Қарттарға қамқорлық керек

8 – сынып. Қазақ тілі

Сабақтың тақырыбы: Қарттарға қамқорлық керек

Сабақтың мақсаты:

1. Әр оқушының жеке қабілеттерін ашып, дамытуына қажетті жағдай жасау. Тақырыпқа қатысты жаңа сөздерді меңгерту.
2. Үйренген сөздерін дұрыс қолдана білу дағдысын дамыту. Оқығанын түсініп, өз ойын дұрыс жеткізе білуге жаттықтыру. Логикалық ойлау қабілеттерін дамыту.
3. Қазақтың халық даналығы арқылы оқушылар бойында қарттарға деген қамқорлық сезімін тәрбиелеу.
Сабақтың түрі: пысықтау сабағы.
Сабақтың әдіс-тәсілдері: әңгімелеу, сұрақ-жауап, пікірлесу.

Сабақтың жұмыс формалары: ұжымдық, жеке.
Сабақтың барысы.
І. Ұйымдастыру кезеңі.
•Сәлемдесу;

• Сабаққа даярлықтарын анықтау.

ІІ. Үй жұмысын тексеру.

«Ана мейірімі» тақырыбында эссе

ІІІ. Мәтінмен жұмыс

Мәтінді оқып, түсінгенін әңгімелеу.

ІV. Сөздікпен жұмыс

Жаңа сөздерді сөздік дәптерге жазып, жаттау.

V. Жаттығу жұмыстары

3–тапсырма. Берілген сөйлемдердің қосымщаларын дұрыс жалғап, көшіріп жазу.

1. Қайырымдылықтан адам кедейленбейді. 2. Қаталдықтан адам өзгермейді. 3. Қарттарды қараусыз қалдырған ұрпақтан қорқу керек. 4. Өз балаларын тастап, жетім қылдғандарға кешірім жоқ. 5. Үлкендерді төрге отырғызған халық - өзі биікте жүреді. 6. Бұл келеңсіз нәрсені тез арада тоқтату қажет. 7. Баланы кішкентайынан қайырымды болуға үйрету керек.

5–тапсырма. Шығармашылық диктант. Көп нүктенің орнына қажетті сөздерді тауып жазыңдар.

Қайырымдылық деген – жаныңды салып қолыңнан келгенше көмек беру. Қайырымдылық дегеніміз тек қана көмек беру емес, бұл – жанашырлық, жылы қарым – қатынас. Біз басқаларға қол ұшын бере отырып, адамның да, өзіміздің де өміріміздіжақсы жаққа өзгертеміз. Қасымызда жақсы адамдардың болғаны қандай керемет! Біздің халқымыз қашанда жомарттықты үлгі тұтқан. Жігірттерін мәрт болуға үйреткен, қыздарын инабатты болуға шақырған.

VI. Сабақты қорыту.

Қайырымдылықты біз кімге жасауымыз керек деп ойлайсыңдар?

Өзің өміріңде кімге қандай қайырымдылық жасадың?

Ол туралы басқалардың білуі қажет пе?

Қарттар үйіне, балалар үйіне барып көрдің бе?

Ондай мекендер біздің қоғамға қажет пе?

VII. Үйге тапсырма: «Қайырымдылық жасау - әрбір адамның парызы» тақырыбында шағын эссе жазу.

VIII.Бағалау.

Адрес публикации: https://www.prodlenka.org/metodicheskie-razrabotki/310428-arttara-amorly-kerek