Казахстан мой край родной

Сынып сағатының тақырыбы:

“Солтүстік Қазақстан туған өлкем”

Сынып сағатының мақсаты:

Оқушылардың туған жерге сүйіспеншілігін арттыру және туған жердің барлық байлықтары туралы түсінік беру.

Сынып сағатының барысы:

Мұғалімнің сөзі:

Балалар биылғы жылы ерке Есілдің бойына қоныс тепкен өлкеміздің мерей тойы. Осы жылы Солтүстік Қазақстан облысының құрылғанына 70 жыл толып отыр. Осыдан 70 жыл бұрын Қызылжар өңірінде отау тіккен облысымыздың өткендегісі жасампаздыққа бағытталып, жеңістерге жетелеген жігерлі істерімен шыңдалса, қазіргі еңбек тынысы егемен еліміздің жарқын болашағына өзінің сүбелі үлесін қосуда. Қазақстанның ең астықты өңірі ортақ мақсат жолындағы күресте ширығып, облысымыздың барлық еңбеккерлері жолында еңбек көрігін қыздыруда. Солтүстік Қазақстан облысымызда Сырымбет, Имантау, Шалқар, Айыртау деген сияқты көрікті жерлер өте көп.

Көз алдымда көгілдір

тау мұнартып,

Аспанымда аққудың әні қалқып.

Құшақтап бір өзіңді туған далам,

Жатамын көк шалғында

жаным балқып.

Тасып жатқан өзендер

жағасынан,

Сары белде сағымдар арасынан.

Тарайды дән жұпары бар әлемге,

Қазақстан қасиетті даласынан.

Солтүстік Қазақстан облысының орталығы – Петропавл қаласы. Петропавл қаласы еліміздің солтүстік қақпасы теңеуіне ие болған шаһар.

1752 жылғы 27 ақпанда Ресей империясының жаңа Есіл белдеуін салу жөніндегі Жарлығы шықты. Оның негізгі орталығы Әулие Петр бекінісі деп аталады. Ол қазіргі Петропавл қаласы. Қазіргі Петропавл қаласы, тек қана облыс орталығы емес, облысымыздың тарихи және мәдениет орталығы болып есептеледі.

Солтүстік Қазақстан жерінен талай дарынды, атақты адамдар шыққан. Оның ішінде Шоқан Уәлиханов, Мағжан Жұмабаев, Сабит Мұқанов, Ақан сері, Ғабит Мүсірепов,Иван Шухов, Шал ақын және тағы басқалар. Өздерінің туған жеріне деген сүйіспеншілігін осы адамдар өздерінің шығарған өлеңдерінде, шығармаларында көрсеткен.

Туған жер – алтын бесік, асыл анам,

Ауаңмен, ақ сүтіңмен асыраған.

Мен-дағы ұлың едім өзің тектес,

Алысқа несібесі шашыраған.

Қазіргі уақытта Солтүстік Қазақстан облысы жақсы дамып келе жатыр. Облысымыз гүлденіп, құлпырап, жақсарып бара жатыр. Осыған барлық солтүстік қазақстандықтар өз үлесін қосып жатыр.

Өз облысымыздың одан сайын дамуына, гүлденуіне тілек білдіреміз.

Сұлу дала! Менің сүйген еркемсің,

Жаным сенен жаратылған өлкемсің.

Қандай жақсы, қазақ болып туғаным,

О, туған жер! Тамашасың, көркемсің.

Сұрақтар балаларға:

Солтүстік Қазақстан облысы қай жылы құрылды?

(1936 ж.)

Солтүстік Қазақстан облысының қазіргі әкімі кім?

(Тайыр Мансұров)

Солтүстік Қазақстанның облыс орталығы қай қала?

(Петропавл)

Солтүстік Қазақстан облысындағы Айыртау ауданынан қандай атақты адамдаршықты?

(Ш.Уәлиханов, Ақан сері)

Петропавл қаласы нешінші жылы құрылған және қалай бірінші аталған?

(1752 жылы 27 ақпан. Әулие Петр бекінісі)

Солтүстік Қазақстан мемлекеттік университеті қандай жазушының атымен аталған?

(М.Жұмабаев)

Қазір Қазақстанда ТМД елдерінде теңдес жоқ биохим зауыты ашылды. Бұл қай қалада орналасқан.

(Солтүстік Қазақстан облысы

Тайынша қаласы Биохим зауыты).

Адрес публикации: https://www.prodlenka.org/metodicheskie-razrabotki/246352-kazahstan-moj-kraj-rodnoj