Цвета светофора

“Гөлназ” 49 нчы балаларның танып-белү-сөйләм үсешен

өстенлекле гамәлгә ашыручы гомумүстерелешле балалар бакчасы” муниципаль бюджет мәктәпкәчә белем бирү учреждениесе

Конспект

4-5яшьлек балалар өчен

Сөйләм телен үстерү

Тема:Светофорның төсләре.

Төзеде:

1 кв.категорияле тәрбияче

Зиганшина Алия Нурулла кызы,

тәрбияче Файзрахманова Эльвира Мисхәт кызы

Яр Чаллы

2017

Максат:Светофор сигналларын өйрәтү.

Бурычлар: Балаларны светофорның сигналларын таный белергә өйрәтү. Күреп һәм ишетеп кабул итүне үстерү. Игътибарлыкларын тәрбияләү.

Методик алымнар һәм чаралар: әңгәмә, уен, көй тыңлау.

Җиһазлау:автобус макеты, автобус тукталышы билгесе, проектор.

Сүзлек өстендэ эш: светофор, туктап торабыз, юлны чыгабыз.

Алдан үткәрелгән эш: матур әдәбият уку, уеннар уйнау.

Эшчәнлек төзелеше:

1. Кереш. Эмоциональ халәт тудыру.

2. Төп өлеш.

3. Дидактик уен

4. Хәрәкәтле уен.

5. Йомгаклау. Фикер алышу.

Кулланылган әдәбият:

1.Веракса Н.Е, Комарова Т.С., Васильева М.А. Комплексные занятия по программе “От рождения до школы”.- Волгоград: Учитель, 2013.

2.Тугантелдәсөйләшәбез: методик әсбап / Ф.В. Хәзрәтова, З.Г.Шәрәфетдинова, И.Җ. Хәбибулина. – Казан, 2013.

3.Иң матур сүз: Ата-аналар һәм балалар бакчасы тәрбиячеләре өчен хрестоматия.- Казан: Мәгариф, 2000.- 335 б.

4. Мәктәпкәчә яшҗтәге балаларны юлларда үзләрен хәвефсез тоту кагыйдәләренә өйрәтү дәресләре өиклы:методик күрсәтмәләр / Авт.-төз.: Г.А.Галеева, С.М. Гаффарова, З.Л.Ишниязова, Р.Ш.Ахмадиева һ.б. – казан: “Балаларның тормыш иминлеге фәнни үзәге” ДУ нәшрияты, 2010.- 240 б.

Эшчәнлек барышы.

1. Кереш.

- Балалар, без сезнең белән сәяхәткә барабыз. Безне алырга автобус та килеп җиткән. (Автобусны тәрбияче алдан әзерләп куя). Кем әйтә ала, автобус ул нәрсә? (Транспорт). Ә нинди транспорт? (Пассажирлар йөртә торган).

- Әйдәгез әле, транспортта үзегезне ничек тоту кагыйдәләрен искә төшереп китик. (Этешмәскә, кычкырып сөйләшмәскә, йөгереп йөрмәскә).

- Рәхим итеп автобуска кереп урнашыгыз. (Балалар алдан әзерләнгән урындыкларга утыралар). Балалар, менә барыгыз да автобуска кереп утырдыгыз.Мин – машина йөртүче булам. Автобус кузгала. (Көй уйный).

2. Төп өлеш.

- Балалар,без сезнең белән шәһәргә килеп җиттек. Безнеңавтобус ниндидер багана янына килеп туктады, күзләре ялтырап тора. Балалар, бу нәрсә? (Проекторда 3 төсле светофор күрсәтелә). Әйдәгез әле бергәләп кабатлыйк. (Күмәк һәм шәхси кабатлаулар).

- Ә хәзер автобус тукталышында төшик. Автобус тукталышы икәнен кайдан белдек? (Автобус төшкән билге тора). (Балалар торалар).

- Балалар, светафорны якынрак барып карыйк. Ә нәрсә соң ул светофор? Бу күзләре ни өчен кирәк соң аның? (Балалар җаваплары).

- Әйе, светофор машиналарга бер-берсенә комачаулык тудырмыйча хәрәкәт итү өчен кирәк. Светофорның утлары берьюлы түгел, ә чираттан яналар.

(Проекторда 2 төрле светофрлар рәсеме).

- Ни өчен бер светофорда күз 2, ә икенчесендә 3? (Балалар җаваплары).

3. Дидактик уен “Дөрес светофорны эзләп тап”.

Проекторда 5 светофор рәсеме, һәрберсендә төсләре төрлечә урнаштырылган. Төсләре дөрес урнаштырылган светофорларны күрсәтергә кирәк.

- Без сезнең белән җәяүлеләр, шуңа игътибарыбызны 2 төсле светофорга юнәлтик. Нигә бу светофорның утлары 2 генә? (Балалар җаваплары).

- Кызыл ут янганда, юлны аркылы чыгарга ярамый. Яшел ут янганда, юлны чыгарга мөмкин. Ләкин балалар әти-әниләре белән җитәкләшкән булырга тиеш.Кызыл ут янса– туктап торырга, ә яшел утта – юлны чыгарга тиешбез. Балалар, бергәләп кабатлыйк әле кызыл ут янса без нишлибез? (туктап торабыз), ә яшел утта? (юлны чыгабыз).

-Хәзер сезнең белән уйнап алыйк.

4. Хәрәкәтле уен “Кызыл һәм яшел”.

Балалар җәяүлеләр булалар. Тәрбияче светофорның бер-бер артлы утларын яндыра. (Проекторда күрсәтелә).Яшел ут янгач - җәяүлеләр юлны чагылар, кызыл ут януга туктап калалар. (Уен 2-3 тапкыр кабатлана).

5. Йомгаклау.

- Нинди светофорлар була?

- Җәяүлеләр өчен светофорда нинди төсләр бар? (Кызыл, яшел).

- Кайсы төстә без нишләргә тиеш әле? Әйдәгез искә төшерик. (Балалар җаваплары).

- Булдырдыгыз, балалар. Хәзер автобуска утырып, бакчага «кайтып китәбез». (Көй уйный).

Адрес публикации: https://www.prodlenka.org/metodicheskie-razrabotki/288257-cveta-svetofora