Разработка урока по родному языку на тему: «С. Абдуллаев. «Мусакай»

Открытый урок на тему:

С.Абдуллаев. «Мусакай»

Учителя даргинского

языка и литературы

2019

Мурадуни:

1. Хабарла бухIнабуц ва бекI мягIна дурхIнази аргъахъни.

2. Даргала литератураличи диги акIахъни.

3. ВатIанничи диги бяркъни.

4. БиштIати дурхIнала дявтазир бутIакьяндешличила бурни.

Дарсла башри:

1 слайд. (дявтачила видео)

1. Учитель: Селичила дирара хIушала пикрили ишбархIи дарсличир гъай?

- Дявтачила.

- С.ГIябдуллаев сайра дявтазир бутIакьяндеш дарибси писатель сай. Илала дявтачила дахъал произведениеби лер. ИшбархIи нушани бучIуси хабар «ВатIан багьандан» бикIуси С.ГIябдуллаевла повестьлизибад ца саби. Иш хабарлизир писательли гьарли-марли хIякьикьатлизир кадикибти анцIбукьуни сипатдирусиван билзули саби. ВиштIаси Мусахъайличи нушала уркIецидулхъули сари. Илала дудеш дявтазив ургъули сай, неш биалли немецунани туснакъла аррукиб. Илбагьандан ил бургъантас кумекбирули разведчик ветаур. Гьари, дурхIни, хIушани хIядурдарибти дявтала манзилличила багьахъниби дучIехIе.

- 1 ученик. ВатIанна ЧеряхIти дургъбазир 27 миллион советский адам алхун.

- 2 ученик. Илдазибад 700 азир дурхIя алхун

- 3 ученик. Дявтала замана Ленинград шагьар алавбуцибхIели, дуги-хIерилис ца адамлис 125 грамм кьацIла хIясибли бедлугусири.

- 4 ученик. Душмантани дарбадягъиндариб ва къирдариб 1710 шагьар.

- 5 ученик. 65 километр мегьла гьундурала заядариб.

- 6 ученик. 70 000 ши заядариб.

- 7 ученик. 1,5 млн юрт гъятIаиб.

- 8 ученик. 6000 больница.

- 9 ученик. 82000 школа.

- 10 ученик. 427 музей.

- 11 ученик. 43 000 библиотека.

- 12 ученик. 167 театр.

Учитель: Ихдигъунти сари дурхIни дявтала кахти цифраби. Дявтани адамтала гIямру дайдирхъу, нешани бисахъу, дурхIни цуръабиру. С. ГIябдуллаев сунела хабарлизив гьарли-марли ВатIанничи дигили душманничи гьимили вицIибси виштIаси дурхIя чеваахъес бажардииркули сай.

2 слайд.( дявтала манзил дурхIни)

Учитель: Се бурес дирудая хIушани икIди суратуни хIясибли?

- Илар нушани биштIатала къиянти гIямру чедиулра.

- Нешани агарли, цунбухъунти дурхIни чебиулра.

- Халатас кумекбарес биштIатира бузули чебиулра.

Учитель: Бархьси саби, дурхIни. Дудешунала мер буцили, биштIатанира дявтала манзил арши иршули, заводуни, фабрикабазиб бузули, халати къиян-жапа чедаибтири. Илдигъунти дурхIначила хIушани аргъибси бургар. Пионерти- геройтачила хабурти делчIи дургудая.

- Чихъали баладая хIушани пионерти-геройти?

- Олег Кошевой, Зоя Космодемьянская, Валя Котик, Александр Матросов, Зина Портная ва цархIилти.

Лебил дявтазиб алхунти гьанбиркахъули, лехIдешла минута дурабуркIехIе.

Къиянти дугьбачилси хIянчи:

ХIябкьяй- хIябал гьуни цаладиркуси мер.

ХIябцси- шинкIаси (влажный)

Кьакьари- сурс (горло)

1. Сценка. Мусахъай ва командир ГIялиев.

ГIялиев: «Вявъая гьари, Мусахъайлизи. Кагъар бухес вируду?

Мусахъай: Сен хIейрусира? Гьанна гьала-гьала архули хIейишагу.

ГIялиев: Гьачам чина архусил хьаралра сен хIебиида?

Мусахъай: БалухIели. Шагьарлизи архуси саби.

ГIялиев: ГяхIси саби. Белики немецунази викадли, кагъарлис се бирида?

Мусахъай: ЧIямбарили кьяриис.

ГIялиев: Бархьси саби, Мусахъай. Кайи гьачам укен.

ДурхIяли честь бедиб, ва дуравхъи арякьун.

1. Текстличил хянчи. (Мусахъай турбализивад аркьухIели, вамсни)

Баргес ва белчIес. Мусахъай нешличила пикриикIуси мер.

1. Дарс кагахъни.

- Мусахъайла гъабзадеш селичили чедиули?

- Сунени кьасбарибси секIайчи ваахъес илис сегъунти пикрумани кумекбирули?

- Илала бяркъ селизиб чебиули?

- Сунени игит хIянчиличибли партизантас сегъуна кумек бариба?

- Мусахъайла сунела нешличила пикруми.

1. Хъули хIянчи «Мусахъай – виштIаси игит» сочинение белкIес.

Адрес публикации: https://www.prodlenka.org/metodicheskie-razrabotki/454467-razrabotka-uroka-po-rodnomu-jazyku-na-temusa