Қош, сүйікті әліппем!

Сабақтың мақсаты:1.Оқушылардың әліппеден алған білімдерін тияақтау,өздерінің сауатын ашқан әліппеге деген сүйіспеншілігін арттыру,

әліппеге байланысты өлең тақпақтарын мәнерлеп айтуға үйрету.

2.Үлкенді сыйлауға ,ұйымшылдыққа,достыққа баулу.

3.Отансүйгіштікке тәрбиелеу.

Көрнекілігі:

Оку,білім туралы жазылған қанатты сөздер,плакаттар, шарлар,буклеттер,суреттер т.б.

Сабақтың жүрісі:

1.Ұйымдастырылуы:

2.Әнұранның орындалуы:

3.Мұғалімнің сөзі:

-Құрметті қонақтар, шәкірттер,ұстаздар!

Бүгінгі күн осында отырған бәріміз үшін ерекше күн болмақ.Өйткені, осыда

4 ай бұрын мектеп табалдырығын жүркесіне аттаған жас бүлдіршіндер,бүгін өздерінің сауатын ашқан сүйікті әліппесін бітіріп,қоштасқалы тұр. Бүгін , сіздердің алдарыңызда төрт ай бойы алған білімдерін ортаға салып,сүйікті Әліппемізге рахметімізді айтамыз.

Ендеше,мерекемізді бастайық.

1-ж:Ассалаумағалейкум алтын халқым!

2-ж:Амансызба,ақ жаулықты аналарым!

1-ж:Сәлем,замандастар,асыл-достар!

Екеуі:Бүгінгі жиналған қауымға , баршаңызға мың салем!

2-ж:Қымбатты ата-аналар, ұстаздар,біз кітап пен журналды оқи алатын болдық.Бұл өнерді біз –мектептен,ұстаздан және әліппе досымыздан үйрендік.

1-ж:Бұл күндері еліміздің біз сияқты мыңдаған балалары Әліппе оқулығын бітіріп мерекелеуде.

Олай болса,мерекеге арналған тартуларды тыңдайық:

Бақтыбек:

Қыркүйекте келдім де,

Есігін аштым мектептің.

Қарсы алды ұстаз мейіріммен,

Қадамымды құп алып.

Яна:

Оқуды көп ойладық,

Қызығына тоймадық.

Әріптерді үйреніп,

Сауат аштық тойладық.

Бауыржан:

Өмірімнің көктемін,

Сенде өткізсем деп келдім.

Армандарым көп менің,

Атқарамын деп келдім.

Алтын ұя мектебім!

Алижан:

Мектебің мынау сыныбың,

Осында он бір жыл тұрасың.

Тарыдай болып кіресің,

Таудай болып шығасың.

Нұрдаулет:

Сипап қойып басымнан,

Кетпей жүрген қасымнан.

Құрбы-кұрдастарыммен,

Достастырған асыл жан

Аяулы менің ұстазым!

Мұғалім:

-Рахмет, балалар сендерге!

-Менің бір сұрағыма жауап айтыңдаршы!

-Іші толған әріпке,білімдіге жарық не?

Бәрі:

Болашаққа жол бастар,

Ол –сүйікті ӘЛІППЕ!

-Олай болса, балалар, бәріміз- Әліппе досымызды ортамызға шақырайық.

Бәрі:ӘЛІППЕ,ӘЛІППЕ,ӘЛІППЕ!!!

Әліппе:

Армысыңдар,жас достар!

Армысыңдар, ата-аналар,ұстаздар!

Болашаққа жол бастар,

Әліппең келді ортаға.

1-ж;Еркебұлан:

Армысыңдар,аналар,

Бармысыңдар балалар.

2-ж.Інжу:

Сөзіме құлақ салыңыз,

Бір серпіліп қалыңыз.

1-ж.Еркебұлан:

Әліппеге арналмақ,

Бүгінгі жыр әніміз.

Іңкар:

Мынау менің әліппем,

Көк туымның түсіндей.

Ақылшы жақын досымдай,

Қымбатты маған кісідей.

Дана:

Әліппем,менің әліппем,

Сені қолға алып мен,

Есігін аштым мектептің,

Ертеңгі сәуле жарықпен.

Рахман:

Әліппем,менің әліппем,

Өмірді келдім танып мен.

Қайталап айтам мың рет,

Өзіңе көк-көп рахмет!

Еркебұлан:

Бар кітапқа бас болған,

Әліппе ғылым анасы.

Әліппеден басталған,

Даналықтың данасы.

Інжу:

Әліппем, менің Әліппем,

А деген бастап әріптен.

Сөз құрап жаза бастадым,

Тақылдап таңба танып мен.

Айгерім:

Бар білімнің бастауын,

Әліппеден бастадым.

Үйренуге талпындым,

Құлшынып балғын, жас жаным!

Санжар:

Әсем ою өрнектеп,

Көмкерілген әліппем.

Сен болмасаң білімге,

Бастар жолды біліп не ем?

Аида:

Әліппе деген алтын жол!

Апарар сені алысқа.

Ауыр емес,жеңіл жол,

Тырысып бақ намысқа.

Аяна:

Бұрқыраған білімнің,

Қайнар көзін көріп пең?

Том-томқалың кітаптың,

Басы болған Әліппем!

Ақарыс:

Білімге жолды бастаған,

Әліппем саған мың алғыс!

Оқы деп ұран тастаған,

Әліппем саған мың алғыс.

Ән:Әліппе.(Рахмет саган Әліппе, хош, сау бол)

Дана:

Әріптерді жаттаймыз,

Есте мықты сақтаймыз.

Ұмытпаймыз бәрін де,

Есте мықты сақтаймыз.

Айгерім:

Алфавиттің А тұрады басында,

Әрқашан да Ә тұрады қасында.

Байқадың ба,Б тұрады қасында,

Ал осының сыры неде түсінші:

А деген ол –аналар ғой ардақты,

Ә деген ол-әкелер ғой салмақты,

Б-деген ол-балалар ғой әдемі.

Біздің елде үшеуі де кәделі

Нұрдаулет;

Алфавиттер шығыңдар,

Орындарыңа тұрыңдар!

Бастайық қане, айтысты

Жібермейік намысты.

1

А-ға й-ді қоссаңыз,

Көкте туған ай болар.

Т-ны алдына тоссаңыз,

Шауып келер тай болар.

2

Ә-әрпімен табамыз,

Әжемізді ақылды.

Б-дегенің бабамыз,

Бауыржандай батыр ғой.

3

В-дегенің вольт деңіз,

Толқын күшін шамалар.

М-дегенің мал деңіз,

Қадір тұтқан бабалар.

4

Г-әрпімен гүлденер,

Қызғалдақты қырат, тау

Ғ-әрпімен бір келер,

Ғылым атты ұлы атау.

5

Д-әрпінен бастасаң,

Дарқан,дария далам бар.

Е-ні ұмытпас ешқашан

Елін сүйген жарандар.

6

Ж-дегенің жөргегің

Туған,өскен жерлерің.

З-әрпімен зерледім

Зергерлердің зергерін.

7

И-дегенің иманың,

Адалдықтың астары.

К-дегенің Күн дарын,

Күнсіз аспан күлмейді.

8

Қ-әрпінен құралған

Бас- аяғы қазақтың

Жарылқасын бір Аллам!

Жасай берсін-Азат күн!

9

О-дегенің –отбасы,

Отан деген ұғымдар.

Ө-әрпінен өрістер,

Өмір атты дүниең.

10

Ұ-дегенің – ұлысың

Ағайының,өз елің.

Ы-дегенің –ырысың,

Орман,тоғай, өзенің.

11

Ү-әрпі-үкідей

Үлпілдеген үмітің.

І-дегенің-інідей

Ізбасардың бірі-тін.

12

Ш-дегенің –шапағат

Тие берсін баршаға.

Э-дегенің- электр

Онсыз жоқ қой , жарық –нұр!

Мұғалім:

Жарайсыңдар,балалар,сендерге осындай жарық күн сыйлаған, өлең-тақпақтарды үйден оқытып,жаттатып тәрбиелейтін ата- ана емес пе,олай болса, ата-анамызға рахмет айтайық.

Бәрі:Ата-анаға мың алғыс!

Дана:

Дүниенің жарық көзі-анамыз,

Дана балсақ анаменен-данамыз.

Алдыменен тыңдаңыздар ағайын,

Аналарға арнап бір ән саламыз

1-ж.Еркебұлан:

Хор:Ай дидарлы-Анашым!

Әліппе:

Жарайсыңдар,балалар,мен сендерге риза болдым,сендер менен көп нәрсе үйренген екенсіңдер.

Ұстаздар мен балалар,

Аталар мен аналар.

Танысыңдар досыммен,

Достасыңдар осымен.

Аттанғанда бүгін мен,

Оқып ана тілінен,

Ақыл ,білім алыңдар!

2-ж.Інжу: -Олай болса, достарым ортамызға ана –тілін шақырайық!

Бәрі: -Қош келдіңіз,Ана тілі,төрлетіңіз!

АНА ТІЛІ:

Сәлем ойшыл достарым,

Терең білім,ой –саналы.

Әрбір сөзім ой салады,

Ғылым,тәлім ,өнерім көп.

Достасқанға берерім көп!

1-ж.Еркебұлан:

Жақсы білім көрімдік,

Болсын бізге халайық.

Не үйреніп, небілдік,

Кәне ортаға салайық.

Мұғалім:

Балалар,әліппеден жаттаган өлеңдеріңді қол көтеріп айтып берейік, ана тілі досымызға.

Дана:-Сұр қоян

Бауыржан:-Ақ көгершін

Бақтыбек;-Жақсы көрем

Аяна:-Бөпешім

Рахман-Щеткалар

Акарыс-Футбол т.б.

Әліппе;

Жарадыңдар ,балғындар!

Кәрі –жасқа ой сала,

Үйрететін ой сана.

Ана тілін сүйіңдер,

Осыған бас иіңдер!

Қош болыңдар!

2-ж.-Інжу:

Қош бол құтты әліппем,

Көп нәрсені үйреттің.

Таныстырып әріппен,

Тақылдатып сөйлеттің

Бәрі :Қош, сүйікті әліппеміз,

Ана тілді дәріптейміз!

1-ж.-Еркебұлан:

Әліппемен қош айтысып қаламыз,

Енді қолға басқа кітап аламыз.

2-ж.Інжу:

Ата-ана қуанышқа ортақ бол,

Сауатты боп шықты міне балаңыз!

Ана тілі:

Ал,балалар, сауатты екенсіңдер ,Білім мен тәрбие- егіз деген дана халқым,әдептілік -әліппесін қалай үйредік ,ортаға салайық.Мұқият тыңдап жауап берейік.

-Сыйлап үлкен ағаны,Сәлем берген баланы-Кім дейміз?

Бәрі:- Әдепті екен бұл дейміз!

Кітап дәптер қаламын,

Кір шалмаған баланы

Кім дейміз?

Бәрі:--Ұқыпты екен бұл дейміз.

Таудай биік талабы,

Жақсы оқитын баланы

Кім дейміз?

Бәрі:--Үлгілі екен бұл дейміз.

Өтірік сөз айтпаса,

Уәдесінен қайтпаса

Кім дейміз?

Бәрі:Шыншыл екен бұл дейміз.

--Талаптарың нұр жаусын балалар, қош ,сау болыңдар!

1-ж.Еркеб :

Әліппе даңғыл жол ашты,

Жаңадан пәндер жалғасты.

Әліппе сырын ұқтырған,

Рахмет,ұстаз алғашқы!

-Дей отырып , мерекеге арналған 1-б сынып окушыларының концерттік нөмерлерін тамашалаңыздар:

Хор:Алғашқы ұстазым.

2-ж.-Інжу:

Ән:Әліппе-Орындайтын сыныбымыздың әнші қызы-Аяна.

1-ж.Еркеб:

-Келесі кезекте көрініс:Саңырауқұлақ саясында.

1-ж-Еркеб:

Би:Домбыра( орындайтын-конактар)

1-ж-Еркеб:

Келесі кезекте- Үнбі биі: орындайтын сыныбымыздың биші кызы-Інжу Асхатқызы.

1-ж-Еркеб:Ұлдар биі .1-б сынып- ұлдары.

1-ж-Еркеб:Келесі тамашалайтыныңыз-Балапан биі. Орындайтын –биші қыздар!

Қорытынды сөз:

Соңы.

Адрес публикации: https://www.prodlenka.org/metodicheskie-razrabotki/240468-osh-sjikti-lippem