Мастер-класс по рисованию помадой: изучаем цвета и развиваем моторику

Муниципальное бюджетное дошкольное образовательное учреждение

«Сабинский детский сад общеразвивающего вида №5 «Бэлэкэч»

Тема:Күбәләкләр.

I кечкенәләр төркеме

Иҗади сәнгать (рәсем) эшчәнлеге

Тәрбияче:Сунгатуллина Айсинә Ринатовна

2013

Тема:Күбәләкләр.

Максатлар:балаларны пумала кулланып рәсем ясарга өйрәтүне дәвам итү;төсләр буенча белемнәрне ныгыту; рәсем ясауга кызыксыну хисен һәм уңай мөнәсәбәтне саклап калу; Г.Тукай иҗатына хөрмәт һәм кызыксыну уяту;көнкүреш күнекмәләрен үстерү.

Сүзлек эше:күбәләкләр, канатлар.

Җиһазлау:Г. Тукай портреты, төрле төстәге күбәләк рәсемнәре, буяулар, рәсем ясау өчен битләр, күбәләк ясалган әзер рәсемнәр(чәчәкле,күбәләкле алан күренеше), чүпрәкләр.

Эшчәнлек барышы:-Исәнмесез,балалар! Балалар без сезнең белән кайсы язучының әкиятләре,шигырьләре белән таныша башлаган идек әле?(Дөрес, Г.Тукай)Без аның нинди шигырь,әкиятләрен укыдык,балалар? (“Гали белән кәҗә”, “Шүрәле”,”Су анасы”, ”Безнең гаилә”)Г.Тукай иҗаты турында белгәннәрне искә төшерү,ныгыту.(Экраннан карап бару)Әйе, безнең бүген Г.Тукайның туган көне,шундый матур әкиятләр,шигырьләр язып калдырган.

-Хәзер мин сезгә ,балалар,Г.Тукайның “Бала белән күбәләк “шигырен укыйм,игътибар белән тыңлагыз. (Яисә экраннан күрсәтү)(Әңгәмә, шигырьне аңлау)Тиздән ямьле җәй җитә,без матур кубәләкләрне күрә алырбыз.

-Әйдәгез әле, без сезнең белән бүген сихри чәчәкле аланга кунакка барыйк әле .(Балалар музыка астында баралар)Карагыз әле,балалар,нинди матур,күпме матур-матур чәчәкәр монда, аларга күбәләкләр очып кунган.Алар барысы да шундый гузәлләр. Алар чәчәктән –чәчәккә кунып уйныйлар. Балалар ,без төсләрне беләбез бит, карыйк әле ,сары күбәләк нинди төстәге чәчәккә кунган? (Төсләрне кабатлау)Хуш исләрен иснәү.

- Матурмы, ошадымы,балалар,әйдәгез әле бу матурлыкны карточкага төшереп алыйк әле,кайткач әти –әниләргә дә күрсәтербез, алайса алар ышанмаслар, әле җәй җитмәде диярләр.(балалар фотога төшергән ишарә ясыйлар).Хәзер инде бакчабызга кайтыйк.(Балалар урыннарына утыралар)

-Балалар, карагыз әле матур күбәләкләрне фотога төшергән идек,матур чыкканнармы?(Юк)

-Борчылмагыз ,балалар,без бит матур итеп буйый беләбез, аларны буяп әти-әниләребезгә күрсәтербез.(Тәрбияче буяп күрсәтә һәм балалар үзләренә ошаган төсне сайлап буыйлар)

-Булдырдыгыз!Нинди матур күбәләкләр килеп чыкты сезнең.Әйдәгез,кулларыгызны сөртик тә уйнап алабыз.(балалар түгәрәкләнеп басалар”Күбәләк”дигән уен уйнатыла)

-Күбәләкләр очтылар,

Һәм чак кына ардылар.

Чәчәккә кунып ,хәл алгач,

Тагын очып бардылар.

-Булдырдыгыз,балалар, матур итеп уйнадыкта,матур-матур күбәләкләр дә ясадык! Хәзер матур күбәләкләрне әти-әниләргә күрсәтсәк тә була инде,әйеме,балалар....

Адрес публикации: https://www.prodlenka.org/metodicheskie-razrabotki/20118-konspekt