Ничек уйлыйсың? Аралашу серләре.(Тайны общения)

Дәреснең темасы: Ничек уйлыйсың? Аралашу серләре.

Сыйныф : 7 (рус группасы)

Укытучы : Вәлиуллина Ландыш Дамир кызы

Дәреслек: Татар теле. 7 сыйныф. Авторлар: Р.З.Хәйдәрова, Р.Л. Малафеева. – Казан:“Мәгариф” нәшрияты, 2007 ел.

Максатлар: Укучыларда татар телен өйрәнүгә ихтыяҗ тудыру; тормышта рус телле балаларның татарча сөйләшә белүенә ирешү; диалогик, монологик күнекмәләрен үстерүне дәвам итү; кызыксынучанлык, коллективта эшли белүне; укучыларны дус, тату яшәргә өйрәтү, дусларыңа һәрвакыт булышырга, ярдәмгә килергә кирәклеген төшендерү; матур яшәү өчен дуслаша белү сыйфатларын тәрбияләү; укучылар арасында үзара мөнәсәбәтләрдә дуслыкның иң мөһим сыйфатларның берсе булуына ышыныч тәрбияләү.

Җиһазлау: компьютер, мультимедиа экран, рәсемнәр, карточкаларда иҗади бирем, карандашлар (фломастерлар), дәреслек, сүзлек.

Фәнара бәйләнеш: рус теле, физик культура, информатика, рәсем фәннәре.

Дәрес барышы.

1. Оештыруөлеше:

Уңай психологик халәт тудыру.

Укытучы. Исәнмесез, укучылар! Хәерле көн! Кәефләрегез ничек? Ничек ял иттегез? Кем белән аралаштыгыз? Татар әдәбияты дәресен башлыйбыз. Без бүген сезнең белән редакциядәге журналистлар булып эшлибез һәм журналга мәгълүмат җыябыз.

2. Дәреснең темасын ачу.

Җурналистлар буларак безнең максатыбыз “Аралашу серләрен ачу”, “Ни өчен берәүләрне яраталар, берәүләрне юк?” дигән сорауга җавап табу.

2.1. Өй эшен тикшерү:

Сезгә өйдә “Дустыгыз турында “ хикәя язып килергә иде. ( укучылар дуслары турында язган текстны сөйлиләр)

Ә Сабина укучылардан интервью алырга тиеш иде “Дуслар нинди булырга тиеш?” дигән сорауга жавап табу.( укучылар диалог сөйлиләр)

2.2 Дуслык турында әңгәмә: “Дуслар нинди булырга тиеш?” ( уңай һәм тискәре сыйфатларны атагыз) тактада терәк сүзләр бирелә. Дәрес барышында таблицагасыйфатларны өстәп язу.

2.3 Дуслык турында мәкальләр.

Ә сез дуслык турында нинди мәкальләр беләсез? Дуслык турында ныгытып , мәкальләр карап китик. Ләкин мәкальләрнең ярты өлеше югалган һәм безгә аларны табарга кирәк. Ә сез дуслык турында нинди мәкальләр беләсез?(рус телендә)

Дустың булмаса – эзлә тапсаң – югалтма.
Иптәшең үзеңнән яхшы булсын!
Дусты булмаган кеше тамырсыз агач.
Дус авырлыкта беленер.
100 сум акчаң булганчы – 100 дустың булсын.

3.Яңа тема:

Бүген безнең редакциягә Ренат исемле малайдан хат килде, һәм бу хатка безгә җавап бирергә туры килер.

А) укытучының укуы.Сораулар бирә-бирә, бүленеп, кызыксындырып уку.

- Хатны уку .

Б) аңлашылмаган сүзләрне табып, тәрҗемә итү.

-сүзлек эш.

Берәүләр –одни кыланыш-выходка

Кайбер-некоторый кимчелек-недостаток

Тупас-грубый искечә - по-старому,

Фикер-мысль не современно

Ябык-худой

Таза-полный

Оялу-стеснение

Киресенчә –наоборот

Аралашу-общение

Рәнҗү-обида

В) чылбырлап уку “Аралашу серләре” (б.43 №1)

Г) тәрҗемә итү

Д) Сорауларга җавап бирү.(б. 44 №6)

Кызлар малайларның нинди кыланышларына рәнҗиләр?

Шулай да кызлар нинди малайлардан көләләр?

Кайберәүләр үзләренең нинди сыйфатларыннан оялалар?

Нинди кешеләр белән аралашу җиңел?

Дус нинди булырга тиеш?

Е) Сайлап укыту: б.43 №2

1. Почему одних любят, других нет.

2. В школе некоторых моих подруг обижают выходки грубых, невоспитанныхмальчиков.

3. Некоторые мальчики и девочки стесняются быть вежливыми.
4. По-моему, должны стесняться не воспитанные люди, а наоборот,грубые, невоспитанные.
5. Потому что они тебя умеют слушать, умеют прощать твои недостатки.

4. Ныгыту:

1- Ә сезнең фикерегез нинди?(44 №5)

Минемчә,....

Минем фикеремчә,.......

2. Укытучы. Нинди кешеләр белән аралашу рәхәт , нинди дуслар сайларга кирәк????? Ни өчен берәүләрне яраталар, берәүләрне юк? Кемнән тора?

-уңай;

-тыңлый беләләр;

-синнән көлмиләр;

- кимчелекләрне гафу итә беләләр.

-рәнҗетмиләр;

3.Ситуатив күнегү эшләү:

Скромность украшает человека;

Грубость, невоспитанность не украшает людей;

Застенчивость не всегда положительная черта характера;

Грубые выходки обижают окружающих;

Твои друзья все воспитанные;

Нельзя обижать девочек;

Нельзя смеяться над недостатками людей;

4.Рефлексия:

Укытучы. Укучылар, көзгеләрегезгә карагыз әле.Сез киләчәктә кешеләргә , дусларга карата үзегезне ничек күрәсез? (Укучылар үз фикерләрен әйтеп чыгалар)

6.Йомгаклау:Хатта күтәрелгән проблема.

Укытучы.Дуслар нинди булырга тиеш һәм ничек аралашырга тиеш??????

Нинди кешеләр белән аралашу рәхәт!

7.Үзбәя.

Укытучы.Сезнең белән эшләү миңа бик ошады, сез бик активлар. Саубуллашканда кечкенә генә бер бирем эшләп алыйк әле, укучылар. Бүгенге дәрескә карата фикерләрегезне белдереп, парталарыгыздагы смайлларны ясап бетерегез (дәрес ошаса – елмайган, ошамаса – кашлары җыерылган смайл) һәм миңа күрсәтегез. Игътибарыгызөчен рәхмәт!

8.Өй эше: б.45 №11 (1,2)

Адрес публикации: https://www.prodlenka.org/metodicheskie-razrabotki/13570-nichek-ujlyjsy-aralashu-serlretajny-obschen