Коста Хетагуров

Сценарий мероприятия посвященного Коста Хетагурову

Сценӕйы фӕлыст.

Залы хъуысы ирон музыкӕ. Астӕуӕй Къостайы портрет, йӕ разы дидинджытӕ, сойын цырӕгътӕ.

Мӕ аргъуан –зӕхх,

Мӕ дзуар у уарзондзинад,

У дун-дуне Фыдыбӕстӕ мӕнӕн!

Архайджытӕ сойын цырӕгътимӕ рацыдысты сценӕмӕ. Сӕ цырӕгътӕ портреты раз ӕрӕвӕрдтой. Сывӕллӕллӕттӕ лӕууынц Къостайы портреты раз.(ирон разгӕмтты).

Лера 10-ӕм кълас ӕмдзӕвгӕ «Къостайӕн»

1-аг амонӕг.

Сыгъзӕгрин фест, бӕркадхӕссӕг фӕззӕг,

Ӕз дӕу ӕппындӕр ницӕимӕ барын..

Ды Ирӕн радтай зӕды хуызӕн лӕг-

Нӕртон хъӕбул –ирон гении-Къостайы!

2-аг амонӕг

О, цитъитӕ –йӕ урс гауыз нӕ хурӕн:

Йӕ тынтӕ йыл саумӕрайсомӕй кафынц.

Ирыстонӕн йӕ уарзондӕр хъӕбулӕн

Йӕ гуырӕн бон сӕ зӕрин тынтӕ уафынц.

1-аг амонӕг

Уӕ бон хорз! Абон мах бӕрӕг кӕнӕм ирон аив литературӕ ӕмӕ литературон ӕвзагӕн бындур чи сӕвӕрдта, хӕххон мӕгуынр фӕллойгӕнӕг адӕмы сӕрвӕлтау сау айнӕджы рындзыл мыдадзы цырагъау чи басыгъд, уыцы сӕрибаруарзаг Къостайы райгуырӕн бон.

2-аг амонӕг. Мады рӕвдыд, мады фӕлмӕн ныхас… Чи сӕ кӕд бафсӕст? Чи сӕ ферох кодта йӕ амӕлӕты бонмӕ? Фӕлӕ йӕ мады иу хатт дӕр чи нӕ федта, мад иу хатт дӕр авдӕны кӕй нӕ ауызта, уыдон та? Ӕвӕццӕгӕн, уыдоны зӕрдӕты баззайынц, цӕргӕ –цӕрӕнбонты чи нӕ байгас вӕййы, ахӕм хъӕдгӕмттӕ. Уыдонӕй уыд Къоста дӕр.

Хъуысы цагъд. Чызджытӕ цырӕгътимӕ ацыдысты.

Чендзе рацыди, йӕ къухы сывӕллон.

Ныкъӕдзтӕ мӕ бӕллицты адаг,

Фыдыусы ном мыл куы сбада,

Куыд тарстӕн ӕз уымӕй кӕддӕр.

Фӕлӕ мын Леуаны сывӕллон

Ӕрхаста мӕхи фырты ад.

Ӕнӕ мӕн уый –сидзӕр сыд бӕлон,

Мӕнимӕ –лӕджы бындзӕфхад.

Ӕнустӕм ӕй дардзынӕн мастӕн,

Ӕлгъыстаг фӕуыдзан мӕ цард,-

Къостайӕ куы не скӕнон райсом

Ирыстонӕн кард ӕмӕ уард.

1-аг амонӕг.

Чендзе равдыста стыр хъару ӕмӕ ныфс, ӕнахъом сабийы йӕхимӕ куы райста, уӕд. Йӕхи сывӕллонау барӕвдыдта сидзӕр сабийы. Ирон адӕмы астӕу йӕ ном кадджынӕй цӕры абон дӕр.

Цагъд.

Рацыд Къоста.

А дунемӕ фӕззӕджы фӕзындтӕн,

А зӕххыл цыппор азы фӕзылдтӕн,

Чи батавта, хуры тынау, мӕн?

Загътон, зӕгъгӕ, Ир уыдзӕн мӕ цӕрӕн,

О, фӕлӕ та асайдтон мӕхи.

Нал иу уыдтӕн мӕстытӕй мӕ сӕрӕн ,

Ехх, хъысмӕт, фӕлдурӕдджын дӕ, хин..

Чи цӕудзӕн мӕ къахы фӕдтыл дар дӕр?

Чи хӕсдзӕн поэты ном бӕрзонд?

Ӕз кӕддӕриддӕр Иры рисӕй цардтӕн,

Ӕз уыдтӕн мӕ Рухс Ирӕн нывонд.

Фӕлӕ йын нӕ банкъардтон йӕ рӕдыд,

Сатӕг уӕлдӕф разынди ӕнуд.

Мӕн уӕддӕр йӕ хъӕбысмӕ ӕрфӕндыд,

Уарзтӕнхъӕлӕй батади мӕ уд…

А дунемӕ иугӕр кӕд фӕзындтӕн,

Уӕд хуыцау цӕмӕн бафхӕрдта мӕн?

Ӕз йӕ фӕстӕ амондӕн фӕзындтӕн,

Уый та мӕм нӕ бахудти фӕлмӕн…

Леуан рацыд ӕфсӕддон дарӕсы. Къоста сыстад, бацыд йӕ цурмӕ.

Хъуыбады

Мӕ сидзӕр хъӕбул, ме стыр ныфс, мӕ фидӕн.

Дӕ хъысмӕтыл ӕрсагъӕс кӕн чысыл.

Ӕдӕр фӕндаг куы равзарис дахицӕн .

Уӕд атулид дӕ царды цалх нывыл.

Нӕ тугцъиримӕ иу ӕвзаг ыссар;

Кӕйдӕр фыдӕнӕн семӕ скӕ ӕмдзӕхдон,

Сӕ зарӕг сын сӕ уӕрдӕтты ныззар!

Мӕ цӕсты рухс, мӕ царды ныфс, мӕ фидӕн,

Дӕ хъысмтыл ӕрсагъӕс кӕ бӕстон.

Куы равзарис ӕндӕр фӕндаг дӕхицӕн.

Уӕд царды дӕр фылдӕр уаид дӕ бон.

Къоста дзуры.

Мӕ хъысмӕт ыл ӕнусмӕ баст фӕуӕд!

Кӕд адӕмы знаг не стыр хох Хъӕриу у,

Дӕндагӕй дӕр ӕй бахсындзынӕн уӕд.

Ӕз не знӕгтимӕ хсаргардӕй нӕ хъазын,

Сӕ джебохтӕй тыхджындӕр у мӕ сис.

Куы нал хъусон-сидзӕрты дзыназын,

Мӕ зӕрдӕйы уӕд батайдзан йӕ рис.

Куы рацӕуа мӕ Ирыстоныл хур-зӕй,

Куы фесӕфой хӕрамдзинад , тыхми.

Йӕ цӕсты бынтӕ мад куы хӕсса хусӕй,

Уӕд амондджын лӕг хондзынӕн мӕхи.

2-аг амонӕг

Къостайы зӕрдӕ рыст йе фхӕрд адӕмыл, йӕ уарзон Ирыстоныл. Йӕ мӕт, йӕ сагъӕс уыд ӕрмӕст йӕ адӕмы фидӕн.

Ӕмдзӕвгӕ Додой - Стас (8 кълас)

2-аг архайӕг. Алывӕрсыг у Къостайы поэтикон сфӕлдыстад: ӕмдзӕвгӕтӕ, поэмӕтӕ, радзырдтӕ, ӕмбисӕндтӕ, таурӕгътӕ, пьесӕтӕ, зарджытӕ. Фӕлӕ йе сфӕлдыстады уӕлдай зӕрдӕмӕ хъаргӕ у, йӕхӕдӕг цы жанр сарӕзтӕ «зӕрдӕйы сагъӕстӕ», зӕгъгӕ, уый. Уыцы жанры бындурыл фыст у йӕ сӕйраг чиныг «Ирон фӕндыр». «Ирон фӕндыр» мыхуыры рацыд 1899 азы.

1-аг амонӕг. Адӕм хорз зыдтой Къостайы ӕмдзӕвгӕтӕ, кӕсынӕй сӕ не фсӕстысты, къухфыстытӕй сӕ лӕвӕрдтой кӕрӕдзимӕ. Арӕзтой сӕ зарджытӕ. Зарӕг «А-лол-ай»

Таучелаты С. 7 –ӕм кълас.

2-аг амонӕг. Йӕ уд чи суӕлдай кодта мӕгуыр адӕмы сӕрибардзинадӕн, уымӕн нӕй мӕлӕт, зӕгъгӕ, фӕзӕгъынц. Уымӕн вӕййы ӕрмӕстдӕр райгуырӕн бон. Ахӕм кадджын бон ссис Къостайы райгуырӕн бон -15 октябрь.

Калоты Каринӕ ӕмдзӕӕвгӕ «Къостайӕн»

Бǽргǽ куы уаид уый ныртǽккǽ

Нǽ цуры саурихи Къоста

Куыд цин кǽниккой уǽд ирǽттǽ

Куыд дǽсны, рǽстытǽ фыста.

Къоста Ирыстонǽн йǽ зǽрдǽ

Къоста Ирыстонǽн йǽ кад

Ǽмǽ ма мин-мин азты фǽстǽ

Кǽндзǽн фыссǽг нǽ Ирǽн кад,

Цǽудзысты азтǽ,рǽстǽг ивдзǽн

Хъызт зымǽг фǽззǽджы фǽстǽ,

Фǽлǽ нǽ рох кǽндзǽн Ирыстон

Ирон фǽндыры буц зǽлтǽ,

Нǽ аивдзǽн уǽддǽр Хъуыбады

Йǽ хъисын фǽндыры зǽлтǽ,

Нǽ Иры фǽсивǽд нымад у,

Къоста - Ирыстоны зǽрдǽ!

Хетǽгкаты.Зарема

__________-

Автор:

Станислав Кадзаев

Перевод:

Виктор Куллэ

• Оригинал

• Литературный перевод

Къостайы номыл

Къостайы номыл ис уынгтæ,
Ис хъæу, университет,
Ис парк, театр, нау.
Сæйрагдæр та —
Къостайы номыл ис
ЗÆРДÆТÆ,
Рæстдзинадæн — сæ цавд!

СÆРД

Хур судзы… Уырыдзы
Хæрынæн бæззы…
Чи хъæдæй рæгъæдæй
Сырх мæнæргъ хæссы,

Чи халсарæй кæмтты
Æргъæмттæ бæтгы…
Хуыскъæлæй, æхсæрæй
Кæм цæуынц рæтты!

Цæвæгæй, мæхъитæй,
Æхсырфæй цæттæ,
Хорз байрай, мæ бæстон,
Кæмдæриддæр дæ!

УАСÆГ

О, уасæг, уасæг,
Сызгъæрин къоппа!
О, уасæг, уасæг,
Сырхзæлдаг боцъо!

Куыд раджы фестыс,
Куыд хъæрæй зарыс?
Нæ буц лæппуйы
Хуыссын нæ уадзыс!

Адрес публикации: https://www.prodlenka.org/metodicheskie-razrabotki/602061-kosta-hetagurov