Саттар Ерубаев

Күні:02.03. 2017

Сыныбы:8 «а»

Пәні: қазақ тілі

Сабақтың тақырыбы:Cаттар Ерубаев

Сабақтың мақсаты:

1. Әр оқушының жеке қабілеттерін ашып, дамытуына қажетті жағдай жасау. Тақырыпқа қатысты жаңа сөздерді меңгерту.
2. Үйренген сөздерін дұрыс қолдана білу дағдысын дамыту. Оқығанын түсініп, өз ойын дұрыс жеткізе білуге жаттықтыру. Логикалық ойлау қабілеттерін дамыту.
3. Оқушыларды көркем әдебиетті сүюге тәрбиелеу.

Сабақтың түрі: жаңа сабақ.
Сабақтың әдіс-тәсілдері: әңгімелеу, сұрақ-жауап, пікірлесу.

Сабақтың жұмыс формалары: ұжымдық, жеке.
Сабақтың барысы.
І. Ұйымдастыру кезеңі.
•Сәлемдесу;

• Сыныпты түгелдеу.

ІІ. Үй жұмысын тексеру.

3–тапсырма. Сұрақтар бойынша диалог құраңдар.

- Қазақ балалар әдебиетінің атасы кім?

- … .

- Ол қайда білім алған?

- ... .

- Одан әрі Ыбырай қалай оқиды?

- … .

- Ол нені армандайды?

- … .

- Ы. Алтынсарин қай жерлерде мектептер ашады?

- … .

- Мектептер үшін не дайындады?

- … .

- Балалар үшін не жазды?

- … .

ІІІ. Жаңа сабақ

Саттар Ерубаев

(1914 - 1937)

Бар болғаны 23 жас өмір сүрген Саттар Ерубаев – тамаша шығармалар жазған жазушы. Ол «Бақыт», «Өмір көркемдігі» сияқты новеллаларында жастарды өмірді сүюге шақырады. Ешқандай қиындыққа мойымау керек екенін айтады. «Менің құрдастарым» романында өзіңнің бақытыңды өз қолыңмен жасауың керек деген қорытындыны береді.

Бақыт

Мен бақытты көрсем деуші едім.

Біздің қақпаның алдындағы үлкен жолмен күнде бір қайыршы шал өтетін еді.

Шал ұзын асасын жоғары көтеріп:

Е, азаматтар, бақытты болыңдар! – дейтін еді. Менің бақытты көргім келді...

Біздің үй Түркістан қаласының оңтүстік жақ шетінде болатын еді. Бізбен бірге Жақсыбайдың үйі тұратын. Жақсыбайдың шешесі Күнтүлім жасау жамап отырушы еді. Кішкене Барлыбай:

Апа, қарным ашты, - дейтін.

Ей, бақытсыз, бақытың жоқ қой, маған не дейсің? – деуші еді Күнтүлім.

Осы уақытта Жақсыбай келуші еді. Жақсыбай қалада қыш құятын. Жақсыбайдың қолында шүберекке түйілген бір нәрсе көрінсе, Күнтүлім кішкене Барлыбайға:

Бақытың бар екен, қарағым, - деп күлімсірейтін еді. Мен бақыт деген нан ба деуші едім...

С. Ерубаев

ІV. Сөздікпен жұмыс

Төмендегі жаңа сөздерді жазып, жаттау.

қайыршы – нищий

қыш құятын – делал саманный кирпич

қарағым – милый

күлімсіреу – улыбаться

өтетін – проходил

күнде – каждый день

білім алды – здесь: учился

туған – родился

тәрбиеленді – воспитывался

аударды – перевел

құрастырды – составил

жинақ – сборник

бейнетін көріп – трудиться честно

терлеп жанды қинасам – здесь: до изнурения, честным трудом

жұпар – благоухание

ақ сүт – материнское молоко

өтер ме? – воздастся ли?

аялы – заботливый

саялы – тенистый, здесь: создать все условия для матери

ізетті – уважительный, почтительный

игі – благое, доброе

VI. Жаттығу жұмыстары

2–тапсырма. Сұрақтарға мәтін бойынша жауап беріңдер.

1. Мен нені көрсем деуші едім?

2. Үлкен жолмен күнде өтетін кім еді?

3. Шал не дейтін еді?

4. Біздің үй қайда еді?

5. Бізбен бірге кім тұратын?

6. Күнтүлім не істеуші еді?

7. Барлыбай не дейтін?

8. Күнтүлім не деуші еді?

9. Осы уақытта кім келетін?

10. Жақсыбай не істейтін?

11. Жақсыбайдың қолынан не көрінетін?

12. Сонда Күнтүлім қалай қуанатын?

13. Мен бақыт деген не екен деп ойладым?

V. Мәтінмен жұмыс

3-тапсырма. Мәтінді оқып, түсінгендеріңді айтып беріңдер.

Өтебай Тұрманжанов

Өтебай Тұрманжанов 1905 жылы 15 желтоқсанда қазіргі Оңтүстік Қазақстан облысы, Ордабасы ауданындағы Жалғызағаш ауылында туған. Ташкентте №14 балалар үйінде тәрбиеленді. Мәскеуде университетте білім алды.

Тұңғыш жинағы «Таң өлеңдері» (1925 ж.) Мәскеуде жарық көрді.

Ол– 40-тан аса кітаптың авторы. Балаларға арналған «Парадта», «Сыйлық», «Не деу керек?», «Қызғалдақ» атты қызықты кітаптары бар. Л.Н.Толстойдың балаларға арналған шығармаларын аударды. «Қазақтың мақал-мәтелдері», «Асыл сөздер» атты жинақтарын құрастырды. Ауыз әдебиетінің белгілі зерттеушісі, көрнекті ақын Ө. Тұрманжанов 1978 жылы Алматы қаласында дүние салды.

6-тапсырма. Берілген синоним сөздерді есте сақтаңдар. Мағыналарын түсініп, сөйлем құрап жазыңдар.

парыз, қарыз аялы, саялы

ізетті, әдепті жақсы, игі

VI. Сабақты қорыту.

Саттар Ерубаев кім?

Оның қандай туындылары бар?

Өтебай Тұрманжанов кім?

Оның қандай шығармаларымен таныссыңдар?

VII. Үйге тапсырма:4-тапсырма. Диалогті толықтырыңдар.

- Өтебай Тұрманжанов қашан дүниеге келген?

- ... .

- Жазушы қашан дүние салған?

- ... .

- Өтебай Тұрманжановтың балаларға арналған қандай кітаптары бар?

- … .
- Ол құрастырған кітаптар қалай аталады?

- … .

VIII. Бағалау.

Адрес публикации: https://www.prodlenka.org/metodicheskie-razrabotki/310394-sattar-erubaev