Методическая разработка для ДОУ: развиваем интерес к малой родине через игру и исследование

Беренче кечкенәләр төркемендә сөйләм үстерү эшчәнлеге конспекты

Тема: “Туган ил буйлап сәяхәткә”

Тәрбияче: Мөхәмәдиева Ләйсән Илһам кызы

Яр Чаллы

2013

Беренче кечкенәләр төркеме.

Тема. Туган ил буйлап сәяхәткә.

Тәрбия бурычы: Балаларда әхлакый-патриотик карашлар, игътибарлылык, кызыксыну, нәфислек хисләре һәм туган җир белән бәйле һәрнәрсәгә ярату хисләре тәрбияләү.

Белем бирү бурычы: Яңа белем һәм күнекмәләрен ныгыту;

Үстерү бурычы: Җитезлек, тапкырлык, уйлау сәләтен үстерү.

Кирәкле җиһазлар: курчаклар, шарлар, яфраклар, геометрик фигуралар, макетлар, рәсемнәр.

Белем бирү өлкәләренең интеграциясе: танып-белү, музыка, социальләштерү.

Төп белем бирү өлкәсе: аралашу.

Кулланылган әдәбият:

1.Татар теле өйрәнә нәниләр. Р.А.Борһанова   2005 ел

2.Татарча сөйләшәбез (методик кулланма)2011

Оештыру өлеше:

-Исәнмесез, балалар!

-Бүген без сезнең белән Гөлчәчәк исемле курчак белән танышырбыз һәм аны ял иттерербез, сәяхәткә алып чыгарбыз, уеннар уйнарбыз. Сез – экскурсовод, ә сезнең курчак – сәяхәт итүче булыр.

-Киттек, дусларым! (Бүлмәгә татар халык киемнәре кигезелгән Курчакны ( группадагы бер баланы Гөлчәчәк итеп куярга була) алып керәләр. Танышалар. Исемнәрен сорашалар. Киемнәрен мактыйлар. Һәр киемнең исемнәре әйтелә. Калфак, күлмәк, алъяпкыч, алкалар, читекләр һ.б.)

- Ә хәзер, дусларым, кунак кызын табын янына чакырыйк! Татар халкының сый-хөрмәтен күрсәтик. (табында төрле татар-халык ризыклары, тәмле чәй. Өстәлдә чигелгән ашъяулыкка да игътибар иттерү кирәк. Балалар бергәләшеп табын янында чәй эчәләр.)

Гомуми үсеш күнегүләре:

1. “Өй җиһазлары” белән танышу. Преметларның, күренешләрнең исемнәрен атау, аңлату.

2. “Татар көе” – күңелле җыр яки татар халык көе тыңлап алу. Татар биюләрендәге гади генә хәрәкәтләрне ясату.

3. “Кул эшләре” – туган ягыбызның, татар халкыбызның тормышыннан булган күренешләр төшерелгән картиналар белән танышу. Картиналар буенча сорау бирү:

-Балалар, бу рәсемдә нәрсә күрәсез?

-Бу рәсем сезгә ошыймы?

-Рәсемдә нинди төсләр бар?

-Гөлчәчәк, сиңа кунакта рәхәтме? Сиңа безнең арада ошыймы? Һ.б.

Төп өлеш:

-Балалар,без сезнең белән туган ягыбыз табигатенә ял итәргә чыгыйк әле.

1. Тал, Каен агачлары үсеп утырган Кабан күле буена килү. (Балаларны туган ягыбызның табигате матурлыгына игътибар иттерү. Предметлар белән таныштыру. Кабан күле турында хәбәр итү. Кабан күлендә көймәдә Гөлчәчәк белән бергәләп йөзеп алу. Балалар тезелешеп, йөзгән хәрәкәтләр ясыйлар)

2. Арыш басуы, бодай басуы, борчак басуы янына килү. Предметларны һәм күренешләрне аңлату. Балалардан предмет исемнәрен әйттерү. Арыш ипие, бодай ипие һәм борчак белән сыйлану.)

3. Юлыбызны дәвам итәбез. Уен аланына килеп җитәләр. Алан уртасында агач тора. Алан шарлар һәм геометрик фигуралар белән тулган. Шарларга, геометрик фигураларга туган җиребез белән бәйле рәсемнәр беркетелгән. Тәрбияче рәсемнәрдә ясалган предмет һәм күренешләрне әйткәч, балалар шуны табып алып килеп агачка эләләр.

Каен, Тал, Кабан күле, сандугач, басу-кырлар күренеше, солдат (туган илне саклаучы), татар өе, күлмәк, читек, бизәкле агач кашык, татар орнаментлары төшерелгән тәлинкә, кәсә, сөт, ипи, ат, гармун рәсемнәре.

 Йомгаклау өлеше:

-Нәни балалар, без бүген сезнең белән бик ерак ара үттек, арыдык.

-Ә хәзер ял итәрбез инде. (Тыныч уйнала торган татарча музыка куела.)

Адрес публикации: https://www.prodlenka.org/metodicheskie-razrabotki/97008-puteshestvie-po-rodnomu-kraju