6-сынып «Жиынтық сан есім»

Сабақ барысы:

Берілетін уақыт

Мұғалім әрекеті:

Оқушы әрекеті:

Нәтижесінде:

Ресурстар

I

Ұйымдастыру кезеңі:

5 минут

1. Оқушылармен амандасу,Психологиялық ахуал:

- Сәлеметсіздер ме, оқушылар!Мен Танарбергенова Дана Серікқалиқызы, бүгін сіздерге қазақ тілі пәнінен сабақ беремін. Бүгінгі сабағымыз ойдағыдай өту үшін мен сіздерге үш тілек тілегім келеді.

1.Сабақты жақсы түсіну

2.Әр тапсырманы уақытымен дұрыс орындау

3.Сабақ кезіндгі көңіл-күйлеріңіз көтеріңкі болсын

2.Топқа бөлу:

- Бүгін оқушылар біз сіздермен топтық жұмыс жасаймыз. Ол үшін бағдаршамның (Қызыл,Жасыл ,Сары) үш түсін таңдау арқылы топқа бөлінеміз.

-Енді қызыл түсті тандаған оқушылар бір топқа, жасыл мен сары түсті тандаған бір топқа бөлініп отырады.

3.Бағалаушы мен таймкипердің қызметтері белгіленеді.

-- Енді, оқушылар, барлықтарыңыз артымызға қарап, отырған орындықтарыңызда ілінген суреттерге назар аударыңыздар. Кімде «КҮНДЕЛІК» деген сурет ілініп тұрса, сол оқушы бағалаушы, яғни мен беретін бағалау парақшасына сабақ бойы белсенді қатысқан оқушыларды бағалап, сабақ соңында ортақ баға шығарушы болады. Ал «САҒАТ» суреті ілінген орындықта отырған оқушы тапсырмаға берілген уақытты қадағалаушы, яғни таймкипер болады.

1. Оқушы жүрекшеге тілек жазып, сыныптасына сыйлайды.

2.Оқушылар топқа бөлінеді.

3.Бағалаушы мен сағатшы өз қызметтерімен танысады.

Оқушылар мейрімділікке үйренеді.

Ұжымшылдыққа машықтанады.

Жауаптылыққа жол ашады.

стикерлер

Түрлі-түсті қағаздар

фигуралар

II

Үй жұмысын тексеру:

4 минут

1. «Қар кесегі» әдісі.

1.Сан есім дегеніміз не?

2.Сан есімнің неше түрі бар?

3.реттік сан есім дегеніміз не? Мысал келтір?

4. Сан есім не үшін керек?

5.Қазақ халқында қандай сандар қасиетті?

Әр топтан бір оқушы.

1.Оқушылар «Ыстық орындық» әдісі бойынша берілген тапсырманы пысықтайды.

Өткен сабақ бойынша білімдерін бекіте түседі.

III

Жаңа сабақ

9 минут

1. «Ребус» арқылы сабақтың тақырыбын ашу. (Мақал –мәтел «Алтау ала болса, ауыздағы кетеді. Төртеу түгел болса, төбедегі келеді.»)

- Дәптерімізді ашып, бүгінгі күн мен айды жазамыз. Енді, интербелсенді тақтаға назарымызды аударайық. Сіздерге Ребус берілген. Осы ребустың шешімін дәптерлеріңе жазыңдар.

-Ребустың шешімі қандай?

-Осы мақал- мәтел не туралы?

-Мақал-мәтелде кездестін сан есімдерді атаңыздар?

- Бұндағы алтау, біреу деген сан есімдер қандай қызметі атқарып тұр?

-Оқушылар бұл сан есімдерге жалғанған жұрнақтар қандай?

Дұрыс сонымен, бүгінгі біздің тақырыбымыз «Жинақтық сан есім» деп аталады. Дәптердегі бос қалдырған жолға тақырыпты жазайық.

2.Жаңа тақырыпты ашу. Постермен жұмыс жасау арқылы оқушылар өздері жаңа сабақты түсіндіреді.

- Барлығымыз оқулығымыздың -бетін ашып «Жинақтық сан есім» деген тақырыпы оқимыз.Ал енді жұптасамыз, оқығандармен бөлісеміз. Енді топтасып білгенімізді ортаға саламыз. «қызыл» тобы топтастыру әдісі, «жасылдар»тобы фишбоун әдісі арқылы түсінгендерін постерге түсіреді, ал «сарылар» сүзгіш әдісі бойынша берілген мәтінді сүзгіштен өткізеді. Тапсырмаға үш минут уақыт беріледі.

1.Оқушылар ребус арқылы жаңа сабақтың тақырыбын аша түседі.

2. Оқушылар жеке-дара, жұптық, топтық жұмыс жасай отыра, жаңа тақырыпты постер арқылы қорғайды.

Шапшаңдылыққа, тез ойлауға машығады. Бауырмалдық, кішіпейілділік, сияқты сезімдерді бойларына ұялатады

Ізденушілік қасиеттері дамып, топ мүддесін қорғай білуге дағдыланады.

Интербелсенді тақта

IV

Сергіту сәті

2 минут

«Барьер»

сергіту сәтін орындау.

- Оқушылар, сіздерді сергіту мақсатымен, біз қазір «Барьер-Кедергі» атты сергіту сәтін орындаймыз.

1.Оқушылар сергіту жаттығуларын орындайды.

Денелері шынығады, шаршағандары басылады, көңіл-күйлері көтеріледі, денсаулықтарына оң әсер тиетін факторлары ңығая түседі.

V Тапсырмалармен жұмыс

17

минут

1.ТАПСЫРМА.

1-топ.

Мақал-мәтелдер ішіндегі көп нүктенің орнына тиісті жинақтық сан есімдерін қойып жаз.

2-топ.

Берілген сан есімдерді жинақтық сан есімдерге айналдырып, сөйлем құрастыр.

3-топ.

Жинақтық сан есімдерді қатыстыра отырып,

өлең құраңдар:

Үлгі:

Біреу - сүйенгенге тіреу.

Екеу - бір мен бірді қосып,

Бір - біріне сүйеу.

Мадақтау.

2.ТАПСЫРМА:

1-топ.

Семантикалық картаны толтыру

2-топ.

Жұмбақты шешіп,сан есімдерді мағынасына қарай ажырат. 
Екеуі қарауыл қарап тұр, 
Төртеуі ұйықтап жатыр. 
Біреуі қамыр басып жатыр. 

3-топ.

Тест тапсырмасы

1.Әр топ өздеріне жүктелген тапсырмаларды орындайды.

Сөздік қорлары молая түседі, шығармашылыққа бейімделеді,.

VI

Рефлексия

3 минут

2.Бес саусақ әдісі.

Бас бармақ – басты мәселе. Бүгін сабақта пікірімді тілдік элементтерді дұрыс қолданып жеткізе алдым ба?

Балалы үйрек – бірлесу. Біз топта қалай жұмыс жасадық?

Ортан терек – ойлану. Біз бүгін қандай білім мен тәжірибе алдық?

Шылдыр шүмек – шынайылық. Сабақ бізге ұнады ма?

Кішкентай бөбек – көңіл-күй ахуалы. Біз өзімді сабақта қалай сезіндік?

1.Функционалдық сауаттылықтарын дамыту үшін қойылатын сұрақтарға жауап береді.

Жаңа ақпаратты өмірде қолдана алуға ұмтылыс жасалады.

Алға ұмтылыс жасау, жаңаға талпынуға үйрету

Интерактивті тақта

VII

Үй тапсырмасын беру

1 минут

1.Үй жұмысына берілетін тапсырманы хабарлап, оны орындау жолдарымен таныс ету.

- Барлығымыз күнделігімізді ашып, үй жұмысын жазамыз. Үйге: 115-жаттығу

1.Оқушылар күнделіктеріне үй жұмысын жазады.

Әр оқушының ақындық шеберліктерін шыңдау

VIII

Бағалау

3 минут

1. Бағалаушының бағалануы тыңдалып, оқушыларға сабақ бойынша ортақ баға қойылады.

- Сабақтың басында әр топтың бағалаушысына бағалау парағын таратқан едім. Енді әр топтың бағалаушысы қойылған бағаларды баршамызға оқыса деймін.

1.Әр топтың бағалаушысы өз тобының мүшелеріне қойған бағалармен таныстырады. Өз ойымды ортаға саламын.

Өз жұмысы мен біреудің жұмысына дұрыс баға беруге дағдыланады.

IX

Сабақты қорытындылау

1 минут

1.Сабақты қорытындылап, оқушылармен қоштасу.

- Осымен бүгінгі сабағымыз аяқталды! Сау болыңыздар!

1.Оқушылар мұғаліммен қоштасады.