Урок татарского языка «5 класс (татарская группа)»

Тема:

Максат:

Материал:

Такта бизәлеше:

План:

Дәрес барышы

I. Кереш өлеше.

Оештыру өлеше

Актуальләштерү

II. Яңа тема өстендә эш.

Дәфтәрдә эш

Рәсемнәр белән эш

Сүзлек диктанты (бирем буенча эш )

Дәреслек белән эш

III. Ял вакыты.

IV. Үткән материалны ныгыту.

Мөстәкыйль эш

V. Өй эше.

VI. Йомгаклау өлеше.

[г], [гъ] һәм [к], [къ] тартыклары.

[г], [гъ] һәм [к], [къ] авазларының ясалышын аңлату.

[г], [гъ] һәм [к], [къ] авазлары кергән сүзләрне дөрес укырга өйрәтү.

Хезмәткә мәхәббәт тәрбияләү.

Ф.Ф. Харисов, Ч.М. Харисова “Татар теле” 5 нче класс, 36-38 нче битләр;

Ф. С. Сафиуллина, М.З. Зәкиев “Хәзерге татар әдәби теле”.

______________________________________________

Унберенче октябрь.

[г], [гъ] һәм [к], [къ] тартыклары.

Йөргән күрә, укыган белә.

_______________________________________________

I . Кереш өлеше.

1.Оештыру өлеше.

2. Актуальләштерү.

- Һәр төркемнең уңышлы хикәясен уку.

- Анализ ясау.

II. Яңа тема өстендә эш.

1.Йөргән күрә, укыганбелә.

- к, г тартыкларының ясалышын һәм язылышын аңлатыгыз;

к , г хәрефләренә транскрипция ясагыз.

( Кагыйдә әйттерү.)

2. Темага карата бирелгән рәсемнәр белән төркемнәрдә җөмләләр төзү.

Сүзлек диктанты (бирем буенча эш ).

4. Дәреслек белән эш:

37 нче бит, 84 нче күнегү (телдән).

III. Ял вакыты.

IV. Үткән материалны ныгыту.

Мөстәкыйль эш:

I - 38 нче бит, 89 нчы күнегү;

II - 37 нче бит, 85 нче күнегү (3 табышмак язарга );

III - 38 нче бит, 87 нче күнегү ( вариантларда тизәйткечләр белән эш).

V. Өй эше.

I – [къ], [гъ] һәм [к], [г] тартыклары кергән 4 җөмлә төзергә;

II – [къ], [гъ] һәм [к], [г] тартыклары турында әкият язарга;

III – к , г тартыкларына гына башланган сүзләр белән 3 җөмлә төзеп язарга.

VI. Йомгаклау өлеше.

Нәтиҗә ясау. Билгеләр кую.

- Исәнмесез, укучылар!

Хәзер безнең татар теле дәресе. Дәресебезнең темасы ..., максаты ...

- Дәресебезне һәр төркемнең уңышлы хикәясен укудан башлыйбыз.

- Хикәя турында нәрсә әйтә аласыз? Кайсы өлешен уңышлы дип саныйсыз һәм киресенчә? (Анализ ясау.)

- Тактада бирелгән мәкальгә игътибар итегез:

Йөргән күрә, укыганбелә.

- Мәкальнең эчтәлеген аңлатыгыз.

- К, г тартыкларының ясалышын һәм язылышын аңлатыгыз. ( Кагыйдә

әйттерү.)

- Дәфтәрләрне ачабыз, числоны, теманы, мәкальне к, г хәрефләренә

транскрипция ясап, күчереп язабыз.

- Укучылар, тактада темага карата рәсемнәр бирелгән. Хәзер төркемнәрдә җөмләләр төзибез, төркемнән берегез җөмләне әйтә, тактага яза,ә калганнар урыннарда эшли.

- Яңа теманы яхшырак төшенү өчен, тактада биремле сүзлек диктанты язабыз. Һәр төркемнән чылбыр тәртибендә такта алдына чыгабыз.

К, г хәрефләрен транскрипциядә биреп, сүзне әйтелешенә карап, тел арты яки кече тел тартыгына аерып, баганалап язабыз.Урыннарда яшел паста белән эшлибез. (Өчәр сүз әйтеп яздырам.)

- Дәреслекләрнең 37 нче битен ачабыз, 84 нче күнегүне табабыз.

- Шигырьдә сүз кем турында бара? Аның нинди хыялы бар? Бу шигырь

безне нәрсәгә өйрәтә?

К, г хәрефләре кергән сүзләрне укыйбыз, авазның ясалу урынын, калын

яки нечкә әйтелеше кайсы авазга бәйле булуын әйтәбез.

- Хәзер бүгенге дәрестә үткән теманы аңлау дәрәҗәсен тикшерер өчен,

төркемнәрдә мөстәкыйль эш эшлибез, к, г хәрефләрен транскрипциядә

күрсәтәбез:

I - 38 нче бит, 89 нчы күнегү,

II - 37 нче бит, 85 нче күнегү (3 табышмак язарга );

III - 38 нче бит, 87 нче күнегү ( вариантларда тизәйткечләр белән эш).

- Партадаш белән дәфтәрләрне алышабыш, тикшереп, карандаш белән поляга билге куябыз.

-Көндәлекләрне ачабыз, өй эшләрен язабыз:

I – [къ], [гъ] һәм [к], [г] тартыклары кергән 4 җөмлә төзергә;

II – [къ], [гъ] һәм [к], [г] тартыклары турында әкият язарга;

III – к , г тартыкларына гына башланган сүзләр белән 3 җөмлә төзеп язарга.

- Бүгенге дәрестән үзегезгә нинди яңалык алдыгыз? Үзбәя бирәбез.

( Билгеләр дәрес барышында куела)

- Дәресебез тәмам, сау булыгыз!