Песня - душа народа!

"Песня – душа народа!”

ВЯДУЧАЯ: Добры дзень, дарагія сябры! Як прыемна нам бачыць вас сёння ў гэтай зале.

Сёння мы сабраліся тут, каб праспяваць разам нашы беларускія песні.

Наш сённяшні канцэрт будзе асаблівы – напоўнены цеплынёй, усмешкамі і, вядома ж, найлепшымі беларускімі песнямі! Мы падрыхтавалі для вас сапраўдны музычны падарунак.І пачынаем наш канцэрт з песні, якая заўсёды сагравае сэрца. Песні пра нашу родную зямлю, пра яе прыгажосць і пра тых, хто яе любіць.І пачнем мы нашае падарожжа па свеце беларускай песні з мелодыі, якая вяртае нас у родныя мясціны, туды, дзе заўседы спакойна і добра. Сустракайце, ансамбль Мятліцаз іх чароўнай песняй"Весачка"!
ВЯДУЧАЯ: Ох, як прыгожа! Адразу ўспамінаецца родная вёска, ціхая рака, і як добра было ўсё гэта! А цяпер дарагія

сябры, прызнайцеся, хто з вас не любіць бульбу? Вось і я кажу! Бо што можа быць больш беларускім, чым наша залатая бульбачка? Гэта не проста ежа, гэта цэлая гісторыя, гэта наша спадчына! Без яе і абед не абед і свята не свята.Таму наступная песня будзе пра нашу бульбачку. Рыхтуйцеся падпяваць і, магчыма, нават адчуць водар свежасмажанай бульбы.

Песня “Бульба”

ВЯДУЧАЯ: Вось гэта так! Адразу захочацца і бульбы пасмажыць, і ў танцы закруціцца, і адчуць гэты непаўторны смак роднага краю! А ці ведаеце вы, сябры, што наша мова – гэта сапраўдны скарб? Яна такая ж прыгожая і мілагучная, як і нашы песні. Яна наш голас, наша памяць, якая перадаецца з пакалення ў пакаленне. І каб мы ніколі не забывалі пра яе багацце, пра яе прыгажосць, пра яе жыццёвую сілу, мы прысвячаем наступную песню нашай роднай беларускай мове!Няхай яна гучыць у кожным сэрцы, як самая мілая калыханка. Сустракайце песню"Гаворка беларуская".

ВЯДУЧАЯ: Як прыемна чуць родныя словы, праўда?Яны нібы бальзам для душы, напаўняюць яе спакоем і гонарам

Але ж наша жыццё – гэта такі цікавы кругазварот падзей. Кожны дзень прыносіць нешта новае, а часам здаецца, што ўсё паўтараецца зноў і зноў. А цяпер, паважаныя нашы госці, мы хочам звярнуцца да вас. А так як у нашай зале прысутнічае больш жанчын, у мяне к вам пытанне - давайце падумаем, хто ж дапамагае нам у жыцці, хто падтрымлівае нас у хаце, хто заўсёды побач? Вядома ж, нашы любімыя мужчыны! І не проста мужчыны, а сапраўдныя памочнікі! Таму наступная песня – пра іх, пра нашых залатых мужанькоў.песня "Мужанек памочник"

ВЯДУЧАЯ: Вось так! Аж сэрца радавалася, слухаючы!

Кожная песня – гэта маленькая гісторыя. Наступная песня – жыве у сэрцах многіх пакаленняў беларусаў. Яна перадаецца з вуснаў у вусны, з пакалення ў пакаленне, захоўваючы у сабе дух часу і вечныя каштоўнасці.

Яна пра простыя, але такія важныя рэчы: пра жыццё, сустрэчы і вядома ж каханне, якое рухае светам. Сустракайце песню, якая нікога не пакіне абыякавым - "Ехаў Ясь на кані".

ВЯДУЧАЯ: Ох, і спрытны ж наш Ясь! Ён, відаць, ведаў, што шлях да сэрца каханай ляжыць праз шчырыя пачуцці і рамантыку. І менавіта пра такія пачуцці, пра першае каханне, пра мары і надзеі раскажа нам наступная песня. Гэта песня, раскажа нам пра дзяўчыну, якая гуляла ў садзе, кветкі збірала і кагосьці вельмі моцна кахала... І гэтая песня – "У садзе гуляла" Няхай яна

напоўніць вашыя сэрцы пяшчотай і светлымі ўспамінамі.

ВЯДУЧАЯ: Як прыемна было пабываць у гэтым цудоўным садзе! А цяпер, калі мы ўжо так добра разагрэліся, час і павесяліцца ад душы!Бо пасля лірычных мелодый заўседы хочацца дадаць трошкі іскры і весялосці! Бо што такое беларускі вечар без прыпевак? Гэта ж як вяселле без музыкі! Прыпеўкі – гэта наш народны твітэр, дзе ў некалькіх радках змяшчаецца цэлая гісторыя, жарт, мудрасць. Яны душа нашага свята, і добрага настрою. Таму давайце разам праспяваем нашыя вясёлыя Прыпеўкі! Не саромейцеся падпяваць, пляскаць у далоні і нават прытанцоўвываць.
ВЯДУЧАЯ: Ну што, сябры, як вам нашы прыпеўкі? Аж ногі самі ў скокі просяцца! Вось гэта я разумею – сапраўдная беларуская энергія!

Кожная сустрэча, як і кожная песня, мае свой пачатак і свой канец. Але канец – гэта

заўседы праддчуванне новых сучстрэч, новых ўражанняў. І каб наша развітанне было не проста развітаннем, а добрым пажаданнем, мы прапануем вам паслухаць песню, якая стала сімвалам гасціннасці і шчырасці.

Песню, якая нагадвае пра тое, што жыццё – гэта падарожжа, і кожны крок важны, а кожная сустрэча – каштоўны падарунак.

Гэта песня, якая сагравае душу і дадае сіл перад новымі здзяйсненнямі.

Сустракайце - "Чарка на пасашок"

ВЯДУЧАЯ: Дзякуй вам, дарагія выканаўцы, за цудоўныя песні! Дзякуй вам, дарагая гледачы, за вашу шчырасць. Вы напоўнілі гэтую залу сваёй энэргіяй, сваімі усмешкамі і сваёй любоўю да беларускай культуры. Наш канцэрт падыходзіць да свайго лагічнага завяршэння. Але хай гэта будзе не канец, а толькі перапынак перад новымі сустрэчамі. І на развітанне, ад усяго сэрца, мы хочам пажадаць вам усяго найлепшага!

Няхай у вашых дамах заўсёды пануе мір і згода, няхай вашы сэрцы будуць

напоўнены любоўю і цеплынёй, а вашы вусны – усмешкамі і радаснымі словамі. І каб нашае пажаданне гучала найлепш, каб яно сышлося з вашымі самымі шчырымі думкамі, мы прапануем вам разам праспяваць песню, якая стане нашым агульным шчырым пажаданнем адзін аднаму. Няхай яна напоўніць вас сілай і аптымізмам. Сустракайце песню "Мы вам жадаем”

ВЯДУЧАЯ: Вось і падышоў да канца наш цудоўны канцэрт "Песня – душа народа!". Мы спадзяемся, што кожны з вас адчуў цеплыню роднай мовы, радасць ад сустрэчы з прыгожымі песнямі і шчырасць беларускай душы. Дзякуй усім за ўдзел, за вашыя ўсмешкі і за вашыя апладысменты і галоўнае, за вашу любоў да роднай песні, якая з’яўляецца сапраўдным скарбам нашага народа!Мы верым, што песня сапраўды з’яўляецца душой народа, і сення мы разам аддчулі гэтую душу ва ўсей яе прыгажосці і велічы. Да новых сустрэч, да новых песен, да новых шчаслівых момантаў разам!

Адрес публикации: https://www.prodlenka.org/metodicheskie-razrabotki/630276-pesnja--dusha-naroda