Хӕдзарон фос ӕмӕ мӕргътӕ

«Ӕмдзӕвгӕ ахуыркӕныны методикӕ рӕвдауӕндоны»

Гом ахуыры

темӕ:

«Хӕдзарон фос ӕмӕ

мӕргътӕ»

(скъоламӕ бацӕттӕгӕнӕн къорд)

БЕСЛÆНЫ МУНИЦИПАЛОН БЮДЖЕТОН СКЪОЛАЙЫАГЪОММÆ СЫВÆЛЛÆТТЫ 10-ÆМ РÆВДАУÆНДОН

Ирон ӕвзаджы хъомылгӕнӕг

Пухаты Оксана Саламджерийы чызг

Программон хӕстӕ:

1.Сывӕллӕты сахуыр кӕнын зӕрдылдарын Рӕмонты Алыксандры ӕмдзӕвгӕ «Нӕ рауад къам», уымӕй сӕ зӕрдӕты гуырын кӕнын цымыдисдзинад ӕмӕ уарзондзинад ирон аивадон литературӕмӕ;

2.Сывӕллӕтты сахуыр кӕнын ӕмдзӕвгӕйы хъуыды ӕмбарын ӕмӕ иртасын.

3. Хӕццӕ кӕнын дарддӕры куыст сывӕллӕттимӕ кӕнӕн поэзии куыд аивадон жанримӕ.

4.Гуырын кӕнын сывӕллӕтты тырнындзинад ӕмдзӕвгӕйы мидис бамбарынмӕ.

5. Сывӕллӕттӕн ӕмбарын кӕнын хъӕлӕсы уаг кӕм хъӕуы хъӕрдӕр, кӕнӕ сабырдӕр кӕнын, ритмикӕйыл бакуыст.

6. Хъомыладон куыст хӕлардзинадыл, кӕрӕдзийы нымайындзинадыл.

Интеграци ФПАСы фондз ахуырадон здӕхтмӕ гӕсгӕ (СКР, ДӔ, А-ЭР, ДзНФ, ФР)

Ахуыры цыд:

Хъ- Сабитæ, кæсут-ма, цас уазджытæ нæм æрбацыд. Сабитӕ «Ӕгас цӕут» - ма сын зӕгъӕм,

Хъ- Сабитæ, нӕ кӕрӕдзийӕн ӕмӕ нӕ уазджытӕн нӕ мидбылты худт балӕвар кӕнӕм.

Хъ. - Зӕгъут-ма, цавӕр афӕдзы афон у?

С- зымӕг.

Хъ – цавӕр зымӕгон мӕйтӕ зонут? Ранымайут- ма сӕ.

С: цыппурсы мӕй, тъӕнджы мӕй, ӕртхъирӕны мӕй

Хъ: Ӕртӕккӕ цавӕр мӕй цӕуы?

С: ӕртхъирӕны мӕй

Экраныл нывтæ

ХЪ: акӕсут- ма нывмӕ; Кӕй дзы уынут?, Цы ми кӕнынц?

Хъ: цавӕр зымӕгон хъӕзтытӕ зонут?

С: Дзоныгъӕй хъазт, къахындзоныгътӕй, ӕмӕ Митынкъуыбӕрттӕ.

ХЪ: Ӕмӕ уын уарзондӕр та кӕцы хъазт у?

С: Митынкъуыбӕрттӕ.

Хъ: Цӕй-ма, ахъазӕм дзы!

(Мырон ифтыгъд, æнгуылдзты змæлд)

«Миты рагъыл мах лӕууӕм,

Митынкъуыбӕрттӕ кӕнӕм,

Иу къуыбар, дыууӕ къуыбары-

Кӕрӕзиуыл сӕ ӕппарӕм!»

Хъ: Зӕгъӕм- иумӕ дзырд «Къуыбӕрттӕ»

С: къуыбӕрттӕ!

Хъ: Цавӕр мыр дзы хъусут фыццаг? -

С: Мыр «КЪ».

Хъ:тынг раст загътат, тынг хорз.

Хъ:: (кулисӕтӕй райхъуыст карчы Къо-къо-къо)

(кулисӕтӕ байгом сты)

Хъ: Сабитӕ! Хъусут уӕ мыр?

(хъуысы мелоди, февзӕрдыстӕм Фосыкӕрты: лӕууынц дзы хъуг ӕмӕ уасӕг)

Хъ: Кӕм февзӕрдыстӕм, сабитӕ?

С: Фосы кӕрты.

Хъ: цы дзы уынут?

С: Хъуг ӕмӕ уасӕджы.

Театралон равдыст

(Райдыдта театралон равдыст. Архайджытӕ: гогыз- Сугъараты Фатимӕ (хъомылгӕнӕг), бӕх- БигъатыАлинӕ( ныййарӕг), карк – Дулаты Иринӕ (хъомылгӕнӕг), куыдз – Дидарты Заретӕ (хъомылгӕнӕг), дзӕргъ – Цгъойты Беллӕ(хъомылгӕнӕг), сӕгъ – Бӕцӕзаты Анжелӕ(хъомылгӕнӕг), фыс – Беркъаты Иринӕ (хъомылгӕнӕг).

Хъ: Сабитӕ, ацы равдыст ӕвӕрд ӕрцыди РӕмонтыАлыксандры ӕмдзӕвгӕмӕ гӕсгӕ , кӕцы хуыйны «Нӕ рауад къам».

Мах абон сахуыр кӕндзыстӕм ацы хъӕлдзӕг ӕмдзӕвгӕ.

(Ӕмдзӕвгӕйы фыццаг бакаст )

Ӕмдзӕвгӕйыл бакуыст.

Хъ. Фӕрсы сабиты:

- Цӕуыл дзырд цӕуы ацы ӕмдзӕвгӕйы?

- Кӕй федтат фосыкӕрты? (хъугы, гогызыӕмӕӕнд.)

- Бӕх та куыд ныккасти?

С: комкоммӕ

Хъ: Ацы дзырд у ног дзырд, ӕнӕзонгӕ дзырд ӕмӕ амоны уырыссагау «уставилась»

Хъ: уый фӕстӕ рацыди карк ӕд цъиутӕ. Цавӕр , цы хуыз уыдысты карчы цъиутӕ?

С: саутӕ , буртӕ!

Хъ: кӕрты астӕу та чи ныддӕргъ?

С: куыдз

Хъ: куыдз цы ми бакодта?

С: ныддӕргъ

Хъ: дзырд ныддӕргъ дӕр у ног, ӕнӕзонгӕ дзырд. Амоны уырыссагау «растянулся».

Хъ: Цавӕр фӕндон сӕм уыдис?

ХЪ: Сабитӕ, чи мын зӕгъдзӕн: « Цӕуылнӕ рауадис сӕ къам?

С: Уымӕн ӕмӕ бӕх смӕсты, хӕрӕгимӕ иумӕ йӕ къам исын на бафӕндыд.

ХЪ: Чи зӕгъдзӕнис, цавӕр пайда хӕссы бӕх адӕймагӕн?

С: Бӕх уӕззауттӕ ласы ӕмӕ адӕмы.

ХЪ: цӕй уӕдӕ мах дӕр баулӕфӕм ӕмӕ Барджытӕй ахъазӕм.

Улæфты рæстæг

(Барджытыхъазт)

Ӕмдзӕвгӕйы дыккаг бакаст (Аудиозапись)

ХЪ: Иухатт –ма байхъусӕм ӕмдзӕвгӕмӕ. Бафӕлварут ӕй бахъуыды кӕнын.

Ӕмдзӕвгӕйы ӕртыккаг бакаст (Хъазт «Хъуыды фӕу»)

ХЪ: Сабитӕ, ахъазӕм та? Ӕз мӕ хъуыды райдайдзынӕн, сымах та иу ӕй фӕут.

Ӕмдзӕвгӕйы цыппӕрӕм бакаст (Кӕсы ӕмӕ ӕвдисы ӕмдзӕвгӕ)

Хъ: Сабитӕ, ӕз уын ныртӕккӕ райуардзынӕн нывтӕ, хӕдзарон цӕрӕгойты хуызтимӕ. Сымах хӕс та у, ӕмдзӕвгӕмӕ хъусгӕйӕ, хуызӕгыл ныхасын уӕ къамтӕ.

Хъ: Сабитӕ рауади нын схемӕ, кӕцы уын баххуысс кӕндзӕни радзурын ӕмдзӕвгӕ наизусть.

Сабитæ дзурынц æмдзæвгæ мнемосхемæйæ пайдагæнгæйæ

Хъ: Чи радзурдзӕни ацы ӕмдзӕвгӕ наизусть, чи йӕ бадардта йӕ зӕрдыл?

Уыци-уыцитæ

Хъ: Хӕдзарон фос ӕмӕ мӕргъты тыххӕй та чи хъуыды кӕны уыци-уыцитӕ?

Хаццӕг:

Хъ: цы куыстам абон? Ногӕй цы базыдтат?

Уӕ зӕрдӕмӕ тынгдӕр цы фӕцыдис?

Рефлексия:

ХЪ: Сабитӕ! Ис мӕм диссаджы дыууӕ чыргъӕды: иуы хъӕлдзӕг цӕсгӕмттӕ, иннӕйы та ӕнкъард цӕсгӕмттӕ. Кӕй зӕрдӕмӕ фӕцыдис нӕ абоны куыст, уый сисӕд худгӕ цӕсгом, кӕмӕн нӕ фӕцыдис, уый та ӕнкъард.

Хъ: Мӕнӕ мын цы ӕхсызгон у, уе ппӕты зӕрдӕмӕ дӕр кӕй фӕцыдис, уый! Цӕй ӕмӕ нӕ хӕдзарон цӕрӕгойтимӕ нӕ къам сисӕм.

Адрес публикации: https://www.prodlenka.org/metodicheskie-razrabotki/357461-hdzaron-fos-m-mrgt