Исәнме, Кыш

« Гөлназ» 49 нчы балаларның танып-белү-сөйләм үсешен өстенлекле

гамәлгә ашыручы гомумүстерешле балалар бакчасы»

муниципаль бюджет мәктәпкәчә белем бирү учреждениесе

“Исәнме, Кыш!”.

(1 нче кечкенәләр төркемендә әвәләү шөгыле конспекты)

Төзеде: тәрбияче

Миннебаева Рамзия Раусовна

Максат.

1.Балаларның кыш турында алган белемнәрен ныгыту; 2.Карның сыйфатларын өйрәнү.

Бурычлар.

1. Балаларның кышкы киемнәр турында белемнәрен системалаштыру. 2.Чананың кулланылышын аңлату. 3.Үз-үзеңә хезмәт күрсәтү күнекмәләрен формалаштыру. 4. Әвәләү ысулларын камилләштерү. 5. Балаларда күзәтүчәнлек,игътибарлылык сыйфатлары тәрбияләү. 6.Табигать күренешләренә соклана белү хисе уяту.

Сүзлек өстендә эш: чана, выжлап, бөртекләре.

Җиһазлау: уенчык чана, җылы киемле курчак, тау күренеше, кар бөртекләре, пластилин, салфетка, зәңгәр төстәге картон.

Эшчәнлек барышы:

Балалар төркемгә керәләр, кунаклар белән исәнләшәләр: -Исәнмесез, кунаклар! Исәнме , син якты көн! Исән булыйк барыбыз: Ул да, мин дә, һәм дә син!

Тәрбияче:- Балалар,әйдәгез урыннарга утырабыз һәм эшчәнлекне башлыйбыз, ә моның өчен: - Күзләребез елмайсын, Колаклар да тыңласын, Авызлар сөйләсен, Аяклар дуслашсын, Кулларыбыз эшләсен! Тәрбияче:- Карагыз әле, балалар, бу нәрсә? Балалар:- Чана! Тәрбияче:-Ә чана нәрсә өчен кирәк? Балалар:-Таудан шуар өчен. Тәрбияче:- Ә без кайчан таудан шуабыз соң? Балалар:- Кыш көне. Тәрбияче:- Әйе бик дөрес, карагыз әле, ә чананы кем калдырган икән соң? /Кышкы кием кигән курчак керә./ Курчак: - Исәнмесез,балалар! Минем исемем – Алсу! Тәрбияче: - Исәнме, Алсу! Балалар, карагыз әле Алсу ничек җылы киенгән. Алсу башына нәрсә кигән?(Башлык) Ә өстенә нәрсә кигән? (пәлтә) Ә аягына нәрсә кигән?( җылы итек) Балалар, ни өчен ул шулай киенгән икән? Балалар:-Урамга чыгасы килгән. Курчак:-Әйе, минем урамга чыгасым, тауда шуасым килә. Тәрбияче:- Балалар, Алсу белән урамга чыгабызмы? Балалар:- Әйе! Тәрбияче:-Ә аның өчен безгә нишләргә кирәк? - Әйе, җылы итеп киенергә. Әйдәгез, җылы итеп киенәбез. (Балалар киенәләр – имитация) Тәрбияче: - Әйдәгез киттек, менә килеп тә җиттек тауга. ( Алсуны чанага утыртып таудан шудырабыз) - Алсу утырды җайлап, Чана китте выжлап! Тәрбияче:-Хәзер Алсу утырып ял итсен. Балалар, әйдәгез күрсәтегез әле, сез ничек таудан шуасыз? (Балалар “выж-выж” авазлары чыгарып, кул хәрәкәтләре белән “шуып” күрсәтәләр) Тәрбияче:- Балалар, карагыз әле тауга, ул нинди? (ак, карлы ) – Карагыз әле кар бөртекләре ничек күп монда! Әйдәгез уйнап алабыз, кар бөртекләрен уч төбенә куябыз да өрәбез, менә шулай. / сулыш алуга күнегүләр / - Кар бөртекләре нинди, балалар?( ак, җиңел, матур, бизәкле...) - Ошадымы сезгә кар бөртекләре? Балалар:- Әйе! Тәрбияче: - Балалар, әйдәгез Алсуга кар бөртеге әвәләп бүләк итәбез. Әйдәгез өстәл артларына утырабыз. Кар бөртеге ясау өчен безгә таякчыклар әвәләргә кирәк, әйдәгез искә төшерик әле. ( Иң элек уч төбендә таякчык әвәләү ысулын күрсәтү, аннан ак пластилиннан таякчыклар әвәләү, алдан әзерләп куелган зәңгәр картон янына килеп балалар берничә таякчыкны беркетеп күмәк эш эшлиләр, кар бөртеге ясыйлар) Тәрбияче:-Карагыз әле нинди матур кар бөртеге килеп чыкты! Күрегез, Алсу ничек сөенә! Әйдәгез уйнап алабыз! (“Кар бөртекләре ничек оча, кар бөртекләре ничек әйләнә?” – балалар көйгә хәрәкәтләр ясыйлар) Тәрбияче:- Карагыз әле , күпме кар яуган монда!Әйдәгез тирән кардан йөрик әле. Менә шулай, менә шулай! (Балалар “тирән кардан” йөргән хәрәкәтләр ясыйлар) - Балалар карагыз әле, Алсу безгә нәрсәдер әйтә. Балалар, Алсу арыган, туңган, аның өйгә кайтасы килгән. Курчак: - Сау булыгыз, балалар, рәхмәт сезгә! Балалар: - Сау бул, Алсу! Тәрбияче: -Балалар, сезгә Алсу ошадымы? Балалар: - Әйе ! Тәрбияче:-Сез дә Алсуга ошадыгыз. Сез миңа да бик ошадыгыз, рәхмәт сезгә. Балалар, безбик озак саф һавада булдык, хәзер төркемгә кайтыйк инде, әйдәгез.

Кулланылган әдәбият:

1. Ф.В.Хәзрәтова. “Туган телдә сөйләшәбез”, Казан, 2013 ел.

2. К.В.Закирова.“Әй уйныйбыз, уйныйбыз...”.Казан, 2013 ел. 3. К.В.Закирова.“Балалар бакчасында әдәп-әхлак тәрбиясе”.

Казан, 2013 ел.

4. Э.В.Тарасова ”365 игр для дошколят”, г. Набережные Челны, 2011г.

5. А.В.Кенеман”Детские подвижные игры ”, г.Москва, 1989г. 6. Авторская программа ДОУ №49 “Гульназ”. ”Воспитанный ребенок ”, Набережные Челны, 2009г. 7. М.Ф.Кашапова.” Дидактические игры для самых маленьких детей ”, г.Казань, 2011г.

8. З.Ш.Зарипова. ”Бал бабай”, г. Набережные Челны, 2002г. 9. С.Ахматов. “Мы играем и поем “, г. Набережные Челны, 1991г.

Адрес публикации: https://www.prodlenka.org/metodicheskie-razrabotki/508411-isnme-kysh