Волшебный сундучок ( развлечение для детей средней группы на якутском языке)

«Аптаах холбука»

(Оҕолорсаалга киирэллэр, эргимтэ аҥара тураллар, остуолга аптаах холбука турар)

Ыытааччы: Сандал сааскы бырааһынньык,

Кулун тутар ахсыс күнэ,

Күн күбэй ийэлэр,

Тапталлаах эбэлэр,

Күндү дьоммут күннэрэ!

Ыытааччы: Аптаах кэрэ холбукаҕа эҕэрдэбитин уктубут,

Биири да умнубатыбыт,

Араас бэйэлээх ырыалары, үҥкүүлэри!

Уонна таабырыннары , оонньуулары!

Чэ, эрэ холбукабытын өҥөйүөҕүн,

Туох кистэнэ сытар эбитий?

Намыын ырыа тыаһыыр. Сахалыы танастаах эмээхсин киирэн кэлэр.

Эмээхсин: Дорооболорун күндү кырачаан оҕолор, маанылаах ыалдьыттар! Мин Эбээ Дьэбдьиэй диэн буолабын. Ыраахтан эһиги ырыаҕытын- тойуккутун истэн кэллим.

Ыытааччы:Үтүө күнүнэн! Саамай сөпкө гыммыккын. Бүгүн биһиги ийэлэр күннэрин бэлиэтээн үөрэ-көтө олоробут! Бу аптаах холбукаҕа оҕолор эҕэрдэлэрэ кистэнэ сытар. Ылан көр эрэ.

Эмээхсин: Аптаах холбукаҕа оҕолор ийэлэригэр аннаабыт хоһоонноро баар эбит. Чэ, эрэ оҕолоор тахсан хоһооҥҥутун ааҕын эрэ.

Оҕолор:

Киммит сууйар, сотор,

Киммит көрөр-истэр.

Киммитүөрэр көтөр

Сырдык мичээринэн

Ийэ, ийэм мин таптыыр киһим.

Илиибин уунабын

Эйиэхэ ийэкээм,

Күүскэ, күүскэ кууһабын

Иэдэскин сыллыыбын.

Ийэ, ийэ. Ийэкээ

Доруобай буол ыалдьыма.

Дьоллоох буол куруутун.

Ийэ, ийэ, ийэкээ

Күүскэ. Күүскэ таптыыбын.

Сыллыыбын. Ууруубун

Эҕэрдэ ыытабын!

Эмээхсин:Үчүгэй да эҕэрдэлэри эттилэр. Маладьыастар. Мин эмиэ оонньуур кэһиилээх кэллим.

Оонньуум аата « Ийэ көмөлөһөөччүтэ». Оҕолор дьиэҕитигэр оонньуугут дуо? Оонньуургутун бэйэҕит хомуйаҕыт дуо? Чэ эрэ билигин билиэхпит.

Эмээхсин: Маладьыастар, туһа киһилэрэ эбит!

Ыытааччы: Этин эрэ оҕолоор,

Эһигини биһиктээн,

Киммит маннык оҕолоон

Киһи гынар бүөбэйдээн?

Бары: Күндү ийэ барахсан!

Ыытааччы:Аптаах холбукабытын көрүөххэйин. (Бэрэски ойуутун таһаарар) Билигин ийэлэргэ анаан «Бэрэски» диэн ырыабытын бэлэхтиэхпит.

Ыытааччы: Сибэкки сытынан уонна сааһынан

Туолла тула барыта,

Тиийэн кэллэ бырааһынньык,

Үөрүү – көтүү күнэ!

Эмээхсин: Чэ эрэ холбуканы көрүөҕүн туохпут саһа сытар? Хайа атах ойууламмыт, бу тугуй?

Ыытааччы:Ити биһигиүҥкүүбүт, Чэ эрэ пааранан туруоҕун.Үҥкүүлээн тэйиэҕин.

Үҥкүү: «На носок»

Эмээхсин:Үчүгэй да үҥкүүнү бэлэхтээтилэр. Оҕолоор, чэ эрэ эбэлэрбитин кытта оонньуоҕун.

Онньуубут аата «Илии имэҥинэн». Биир эбэ тахсар уонна хас да оҕоттон бэйэтин сиэнин илии имэҥинэн билиэхтээх.

Эмээхсин:Үчүгэйдик да оонньоотубут. Чэ эрэ оҕолоор амарах дууһалаах, эйэҕэс санаалаах эбэлэргитигэр анаан хоһооҥҥо ааҕын эрэ.

Эрдэ туран түбүгүрэр

Чэйин өрөр, ас астыыр

Эҥини барытын сатыыр

Эйэҕэс санаалаах эбэлээхпин.

Эбэм миэхэ тикпитэ

Оһуордаах мааны этэрбэһи
Сылаас дьабака бэргэһэни

Сахалыы кэрэ саҕынньаҕы.

Күндү киһим эбэм миэнэ

Кэккэлэһэ кэлэн олор,

Күүскэ, күүскэ кууһан ылыам

Илиилэргин эмирийиэм.

Эмээхсин: Оҕолор маладьыастар, Улахан баһыыбыларын! Мин үгэс быһыытынан сиэннэрбэр эмиэ кэһиилээхпин. Бу минньигэһи эһиэхэ туттарабын. Өссө төгүл ийэлэргэ, эбэлэргэ эҕэрдэ! Көрсүөххэ диэри! (Тахсан барар)

Ыытааччы:Этиэхтэн эриэккэс

Сахабыт дойдута,

Күн уһаан, саас буолан,

Күндээрэн туруута!

(Аптаах холбукаттан Саасхартыынатын таһаарар) Оҕолор саас туһунан ырыаны бэлэхтиэхтэрэ.

Ыытааччы: Күндүийэлэрбитин, эбэлэрбитин сандал саас кэлбитинэн эҕэрдэлиибит. Баҕарабыт саппаҕырбат сандал сааһы, Күөх халлааны, эйэлээх олоҕу, Кытаанах дорубуйаны, үлэҕитигэр ситиһиилэри! Диэн туран бэлэхпитин уунабыт!

Адрес публикации: https://www.prodlenka.org/metodicheskie-razrabotki/282996-volshebnyj-sunduchok-razvlechenie-dlja-detej-