Украшаем салфетки

Кисеп-ябыштыру эшчәнлеге конспекты

Тема “Салфетка бизәү”

(икенче кечкенәләр төркеме)

1 нче квалификацион категорияле

тәрбияче

Гатина Фирдания Нургали кызы

2018 ел

Максат: бизәкләр ябыщтырырыга өйрәтү

Бурычлар:1Матурлыкны күреп соклана белү,эстетик зәвык, ярдәмчеллек тәрбияләү

2.Түгәрәк һәм квадратлардан бизәк төзергә өйрәнү

3.Фигураларның төсен,формасын туры китереп кәгазь өслектә урнаштыра белү тәртибен үстерү .

Алдан эшләнгән эш: почта тартмасыннан салфеткалар алу,рәсемнәр карау

Җиһазлау:салфеткалар,квадратлар,түгәрәкләр,җилем,пумалалар,бизәкле салфеткалар.җилем өчен савытлар.

Эшчәнлекнеӊ структурасы:Телефон тыңлау; бизәкләр карау,салфеткага бизәкләр төшерү;физкультминутка; “Әйдә дустым биергә” көенә җырлау,йомгаклау.

Сүзлек: Йомшаккай,салфетка,бизәк

Эшчәнлек барышы:

Телефон шалтырый.Сөйләшү диктофонга язылган:

“Исәнмесез, дусларым! Бу мин- Йомшаккай. Минем сезгә бер үтенечем бар иде. Иртәгә миңа кунаклар киләсе, аларга дип әзерләгән салфеткаларымны бизәп бетерә алмадым, шуларны бизәргә булыша алмассызмы?”

Т.: Балалар булышабызмы?

Б.: Булышабыз.

Й: Рәхмәт сезгә. Салфеткаларымны почта аша җибәрермен. Үзегезне дә кунакка чакырам. Сау булыгыз!

Т. Әйдәгез, балалар бизәк үрнәкләре сайлый торабыз.(Салфеткалар, бизәкле киемнәр карау) Матур бизәклесен сайлап алыйк. (Сайлап алган салфетка бизәген карау, бизәкләренең төсен, формасын, урнашу тәртибен ачыклау)

Т: Балалар сезгә кайсы салфетка ошады?

Әйе монысы матуррак чөнки бу салфеткада түгәрәкләрдә,квадратларда бар.

Т. Әйдәгез өстәл артларына утырабыз, Менә бит Йомшаккай салфеткалар да килеп җиткән,эшебезне башлыйк.

Т.Балалар кызыл түгәрәк кайда урнашкан?

Әйе Салфетканың уртасына ябыштырабыз.

Т.Квадратларны кайда ябыштырабыз?

Әйе Салфетканың почмакларына ябыштырабыз.

Физминутка

Аюның өе зур (кулларны өскә күтәрү.)

Куянныкы кечкенә (чүгәлиләр)

Аю бара алпан-тилпән (лап-лоп басып йөрү)

Ә куяннар сикерә (сикерү)

.Ял иттек хәзер эшебезне дәвам итәбез.

Т.Сары түгәрәкләрне кайда урнаштырабыз.

Әйе,балалар салфетканың якларына ябыштырабыз.

Йомгаклау:

Т.: Барыгыз да тырыштыгыз, салфеткаларны бик матур итеп бизәдегез, күңелләр күтәрелеп, җырлыйсы килеп китте, әйдәгез, шушы шатлыктан салфеткаларны тотып җырлап, биеп алыйк! Балалар салфеткаларының ике почмагыннан тотып бер рәткә тезелеп басалар. “Әйдә, дустым биергә”исемле җыр көенә:

Кулымда матур салфетка

Бизәкләре уңмасын

Дустыма бүләгем булсын!

Чын күңелдән куансын!

Соңыннан салфеткаларны өстәл өстенә куеп калдыралар.

Т.: Җилемнәре кипкәч, почта аша Йомшаккайга җибәрербез.

Адрес публикации: https://www.prodlenka.org/metodicheskie-razrabotki/324268-ukrashaem-salfetki