Фигыльнең зат-сан белән төрләнүе

Туган ( татар ) тел дәресе 3 нче сыйныф

Тема:Фигыльләрнең зат-сан белән төрләнеше.Контроль күчереп язу.

Максатлар:

1.Белем бирү максаты-Укучыларның фигыль темасы буенча алдагы дәресләрдә өйрәнгән белемнәрен тикшерү,

2. Фикер сәләтен үстерү максаты - Укучыларның логик фикерләү сәләтен, мөстәкыйльлекләрен, иҗади активлыкларын һәм танып-белүләрен үстерүгә ярдәм итү.

3. Тәрбияви максат -  аралашу һәм коллективта хезмәттәшлек итү күнекмәләрен формалаштыру.

ТБУУГ: үзенә кирәкле информацияне таба белү; анализлый һәм информацияне бәяли белү.

ШУУГ:үз эшчәнлегеңнең нәтиҗәләрен яхшыртуга ихтыяҗ булдыру.

РУУГ:дәрестә үз эшчәнлегеңне контрольдә тоту

КУУГ:фикерләү сәләтен үстерү.

Җиһазлау. –контроль күчереп язу тексты язылган карточкалар

                  -кластер төзү өчен чиста А4 битләре

. - компьютер, проектор, экран.

Дәрес барышы

I.Оештыру өлеше. Мотивлаштыру

Исәнмесез, балалар, кәефләрегез ничек? Кәефләрегезнең яхшы булуын теләп, дәресебезне башлыйбыз.

II.Белемнәрне актуальләштерү

-Хикәя фигыль темасы буенча нәрсәләр беләбез? (Төркемнәрдә эш- кластер төзү)

III.Дәреснең темасын,максатын билгеләү.

-Димәк бүгенге дәресебез фигыль сүз төркеменә багышлана. “Кыр казы” дигән текстны күчереп язабыз,текстта булган хикәя фигыльлләрнең зат-санын билгелибез.Әйтегез әле, безнең алдыбызда нинди максат тора? (Җавапларны тыңлау)

-дөрес итеп утыру;

- текстны чиста, матур, дөрес итеп күчереп язу;

-хикәя фигыльләрнең зат-санын билгеләү.

IV.Контроль күчереп язуга әзерлек.

Дәфтәрләргә число языла.

(Алдан әзерләнгән картокалар өләшенә)

Текст белән танышу.

Сүзлек эше: Аккүл

Сыңар

Кыр казы.

Беркөнне мин Аккүлгә киттем. Тын гына яткан көзге кебек күл өстенә, кояш нуры төшү сәбәпле, ялтырап торган юл салынган. Күлнең бер як читендәрәк кыр казлары әрле-бирле йөриләр.

Камышларны ике якка аерып, суга кердем. Анда, сыңар канаты белән талпынып, бер кыр казы очарга маташа. Мин аны өйгә алып кайттым. Кыр казын шунда ук йорт кошлары өчен ясалган ояга яптым. Кадерле кунагымның алдына су белән икмәк куйдым.

Бирем: текстта булган хикәя фигыльләрнең зат-санын билгеләргә.

V. Балаларның мөстәкыйль эше. Контроль күчереп язу. Биремне эшләү.

VI.Эшләрне тапшыру.

VII.Биремне тикшерү:

Киттем-1 зат,берлек сан

Салынган-3 зат, берлек сан

Йөриләр- 3 зат, күплек сан

Кердем- 1 зат, берлек сан

Маташа- 3 зат, берлек сан

Алып кайттым- 1 зат,берлек сан

Яптым- 1 зат, берлек сан

Куйдым- 1 зат, берлек сан

VIII. Рефлексия.

-Куйган максатларга ирештекме? Кайсы бирем сездә авырлык тудырды? Үзегезнең эшчәнлегегезне ничек бәялисез? ( Туры килгән смайлик күрсәтәләр)

Мин барысын да аңладым, дөрес эшләдем

Минем хаталарым булды, миңа тагын да игътибарлырак

булырга кирәк

IX. Дәрескә йомгак.

Шушының белән дәресебез тәмам. Рәхмәт!

Төзеде: Һадиуллина Г.А.

Сарман муниципаль районы

МБГББУ “ Сарман гимназиясе”нең

башлангыч сыйныфлар укытучысы

Адрес публикации: https://www.prodlenka.org/metodicheskie-razrabotki/477108-figylne-zat-san-beln-trlne