Разработка урока чеченского языка в 5 классе на тему «Ц1ердош. Ц1ердешнийн дожарш»

План-разработка урока чеченского языка в 5классе

1аматан авторш:Овхадов М. Р., Махмаев Ж. М., Абдулкадырова Р. А.

Урокан чулацам: «Ц1ердош.Ц1ердешнийн дожарш»

Урокан 1алашонаш:

Дешаран:

-ц1ердешнийн дожарех долу хаарш т1едузар;

-ц1ердешнийн дожарийн чаккхенаш йовзитар.

Кхиоран:  Ц1ердешнийн дожарех пайдаэца хаарш кхиор

Кхетош-кхиоран: Халкъан барта кхолларалле йолу марзо кхиор.

 Дешархочун 1алашо:  (х1ун хуур ду, стенна 1емар ву урокехь)

-дожарийн ц1ераш карла йохар ю;

-церан маь1на, рог1алла, хаттарш хаьар ду;

-нийсаязъяран бакъонаш хаьа;

-Халкъан барта кхолларалле йолу марзо хаьа.

Хьехархочун 1алашо (урхаллин кепехь: вовшахтохар, 1амор, кхета г1о дар) 

Керла кхетамаш:Хьархо, бухка.

Урокан г1ирс: презентаци, 1аматаш,сарташ,тептарш.

Урокан яхар

1. Вовшахтохаран мур.

Хьехархо: Де дика хуьлда шун, дешархой. Кийча дуй шу урокан?

Нохчийн меттан 1амат юй? Тептар? Ручка, къолам?

2. Хаарийн актуализаци:

1) Ц1ера болх толу

Хьехархо: (Слайд 1)  Бераш, тахана вай шуьца х1ун 1амор ду. Х1окха байте ладог1ий, ойлае.

Мила ву? ХIун ю? – леговала.

Хьенан, стенан сурт ду, ала.

Хьанна, стенна ду вай реза?

Хьан, стен вайна гIо дан деза?

Хьаьнца, стенца меттиг хуьйцу?

Хьанах, стенах лаьцна дуьйцу?

Хьаьнга, стенга хьовсур ду?

Хьанал, стенал гIоле ду?

Бераш: Тахана вай дожарш 1амор ду.

Хьехархо: (Слайд 2)  Нийса бах. Ц1ердешнийн дожарех лаьцна дуьйцуш, д1ахьур ю вай х1ара урок.

Дожарш шуна хьалхарчу классашкахь дуьйна девзаш ду. Цкъа юьхьанца уьш карла а даьхна, кхид1а царах болу  кхетам шорбийр бу вай.  

3. Керланиг довзар.

Хьехархо: (Слайд 3) Х1ун ю ц1ердош?

-Муха хийцало ц1ердешнаш? (классашца,терахьашца,дожаршца а,)

-Маса класс ю? ( 6 класс ю)

-Маса терахь ду? (2 терахь ду)

Маса дожар ду нохчийн маттахь?

Бераш: Нохчийн маттахь барх1 дожар ду.

Хьехархо: (Слайд 4) Вайна ма-хаьара, церан шен хаттарш ду.

1. Ц1ерниг  дожар       мила? муьлш? х1ун?

2. Доланиг  дожар       хьенан? стенан?

3. Лург   дожар           хьанна? стенна?

4. Дийриг дожар          хьан? стен?

5. Коьчалниг дожар     хьаьнца? стенца?

6. Хотталург дожар   хьанах? стенах?

7. Меттигниг дожар   хьаьнга? стенга?

8. Дустург  дожар      хьанал? стенал?

Хьехархо: (Слайд 5) Дожарш шина тайпана хуьлу: нийса а, лач а.

Ц1ерниг дожарх нийса дожар олу, х1унда аьлча иза шен юьхьанцарчу кепехь хуьлу, цуьнан хаттарш ду:  мила? муьлш? х1ун?.

Ц1ерниг доцчу, вукху дожарех  лач дожарш олу, уьш ворх1 ду:

Адрес публикации: https://www.prodlenka.org/metodicheskie-razrabotki/515849-razrabotka-uroka-chechenskogo-jazyka-v-5-klas