Рабочая программа по удмуртскому литературному чтению 3 класс

3-ТИ КЛАССЫН ЛИТЕРАТУРНОЙ ЛЫДЗИСЬКОНЪЯ УЖАН ПРОГРАММА

Валэктон.

Покчи классъёслы литературной лыдзиськонлы дышетон программа дасямын начальной школаын литературной лыдзиськонлы дышетонлэн федерал стандартэз но лулпуш дуннеез азинтонъя но узырмытонъя концепциез вылэ инъяськыса.

Туала дышетон удыслэн одигез бадзымез ужпумез котыр ласянь тодон-валан басьтыны быгатись адямиез будэтон луэ. Солы инъет покчи классъёсын кылдытиське ни: татын нылпиос вераны но кылзыны, лыдзиськыны но гожъяськыны дышетско. Мукет предметъёсын артэ та быгатонъёсты азинтыны бадзымесь луонлыкъёс кылдытэ литературной лыдзиськон предмет.

Начальной школаын литературной лыдзиськон урокъёслэн мугзыдышетскисьлэсь лыдзиськыны быгатонлыкъёссэ (компетенцизэ) будэтон луэ. Сыче компетенциен пинал зеч лыдзиськыны быгатэ, чеберлыко но научно-познавательной произведениослэсь портэмлыксэс шодэ, арлыдызлы тупась троссэ книгаосты тодэ но кулэезъя ас кожаз бырйыны быгатэ, книга выльзэ, тодмотэмзэ усьтыны но пушдуннеез узырмытыны юрттэ шуыса вала. Со муген литературной лыдзиськон урокъёс азьын таче ужпумъёссыло:

– валаса, шонер, вольыт но мыло-кыдо лыдзиськыны быгатонзэс азинтоно, лыдзиськон мылкыдзэс жутоно, ас кожазы книга бырйыны дышетоно;

– чеберлыко литература пыр адями кусыпъёс, дунне дунлыкъёс сярысь валан сётоно, удмурт но Россиысь портэм калыкъёслэн лулчеберетсылы гажан мылкыд пычатоно;

– художественной литература кыл устолык луэ шуыса возьматоно, нылпиослэсь вераськон но гожъяськон кылзэс волятоно, творческой быгатонлыкъёссэс азинтоно.

Литературной лыдзиськонъя программая 3-ти классын дышетскисьёс калык кылосысь произведениослэсь пуштроссэс мургес но паськытгес эскерозы, фольклор жанръёсты висъяны быгатэмзэс азьланьтозы. Озьы ик удмурт калык кырзанъёсын, мадиськонъёсын, визькылъёсын но лэчыт веранъёсын, выжыкылъёсын, калык кырзанъёсын тодматскозы. Та жанръёсъя куд-ог тодон-валанъёс басьтозы. Удмурт но зуч писательёслэн портэм жанръёсын нылпиослы гожтэм произведениосынызы тодматскозы: веросъёсын, авторен гожтэм выжыкылъёсын, лирической но эпической кылбуръёсын, научно-познавательной произведениосын. Лыдзон тематика: зеч но урод сямъёс, эшъёс, семья кусыпъёс, инкуазь.

Дышетон предметлэн пуштросэзлэн дунлыкъёсыз (ценностные ориентиры)

Литературной лыдзиськонъя программаын азьпал радэ таче ужпумъёс пото: зеч сямо нылпиосты будэтон, портэм пумо дышетскыны быгатонлыкъёссэс (универсальные учебные действия) азинтон, лыдзонъя инъет луись тодон-валан басьтон.

Литературной лыдзиськонъя программалэн пуштросэз озьы радъямын: отын удмурт но зуч, финн-угор писательёслэн ужъёссы пыр нылпиос удмурт но мукет калыкъёслэн улон-вылонэнызы, сямъёсынызы, дунне шоры учконэнызы тодматскозы, огкадьзэ но портэмзэ чаклалозы, шаерзэс яратыны но мукет шаеръёсты гажаны дышетскозы. Озьы ик инкуазьлы сизем произведениос пыр дышетскозы сое валаны, утьыны, пушдуннезэс узырмытыны. Оглом вераса, таче валатонъёс нырысь радэ потозы: чеберлык, зэмлык, улонлэн дунлыкез, эрико луон, эсэпез шодон.

Лыдзиськонъя урокъёсын дышетскисьлэн личностной, метапредметной (регулятивной, познавательной, коммуникативной действиос пыр), предметной быгатонлыкъёссы азинскозы. Лыдзон урокъёс пыр инъет луись быгатонъёс басьтозы: валаса, шонер, мыло-кыдо лыдзиськыны дышетскозы, ас быгатэмзыя книга бырйыны дышозы, чеберлыко но научно-познавательной литературалэсь портэмлыксэ но кулэлыксэ валалозы, литература пыр чеберлыкез, дуннелыкез усьтозы.

«Литературной лыдзиськон» предметлы школаямы 51 час висъяське (арняяз 1,5 час) .

Учебно-тематической план

Дышетон предметлэн пуштросэз

Котькуд классын (2-4) литературной лыдзиськонлы дышетон программае таче люкетъёс пыро:

– вераськон ужманерлэн портэмлыкъёсыз;

– лыдзиськон ужманерлэн портэмлыкъёсыз;

– портэм пумо текстъёсын ужан;

– книгаен ужан;

– художественной произведение бордын ужан;

– лыдзиськон тематика;

– литературоведческой валатонъёсын тодматскон;

– дышетскисьёслэсь творчествозэс азинтон.

Вераськон но лыдзиськон ужманерлэн портэмлыкъёсыз

Кылзон (аудирование). Верамез кылзыны быгатон но пуштроссэ валан, кылзэм текстлэн пуштросэзъя дышетисьлэн юанъёсызлы вераны быгатон; кылзэм текстысь событиослэсь борсьысь борсе ортчемзэс валан, геройлэн лэсьтэм ужъёсызлы дунъет сётыны быгатон, авторлэсь героез шоры учкемзэ валан; кылзэм произведенилэсь жанрзэ валаны быгатон; кылзэм учебной, научно-познавательной но художественной произведениосъя юанъёс сётъяны быгатон.

Шара но ас понна лыдзон. Слогъёсъя лыдзонысь валаса но янгыштэк быдэс кылъёсын шара огсыр лыдзонэ выжон; лыдзиськон техникаез волятон; орфоэпической нормаосты чакласа, куараез кулэезъя пуктыса, портэм текстъёсты лыдзон; классысь классэ лыдзиськон жоглыкез будэтон:

1-ти класс пумын – тодмотэм текстэз минутскын шара 25-30 кылозь но трос лыдзон;

2-ти класс пумын – минутскын шара 50-60 кылозь лыдзон, ас понназы – 10 кыллы тросгес;

3-ти класс пумын – минутскын шара 75-85 кылозь лыдзон;

4-ти класс пумын – минутскын 90 кылозь но солэсь ятыргес шара лыдзон, ас понназы – 50 кыллы тросгес.

Простой предложениосты лыдзыку, знакъёссэ чакласа, куараез кулэезъя пуктон. Чеберлыко литератураез лыдзыку, тупась интонациез (темп, тембр, пауза, логической ударение) чаклан, со мед возьматоз лыдзисьлэсь но авторлэсь мылкыдзэс но малпанзэс. Пичи текстэз ас коже мыло-кыдо лыдзыны дасян. (лыдзонлэсь темпсэ но тонзэ бырйыны, логической ударенизэ но паузаоссэ висъяны).

Вераськон. Ваче вераськон-диалог, ваче вераськонлэсь аспортэмлыксэ валан. Юанъёсты валаны но соослы валэктон сётыны, аслыд юанъёс малпаны; верасез кыл висказ пырытэк кылзыны, лякытэн ас малпандэ вераны быгатон.

Монолог: верандэ композиция ласянь радъяны, кулэезъя чеберман амалъёс пыртылыны (синоним, антоним, чошатон, олицетворение, гипербола) тыршон.

Лыдзем произведениез азинтыса, устной сочинение гожтон, суредъя яке сётэм темая вакчи верос кылдытон.

Гожъяськон. Гожъяськон нормаосты чаклан: текстлэн йыръянэз пуштросэзлы мед тупалоз. Повествование, описание, рассуждение типъем текстъёсын кулэзъя чеберман амалъёсты (синоним, антоним, чошатон) кутон. Дэмлам темая верос, лыдзем темалы отзыв гожтон.

Портэм пумо текстъёсын ужан

Пӧртэм пумо (художественной, учебной, научно-популярной) текстъёс, соослэн кылдон мугзы сярысь валан, чошатыны быгатон.

Текстэз огшоры предложениослэсь висъяны быгатон. Текстлэсь темазэ но главной малпанзэ висъян. Текстэз ёзэтъёслы люкон, котькуд ёзлэсь основной малпанзэ висъян но йыръян, юан, повествовательной яке назывной предложениосын план кылдытон. Текстлэсь пуштроссэ ас кылыныд веран: текстлы матын, вакчияк, ог люкетэзлы, инъет луись кылъёсъя яке дясям планъя. Лыдзем текст вылэ инъяськыса, пӧртэм пумо текст кылдытон: повествование, описание, рассуждение. Кылдытон мугзэс чаклан. Описание, рассуждение элементъёсын текстъёслэсь пуштроссэс ас кылыныд мадьыны быгатон.

Пӧртэм информациен ужаны быгатон.

Огъя кенешонэ пыриськыны: юанъёслы вераны, мукетъёссэ кылзыны но верамзэс азинтыны дышетскон.

Книгаен ужан

Книгалэсь люкетъёссэ тодман: вылбам, титульной лист, йыръян, азькыл, аннотация, йылпумъян. Учебной, художественной, справочной книга сярысь валан.

Книгалэн типъёсыз сярысь тодон: книга-произведение, книга-сборник, словарь, энциклопедия.

Рекомендательной список но библиотекаысь картотека вылэ пыкъяськыса, кулэ книга бырйыны быгатон.

Трос пӧртэм книгаосын ужаса, валанэ вуон: одиг писатель трос книга гожтэ (писатель но солэн книгаосыз), одиг темалы трос писательёс книгаос гожъяло (тема но писательёс).

Ас коже аннотация гожтыны быгатон.

Художественной произведение бордын ужан

Чеберлыко произведенилэсь аспортэмлыксэ валан, йыръянзэ пуштросэныз герзан. Лыдзем произведенилэсь пуштроссэ валан.

Произведениысь чеберман амалъёссэ кутыса, пуштроссэ ас кылыныд веран. Сётэм суредъёсъя верос кылдытон, текстысь суредлы тупась люкетсэ шедьтон. Лыдзем текстысь люкетъя кылын суредан радъян.

Текстысь чеберман амалъёсты кутыса, геройёслы характеристика сётон: портрет, характер, вераськемез, ассэ воземез. Геройлэсь поступоксэ эскерон, авторлэсь геройлы мылкыдзэ шараян, пиналлэсь геройлы мылкыдзэ веран.

Текстлы пӧртэм пумо пересказ лэсьтон: текстлы матын, вакчи, ог люкетэзлы.

Шаерлы сизем произведениосты лыдзон, авторъёслэсь вордскем палзэс данъямзэс шӧдон; удмурт но мукет калыкъёсын кылдытэм произведениосысь та темая огкадь сюжетъёсты, геройёсты, мылкыдъёсты чаклан.

Произведениос вылын эшъяськон, яратон, зеч сямъёс сярысь вераськон, умойзэ уродэзлэсь висъяны быгатон.

Лыдзиськон тематика

Калык кылосысь произведениос. Удмурт, зуч но финн-угор литератураысь произведениос.

Художественной, научно-познавательной, научно-популярной, справочно-энциклопедической литература, нылпиослы потись газет-журналъёс.

Лыдœон темаос: шаер, инкуазь, нылпиос, пудо-живот, пќйшуръёс, уж, œеч но урод сямъёс сярысь.

Литературоведческой валатонъёсын тодматскон. 3-ти класс

Калык кылос (фольклор).

Калык кырзанлэн темаосыз.

Мадиськонъёс. Соослэн темазы.

Авторен гожтэм мадиськонъёс.

Визькылъёс но лэчыт кылъёс. Соослэн тематиказы, лэчыт кылзы.

Калык выжыкылъёс. Соослэн пӧртэмлыксы (пудо-животъёс сярысь, пӧртмо (волшебной), улон-вылон сярысь).

Верос. Верос сярысь валанэз муромытон но паськытатон.

План. Цитатной план.

Научно-познавательной но научно-популярной текстъёс. Соослэн верослэсь пӧртэм луэмзы.

Повесть. Солэн верослэсь пӧртэмлыкез.

Лирической но эпической кылбуръёс, соослэн пӧртэмлыксы, кылзы.

Выжыкыл-пьеса. Драматической произведенилэн тодметъёсыз.

Художественной текстъёсын пумиськись чошатонъёс, олицетворениос, эпитетъёс.

Произведениын писательлэсь позицизэ валанэз азьланьтон.

Выль литературной материал вылын 2-ти классын басьтэм валанъёсты юнматон.

Дышетскисьёслэсь творчествозэс азинтон

Лыдзем текст вылэ инъяськыса, выжыкыл яке верос малпан. Текстъя пӧртэм пумо интерпретация лэсьтон: рольёсъя лыдзон, «улэп картинаос» пуктон, сценка, драматизация дасян, кылын суредан, текстлы матын, вакчи, ог люкетэзъя художественой яке творческой пересказ лэсьтон, лыдзем произведениея аслэсьтыд тексттэ кылдытон.

Огвыллем темаослы художественной произведениез но картинаез чошатон, мылкыддэ веран.

Арлэн пӧртэм вакытъёсаз инкуазьлэсь пӧртэмлыксэ адзыны быгатон, котырысь адямиослэсь мылкыдзэс шӧдыны быгатон, адземдэ-чакламдэ вераны но гожтыны быгатон. Кылдытэм тексттэ художественной текстэн чошатон, ас мылкыдэдлы тупась литератураысь произведениез шедьтон.

Литературной лыдзиськонлы дышетонлэн результатъёсыз

3-ти классэз йылпумъясь пинал таче быгатонлыкъёс басьтоз:

Личностной:

– ас визьмыныз тодон-валан люканы, быгатонлыкъёссэ азинтыны;

– аслэсьтыз мылкыдзэ валэктыны быгатыны;

– литературалэсь чеберлыксэ, кыл радлыксэ шодыны, вераськон

кылэз волятыны;

– асваланзэ будэтыны, улонын кин луэмзэ, кыче выжыысь потэмзэ тодыны, вордскем кылзэ, ас калыксэ, шаерзэ гажаны.

Дышетскисьлы луонлык кылдоз:

– возысь адямиослэсь мылкыдзэс шодыны, соосты жаляны, юрттыны быгатыны;

– зеч сямъёсты пычатыны;

– удмурт литератураез мыло-кыдо лыдзыны.

Регулятивной:

– уроклэсь темазэ но мугзэ ас кожаз пуктыны;

– пуктэм ужпумез быдэстон вылысь план радъяны;

– планъя ужаны быгатыны;

– дышетисен чош ужез дунъяны.

Дышетскисьлы луонлык кылдоз:

– дышетисен чош выль ужпумъёс пуктыны;

– планъя но пуктэм ужпумез чакласа ужаны;

– валче ужын дышетскыны быгатэмзэ возьматыны;

– ас кожаз тодон-валанъёссэ будэтыны;

– ас ужамзэ шонер дунъяны;

Познавательной:

– портэм пумо лыдзиськонэз тодыны: тодматскон (ознакомительной), учкыса потон (просмотровой), мур лыдзон (изучающей).

– текстысь, таблицаысь, суредысь, схемаысь кулэ информация басьтыны;

– словарьёсын, справочникъёсын ужаны;

– анализ, синтез лэсьтыны;

– текстъёсты, геройёсты чошатыны;

– рассуждение кылдытыны быгатыны;

– проектъёс бордын ужаны;

– исследовательской быгатонлыкъёссэс азинтыны.

Дышетскисьлы луонлык кылдоз:

–– текстысь, таблицаысь, суредысь, схемаысь, портэм пумо литератураысь, озьы ик Интернетысь кулэ информация басьтыны;

– проектъёс бордын ужанэз азинтыны.

Коммуникативной:

– портэм югдурын малпанъёссэ радъяса вераны;

– ас малпанзэ валамон, оскымон вераны;

– мукетъёслэсь верамъёссэс кылзыны.

Дышетскисьлы луонлык кылдоз:

– группаен ужаку, мукетъёслэсь малпанъёссэс лыдэ басьтыны;

– мукетъёссэ кылзыны но валаны тыршыны;

– ог-огедлэсь уждэ эскерыны но кулэезъя юрттэт сётыны;

– урокын аслэсьтыз ма каремзэ но кызьы ужамзэ валамон вераны;

– портэм коммуникативной ужпумъёсты быдэстон вылысь, тупась вераськон амалъёсты кутыны.

Предметной:

– валаса, шонер, мыло-кыдо лыдзиськыны;

–лыдземлэсь азьпал йыръянъя, суредъя, авторлэн нимызъя текстлэсь пуштроссэ валаны тыршыны;

– ас кожаз текст лыдзыны;

– текстэз ёзъёслы люкылыны, простой но сложной план кылдытыны;

– геройлы характеристика сётыны;

– текстлы матын яке ог люкетэзъя пересказ лэсьтыны;

– лыдземезъя мылкыдзэ вераны:

– устной но письменной описаниос лэсьтыны;

– тодметъёсъя произведенилэсь жанрзэ вераны (верос, повесть, пьеса, выжыкыл, лирической, эпической кылбур);

–чеберлыко текстысь эпитетсэ, чошатонзэ, олицетворенизэ шедьтыны;

– произведенилэсь нимзэ, авторзэ, геройёссэ одиг радэ герзаны быгатыны.

Дышетскисьлы луонлык кылдоз:

– писательлэсь гожъяськон манерзэ валаны но соя ас малпанзэ вераны;

– текстысь авторен кутэм чеберман амалъёсты адзыны;

– лыдзем произведениез гожтэм вакытэныз герзаны.

Пиналъёслэсь басьтэм тодон-быгатонлыкъёссэс эскеронъя дэмланъёс но ужъёс.

Туала дышетон удыслэн одигез бадзымез ужпумез - котыр ласянь тодон-валан басьтыны быгатись адямиез будэтон. Со понна бадӟым саклык висъяно дышетскисьёслэсь лыдӟиськыны быгатонлыкъёссэс (компетенцизэс) азинтонлы. Та ужпум ик покчиёзо школаын литературной лыдӟиськон урокъёслэн валтӥсь мугзы луэ.

Литературной лыдӟиськонъя И.Ф.Тимирзяноваен, Л.С.Кузнецоваен, И.А.Семёноваен дасям итоговой эскерон ужъёс дышетскись нылпиослэсь тодон-быгатонъёссэс (предметной но метапредметной результатъёссэс быдэстэмзэс) эскерон вылысь чакламын. Со покчиёзо дышетонлэн Федерал кун дышетон стандартэз но «Литературной лыдзиськонлы дышетон программа (1–4-ти классъёслы; дасязы Т.С. Иванова, И.Ф. Тимирзянова, 2011)» вылэ инъяськыса дасямын.

Итоговой уже пыртэм юанъёс но заданиос «Литературной лыдзиськон» курслэсь таче люкетъёссэ чакласа радъямын: «Вераськон но лыдзиськон ужманерлэн (деятельностьлэн) портэмлыкъёсыз»,«Литературоведческой валатонъёсын уж вылын тодматскон», «Нылпиослэсь творчествозэс азинтон».

Эскерон уж дасямын, кун стандартлэсь дышетскисьёслы кык уровенен тодон-быгатонъёс сётон сярысь куронъёссэ чакласа.

Быдэстоно ужлэн пуштросэз.

Итоговой уже инъет луись (базовой) но вылӥ (повышенной) уровенен 14 задание пыртэмын. Соос полысь дас кыкез уж пиналъёслэсь инъет луись уровенен басьтэм тодон-быгатонъёссэс эскерыны юрттозы, нош кыкез – выли уровенен быгатонъёссэс. Выли уровенен ужъёс таче пусэн возьматэмын: *. Инъет луись юанъёс но заданиос нылпилэсь сыӵе быгатонъёссэ эскеро, кудъёсызтэк со азьланьын тодон-валан басьтыны уз быгаты. Секытгес уровенен юанъёс но заданиос нылпилэсь азьланьын дышетскыны быгатонлыкъёссэ шараяло, творческой луонлыкъёссэ усьто. Вань заданиос сётэм текст вылын быдэстӥсько. Пӧртэмлыксыя соос таӵеесь: юанлы валэктонъёс пӧлысь огзэ быръёно; сётэм юанлы валэктонэз текстысь шедьтоно но ултӥз гожен пусъёно; юанлы аслыд валэктон сётоно; юанъя малпандэ вакчияк гожтоно. 3-тӥ класслы чаклам итоговой уж нылпиослэсь пӧртэм пумо быгатонлыкъёссэс шарая. Со быгатонлыкъёсты куинь туркыме (группае) огазеяны луоз: 1-тӥ туркым – сётэм текстлэсь огъя пуштроссэ валан (текстысь кулэ ивортодэтэз шедьтыны быгатон); 2-тӥ туркым – текстлэн пуштросэзъя ужаны быгатон (утчан-эскерон ужъёс); 3-тӥ туркым – сётэм текстъя ас малпанъёстэ вераны быгатон (творческой ужъёс). 1-тӥ туркыме (сётэм текстлэсь огъя пуштроссэ валан) пырись заданиос нылпилэсь саклыксэ эскерыны юртто но таӵе быгатонлыкъёсты шараяны чакламын: текстлэсь жанрзэ тодманы (верос, выжыкыл, кылбур), текстын возьматэм вакыт, инты, учыръёс, геройёс сярысь вераны, текстысь кылъёслэсь но кылтэчетъёслэсь пуштроссэс валэктыны, текстлэн пуштросэзъя юанлы валэктон сётыны. 2-тӥ туркыме (текстлэн пуштросэзъя ужаны быгатон) пырись заданиос нылпилэсь текстэн ужаны быгатэмзэ шараяло: текстлэсь валтӥсь малпанзэ шараяны, текстлы тупась визькыл бырйыны; авторлэсь герой шоры учкемзэ валаны; сое возьматон амалъёсты адӟыны; сётэм учыръёсты яке геройёсты куспазы ӵошатыны, текстэз люкетъёслы люкылыны, учыръёслэсь радзэс бӧрсьысь вераны. 3-тӥ туркыме (сётэм текстъя малпаськыны, ас малпанъёстэ вераны быгатон) пырись заданиос нылпилэсь творческой луонлыкъёссэ шараяло: текстлы йыръян малпаны; геройлэсь сямъёссэ дунъяны; текстын возьматэм югдуръя малпанэз вераны, текстысь возьматэм югдурез аслад улонысьтыд учырен герӟаса вераны, текстэз азинтыны.

Итоговой ужысь заданиослэн пуштроссы

14 заданиез быдэстыса, дышетскись 16 балл люканы быгатэ.

16 –15 балл (90–100%) – уж туж умой быдэстэмын, «5» отметкалы.

14 – 9 балл (75–89%) – уж умой быдэстэмын, «4» отметкалы.

8 – 5 балл (50 –74%) – уж шоро-куспо быдэстэмын, «3» отметкалы.

4 – 1 балл – уж ляб быдэстэмын, «2» отметкалы.

«5», «4», «3» отметкаослы быдэстэм ужъёслы таче дунъет сётоно: «Уж инъет луись уровенен быдэстэмын»;

«2» отметкалы быдэстэм ужъёслы таче дунъет сётоно: «Уж инъет луись уровеньлэсь ули быдэстэмын».

Демоверсия.

Текстэз лыдӟы.

А. Демьянов

Шарк-шарк нингуби.

Тулыс шунды золгес шунтэмъя нюлэс пушкын вожектыны кутскись турынлэн жингрес серекъям куараез кылӥськиз. Пичильток нингубилы сюй коркаяз мӧзмыт потӥз.

– Атай! Анай! – вазиськиз со. – Азбарын тулыс апай. Мынам но кырын шулдыръяськеме потэ.

Кунэрскиз нингуби атай, љожтӥськиз нингуби анай.

– Вазь на али асьмелы, пичильток! Асьсэ карысь потӥзы вазь вуись губиос гинэ – пересь кокрокъёс, йылсо изьыос. Соос мед шулдыръяськозы ини!

Пумен кускозь љутскиз жалем турын, пӧсьгес пыже гужем шунды. Ӝокаса пукыны уг чида ни пичильток.

– Атай! Анай! Азбарын пӧсь гужем кузёяське. Кыре-буре потысал! Ойдолэ поръяны, кырӟаса шудыны…

Мӧзмыт тусо луиз атаез, мур лулӟиз анаез.

– Асьмелэн дырмы ӧз ву на, мусое! Али юмшалозы кызьпугубиос, пипугубиос – дуно шляпаос.

Шунды улӥе лэзиськиз, зор шапыкъёс ӵемгес музъемез котто. Зарни кадь ӵужектэм куаръёс мӧзмыт шильырто, югыт дуннеез адӟыны ӧтё. Зар-зар бӧрдыса сюлворе ини пичи нингуби:

– Атӥе! Анӥе! Тулыс но кошкиз, гужем но ортчиз, сӥзьыл вуэ ук азбаре. Нош асьмеос весь пукиськом та љокыт сюй коркаямы. Ку-о поръяломы, кырӟаса шудомы на? Мынам югытэз адӟеме потэ!

Пальышаз нингуби атай, мынектӥз нингуби анай.

– Табере асьмеос нюлэс кушез шулдыртом! – лӧптыса веразы соос.

Батыр нингуби атай паськыт пельпумъёссэ жутӥз но, губи семья поръяны потӥз. Поръяло, бергаса шудо… Вӧзазы ик сузэръёс-мильымгубиос; вынъёс-лӥялгубиос-кузь кукъёс; ненег шыргубиос; пӧлазы жуйгуби дядяй но. Ваньзы, синзэс вошъятэк, учко нингуби семья шоры.

– Ой, та нингубиосыд шарк-шаркесь ук… Пичильтоксы нош ваньмызлэсь чебер, мусо!

1. Малпаськы, текстлэн йыръянэз мае возьматэ?

□ темазэ

□ валтӥсь малпанзэ

Кыӵе та текст луэ?

□ верос

□ выжыкыл

□ кылбур

□ научно-популярной текст

Кудаз книгае та произведениез пыртыны луоно?

□ «Удмурт калык выжыкылъёс»

□ «Дуннеысь калыкъёслэн выжыкылъёссы»

□ «К. Герд «Выжыкылъёс»

□ «Шундыпог» (литературной выжыкылъёс)»

Кыӵе та выжыкыл луэ?

□ пӧртмо

□ улон-вылон сярысь

□ пудо-животъёс сярысь

Та текстын автор лыдӟисьлы мае вераны турттэ?

□ лӧптылон сям умое уз вутты

□ инкуазьын ваньмызлэн аслаз дырыз

□ кышканы уг яра

□ алдаськись муртэн уз эшъяське

Выжыкыл гожъясь писателез пусйы.

□ Ф. Александров

□ А. Леонтьев

□ Г. Симаков

□ Ю. Байсарова

Текстын инкуазьлэн кыӵе вакытэз сярысь уг вераськы?

□ тол

□ тулыс

□ гужем

□ сӥзьыл

Кытын ортче действие?

□ сюрес дурын

□ гуртын

□ возь вылын

□ нюлэскын

Мар сярысь тазьы шуэмын: «Шунды улӥе лэзиськиз, зор шапыкъёс ӵемгес музъемез котто»?

□ љыт вуиз

□ сӥзьыл вуиз

□ пересьмон дыр вуиз

□ бертон дыр вуиз

Кудӥз визькыл та произведенилы тупалоз?

□ Муртлэн корказ кема уд улы.

□ Уж сюдэ – азьтэм быдтэ.

□ Дыртод – адямиосыз серекъятод.

□ Кырӟась муртлы кузь сюрес но вакчи потэ.

Кинъёс текстын валтӥсь геройёс луо? Гожты.

____________________________________________________________

Кудаз предложениын пичильток нингубилэн мукетъёсызлэсь пӧртэм луэмез сярысь вераське? Шедьты но гожты со предложениез.

____________________________________________________________

13.* Текстъя таблицаез быдэсты.

14.* Яраз-а та выжыкыл? Малы? Малы со дышетэ? Малпандэ радызъя 3-4 предложениен гожты.

_______________________________________________________________________________________________________________________________________________________________________________________________________________________________________________________________________________________________________________________________________

Валэктонъёсыз.

Шарк-шарк нингуби.

Малпаськы, текстлэн йыръянэз мае возьматэ?

+ темазэ

□ валтӥсь малпанзэ

Кыӵе та текст луэ?

□ верос

+ выжыкыл

□ кылбур

□ научно- популярной текст

Кудаз книгае та произведениез пыртыны луоно?

□ «Удмурт калык выжыкылъёс»

□ «Дуннеысь калыкъёслэн выжыкылъёссы»

□ «К. Герд «Выжыкылъёс»

+ «Шундыпог» (литературной выжыкылъёс)»

Кыӵе та выжыкыл луэ?

□ пӧртмо

+ улон-вылон сярысь

□ пудо-животъёс сярысь

Та текстын автор лыдӟисьлы мае вераны турттэ?

□ лӧптылон сям умое уз вутты

+ инкуазьын ваньмызлэн аслаз дырыз

□ кышканы уг яра

□ алдаськись муртэн уз эшъяське

Выжыкыл гожъясь писателез пусйы.

□ Ф. Александров

□ А. Леонтьев

+ Г. Симаков

□ Ю. Байсарова

Текстын инкуазьлэн кыӵе вакытэз сярысь уг вераськы?

+ тол

□ тулыс

□ гужем

□ сӥзьыл

Кытын ортче действие?

□ сюрес дурын

□ гуртын

□ возь вылын

+ нюлэскын

Мар сярысь тазьы шуэмын: «Шунды улӥе лэзиськиз, зор шапыкъёс ӵемгес музъемез котто»?

□ љыт вуиз

+сӥзьыл вуиз

□ пересьмон дыр вуиз

□ бертон дыр вуиз

Кудӥз визькыл та произведенилы тупалоз?

□ Муртлэн корказ кема уд улы.

□ Уж сюдэ – азьтэм быдтэ.

+Дыртод – адямиосыз серекъятод.

□ Кырӟась муртлы кузь сюрес но вакчи потэ.

Кинъёс текстын валтӥсь геройёс луо? Гожты.

Пичильток, нингуби атай, нингуби анай.

Кудаз предложениын пичильток нингубилэн мукетъёсызлэсь пӧртэм луэмез сярысь вераське? Шедьты но гожты со предложениез.

Пичильтоксы нош ваньмызлэсь чебер, мусо!

Текстъя таблицаез быдэсты.

Яраз-а та выжыкыл? Малы? Малы со дышетэ? Малпандэ радызъя 3-4 предложениен гожты.

Та выжыкыл мыным яраз. Отысь мон валай, инкуазьын котьмалэн аслаз дырыз но, вакытыз но шуыса. Пичильток дыртэ. Атаез но анаез солы валэкто. Семьяын но озьы луыны кулэ.

Календарно-тематической планирование

Адрес публикации: https://www.prodlenka.org/metodicheskie-razrabotki/81518-rabochaja-programma-po-udmurtskomu-literaturn