Дайындық тобының балаларына арналған «Флинт қазынасы» математика негіздері бойынша кіріктірілген ашық оқу қызметі

Дайындық тобының балаларына арналған «Флинт қазынасы» математика негіздері бойыншакіріктірілгенашық оқу қызметі.

Мақсаты: жыл бойына оқу қызметінде үйренген материалды бекіту және қайталау.

Міндеттері:

- балалардың геометриялық фигуралар туралы ойларын бекіту;

- жыл мезгілдері, ай атаулары, аптаның күндері туралы білімдерін бекіту;

- санды көбейту немесе азайту қабілетін біріктіру;

- (>, <, =) белгілерін пайдаланып жазбаларды «жазу» және «оқу» қабілетін күшейту;

- екі кіші санның құрамын бекіту;

- Балаларға қосу және азайтуға есептер құруға және шешуге үйретуді жалғастыру;

- Қағаз парағында шарлау қабілетін жетілдіру.

- Логикалық ойлауды, зейінді, есте сақтауды, қиялды дамыту;

- байланыстырып сөйлеуді дамыту.

- Ұжымда жұмыс істей білуге, оқу міндетін түсінуге және оны бірлесіп шешуге тәрбиелеу.

Құрал-жабдықтар: интерактивті тақта, теңіз шуының дыбысы,аудиожазба,кемені құрастыру схемасы, жұмсақ модульдар,мектеп,кеме және теңіздің суреттері,кемелердің суреттері,есептер жазылған карточкалар,сандармен таңбалардың жинағы, сандық, Дьенеш блоктары, шартты белгілері бар карточкалар, шоколад тиындар.

Сабақ барысы

Кіріспе бөлім:

Тәрбиеші: Балалар, бізге бүгін бір ерекше хат келді, қазір мен сендерге оқып берейін.

«Мен қазына іздеуші Биллмін. Мен ұзақ уақыт бойы қарақшы Флинттың жасырған қазыналарын іздедім.Бір кездері қарақшылар Тынық мұхитының суларында аң аулап, аяусыз кемелерді тонағанда, сиқырлы тастар мен қымбат тыиындары бар сандық ұрланған екен. Сол кездері көптеген іздеушілер бұл сандықты қайтаруға тырысты, бірақ ешкім жасырын қазынаны таба алмады. Бір ақылды адам маған мұны тек ақылды балалар ғана таба алады деп айтқан.Енді мен өзіме көмектесетін және қазына сандығын іздеуге бара алатын балаларды іздеп жүрмін. Қазынаға баратын жол, сіздерді қиындықтар күтіп тұрған аралдар арқылы салынған. Балалар маған көмектесіңіздер, біз бәрін бірдей бөліп алатын боламыз»

Тәрбиеші: Қалай балалар, сендер қазынаны іздеу саяхатына барғыларың келе ме?.

Балалар: иә.

Негізгі бөлім:

Тәрбиеші: Алдымызда көптеген сынақтар күтіп тұр, қорықпайсыңдар ма? Сендер ол сынақтардан өте аласыңдар ма?Мен сендердің батыл және күшті екендеріңді білемін. Ендеше жолға аттанайық.Бізнемен барамыз, жұмбақтың шешуін тапқан кезде білетін боласыңдар:

Ақ шатырлы бір қала,

Суда жүзіп жүр дара.

(кеме).

Ендеше арнайы киімдерімізді киейік, біз командамыз. Мен капитан таңдауды ұсынамын. (Санақ көмегімен) Капитан капитанның арнайы бас киімін киеді.

1 - тапсырма «Кеме»

Біз қазынаны іздеуге баратын, кеме жасауымыз керек. Тақтаға қараңыз, біздің кеме қандай геометриялық пішіндерден тұрғызылған? (Дьенеш блогы, кеменің схемасы)

Балалар кемені жұмсақ модульдерден схема бойынша жасайды.

Жарайсыңдар, біздің кеме дайын.(кемеге мінеді,сұрақтарға жауап береді)

2 тапсырма - «Бүгін қандай күн?»

Тәрбиеші: Балалар, біз мұндай сапарларға күнде бармаймыз, сондықтан біз бұл күнді жақсы есте сақтап, кеме журналына жазып алуымыз керек.

- Қазір жылдың қай мезгілі? (Көктем)

- Көктемнен кейін қандай мезгіл? (жаз)

- Қазір қай ай? (Сәуір)

- Сәуірден кейін қандай ай? (Мамыр)

- Сәуірге дейін қай ай болды? (Наурыз)

- Айтыңдаршы, бүгін аптаның қай күні? (-----)

- Кеше қандай күн болды? (-----

- Ертең қандай күн болады? (------)

Жарайсыңдар балалар. Біз журналға жазба жазып және жолға шығатын кез келді!

Теңіз дыбысы естіледі, экранда кеме толқындарда жүзеді.

Кеме бірінші аралға келеді.Тақтада карта және бірінші арал ілінген.

1 арал - «Мақалдар аралы»

Тапсырма: Балаларға мектептің,кеменің және теңіздің суреттері беріледі. Осы суреттерге дыбыстық талдау жасалады, және осы сөздерден мақал құрайды.

«Мектеп – кеме, білім – теңіз»

(Балалар тапсырманы орындайды)

Теңіз дыбысы. Кеме толқындармен жүзіп келеді.

2 арал - «Сиқырлы кемелер»(Тақтада карта және екінші арал ілінген)

Тәрбиеші: Қараңдаршы,мында сиқырлы кемелер бар екен, бірақ оларда желкендер жоқ, тек 7, 8, 9 сандары бейнеленген жалаушалар желбірейді.Сендерге жауаптары 7,8,9 болатын есептер құрастырып, сиқырлы кемелердің желкендерін көтеру керек.

Тапсырма: Есептер жасырынған карточкалармен жұмыс.

Мысалдар: *+*= 7, *-*=8, *+*=9 (бос орындарға тиісті сандарды қою)

9*8, 8*7, 7*9 (>,<,=) белгілерін қою

Жарайсыңдар!Бұл сынақтан да сүрінбей өттіңдер. Сендер бірінші сынақтан жақсы өттіңдер, мен сендерге аздап демалып, жолға шығуды ұсынамын. (сергіту сәті)

Енді саяхатымызды жалғастырайық.

Теңіз дыбысы. Кеме толқындармен жүзіп келеді.

3 арал - «Синквейн аралы»(Тақтада карта және үшінші арал орналасқан)

Тәрбиеші: - Мен бір арал көріп тұрмын. Қараңдар,бізге қандай тапсырманы орындау керек!

Тапсырма: «КЕМЕ» сөзіне сөйлем құрау

1.__________. 1 зат есім (Кеме)

2.__________ __________. 2 сын есім (үлкен,әдемі)

3.__________ __________ __________.3 етістік (жүзеді,батады,тасиды)

4.__________ __________ __________ __________. 4 сөзден тұратын сөйлем (Үлкен кеме суда жүзеді)

5.________________синоним (қайық)

Теңіз дыбысы. Кеме толқындармен жүзіп келеді.

4 арал - «Қазына аралы»

(Тақтада карта бар. 4 арал.)

-Біз керек жерімізге жақындап қалдық. Алдымыздағы аралдан біз қазына сандығын табамыз.Бірақ арал соншалықты үлкен, сандық жасырылған жерді қалай табуға болады?

(«Кариб теңізінің қарақшылары» атты фильмінің музыкасы естіледі, пират Билл кіреді

Ол балалармен амандасады, оларды мақтайды және капитанды тапсырманы орындауға шақырады.)

-Қазына салынған сандықты табу үшін,мына белгіленген жерге тұру керек.

Енді тура алға 5 қадам жаса.

Солға бұрыл.

Тура 4 қадам жаса.

Оңға бұрыл.

Тура 2 қадам жаса. ІЗДЕ!

Міне, біз қарақшылардың қазынасын таптық.Қараңдар,сандықтың аузында құлып тұр,ал мына жерде көп кілт бар екен, бұл құлыптың кілті қайсы екенін қалай білуге болады ?(балалрдың назарын жатқан блогтарға аудартады)

Тапсырма: «Құлыпты аш»

Сыйақы ретінде әрқайсыларың алтын тиыннан алыңдар. Ал қалғанын Билге қалдырамыз, естеріңде болса, біз бәрін бірдей бөлуге келіскен едік.

Қорытынды бөлім:

Тәрбиеші: Ал біздің балабақшаға баратын кезіміз келді. (кемеге отырады)

Көздеріңді жұмыңдар, 10-нан 1-ге дейін санап, балабақшаға жетейік(кері санау)

Сонымен біздің саяхатымыз аяқталды. Сендерге ұнады ма? Сендер үшін ең қиыны не болды? Қандай тапсырма оңай болды?

Адрес публикации: https://www.prodlenka.org/metodicheskie-razrabotki/473531-dajyndy-tobyny-balalaryna-arnalan-flint-a