Яшелчәләр

(1нче кечкенәләр төркеме өчен коммуникация (сөйләм үстерү) эшчәнлеге конспекты).

Тема.Яшелчәләр.

Максат:Тышкы билгеләре һәм тәме буенча яшелчәләрне аерырга өйрәтү.

Бурычлар:

1)яшелчәләр һәм аларның уңышын җыеп алу турында күзаллауларын киңәйтү, яшелчәләрнең исемнәре һәм аларның билгеләрен белдерә торган сүзләр хисабына балаларның сүз байлыгын үстерү;

2) балаларның игътибарын, кабул итү һәм сенсор тою сәләтен үстерү;

3) әйләнә-тирә табигать объектларына кызыксыну тәрбияләү.

Җиһазлар:Алсу исемле курчак, тәлинкәгә салынган кишер,кыяр,бәрәңге.

Эшчәнлек барышы.

Өстәлдәөсләре капланган тәлинкәгә салынган яшелчәләр. Тәрбияче төркем бүлмәсенә Алсу исемле курчакны алып керә.

Тәрбияче.Балалар, карагыз әле, безгә кунак килгән. Курчакның исеме — Алсу. Әйдәгез, балалар, бергәләп кабатлыйк әле: «Алсу». (Күмәк кабатлау.) Алсу белән исәнләшик. (Исәнме, Алсу!)

Алсу. Исәнмесез, балалар!

Тәрбияче . Балалар, Алсу безгә күчтәнәч алып килгән. Алсу нәрсә алып килгән? (Күчтәнәч. Активлаштыру. Тәрбияче тәлинкәдәге яшелчәләрне күрсәтә.) Балалар, бу нәрсә? (Кишер, кыяр, бәрәңге.)(Активлаштыру.) Алсу, кил әле, тәлинкәдән кишер ал һәм балаларга күрсәт! Бу нәрсә? (Кишер.)Гөлназ, син нәрсә алдың? (Кишер.) Кәрим, Гөлназ нәрсә күрсәтә? (Кишер.) Кишер нинди төстә? (Кызылсары.) Әйе, кызылсары кишер. Әйдәгез, балалар, бергәләп кабатлыйк әле: «кызылсары кишер». (Активлашыру. Индивидуаль һәм күмәк кабатлаулар.) Зарина, тәлинкәдән кыяр ал әле. Зарина, син нәрсә алдың? (Кыяр.) Камил, Зарина безгә нәрсә күрсәтә?(Кыяр.) Рүзәл, кабатла әле, бу нәрсә? (Кыяр.) Балалар, кыяр нинди төстә? (Яшел.) Әйе, яшел кыяр. Әйдәгез, балалар, бергәләп кабатлыйк әле: «яшел кыяр». (Активлаштыру. Индивидуаль һәм күмәк кабатлаулар.) Данил, бу нәрсә? (Бәрәңге.)Динә, кабатла әле, бу нәрсә? (Бәрәңге.) Балалар, бәрәңге нинди төстә? (Сары.Активлаштыру. Индивидуаль һәм күмәк кабатлаулар.)

Физкультминутка

Нәниләр

Әй нәниләр, нәниләр,

Ардык без дип әйтмиләр

Аякларын күтәреп,

Матур итеп атлыйлар.

Хәзер барабыз артка,

Егылмыйча,син атла.

Бер,ике,бер,ике!

Егылмыйча син атла.

Балалар, кишер, кыяр, бәрәңге — болар барысы да яшелчәләр. Әйдәгез әле, кабатлагыз. (Яшелчәләр.)(Активлаштыру. Индивидуаль һәм күмәк кабатлаулар.)Балалар,Алсу –курчакка рәхмәт әйтик. Рәхмәт, Алсу, бигрәк мул уңышлы яшелчәләр алып килгәнсең. Балалар, Алсу сезгә нәрсәләр алып килгән әле? (Активлаштыру.) Алсу, безнең балалар яшелчәләрдән ясалган салатны бик яраталар. (Балалар рәхмәт әйтәләр һәм саубуллашалар.) Балалар, яшелчәләрне ашарга кирәк, аларда витаминнар күп, ә витаминнар сәламәт булыр өчен бик файдалы.

Адрес публикации: https://www.prodlenka.org/metodicheskie-razrabotki/225718-jashelchlr