæрдæ мын тынг барухс кодтат, алцæмæдæр сæрæн стут, мæнæн та æрцыд мæ рæстæг иннæ рæвдауæндонмæ цæуын, уым дæр мæм æнхъæлмæ кæсынц сывæллæттæ. Хæрзбон, хорзæй баззайут.

Хъомылгæнæг: Мах та дарддæр нæ бæрæгбон хъæлдзæг кæнæм æмæ та бафæлварæм, нæ лæппуты хъару.

Хъазт: «Бæндæн ивазæн»

Хъомылгæнæг:Æмæ та иу рæссугъд зарæг акæнæм нæ нанатæн.

Зарæг «Мæ нанайæн зарын».

Хъомылгæнæг:Афтæмæй нæ бæрæгбоны программæ кæронмæ æрхæццæ, зæрдæбынæй уын нæ зæрдæ зæгъы: æнæниз æмæ æнæмаст, рæсугъдæй, хъæлзæгæй æмæ сæрæнæй цæрут нæ зынаргъ мадæлтæ, уæ сывæллæттæ та уæм куыд хъусой, уæ зæрдæ уын рухс куыд кæной, арфæйаг уыт!!!

Адрес публикации: https://www.prodlenka.org/metodicheskie-razrabotki/613426-scenarij-prazdnika-na-8-marta-dlja-podgotovit