Уалдзг. Уалдзджы миниуджыт. Уалдзыгон куыстыт

Тема : «Уалдзæг.Уалдзæджы миниуджытæ.Уалдзыгон куыстытæ».

Нысан:

- сабиты дарддæр ахуыр кæнын уалдзᴂджы миниуджытыл дзурын.

мыртæ раст дзурыныл куыст:(- хъ -);

- сабиты дзырдуат хъæздыг кæнын ног дзырдтæй: цᴂхᴂрадон, халсарты мыггæгтæ, тымбыл хъæдур, ныссадзын;

Раст пайда кᴂнын иууон ᴂмᴂ бирᴂон нымᴂцᴂй.

- сабиты разæнгард кæнын цыбыр хъуыдыйæдтæ аразыныл,æмæ æхæст дзуаппытæ дᴂттыныл мнемотаблицᴂтᴂй пайда гᴂнгᴂйы руаджы .

- дарддᴂр архайын монологон ᴂмᴂ диалогон ныхасы рᴂзтыл кусыныл, ахуыр сᴂ кᴂнын цыбыр радзырдтᴂ аразыныл;

- сабиты разᴂнгард кᴂнын ᴂрдзы ивддзинᴂдтᴂ фиппайын ᴂмᴂ уыдонᴂн аргъ кᴂнын.

- Ныййарджыты разᴂнгард кᴂнын сᴂ сабитимᴂ иронау дзурыныл, рᴂвдауᴂндонимᴂ ᴂмархайд кᴂнын сабиты ирон ныхасы рᴂзтыл.

Дзырдуат: цᴂхᴂрадон, халсарты мыггᴂгтᴂ, хъᴂдур, ныссыдзын.

Цᴂстуынгᴂ ᴂрмᴂг:проектор, сюжетон нывтᴂ - «Уалдзᴂг», «Цᴂхᴂрадон», мнемотаблицᴂ «Уалдзᴂджы миниуджытᴂ», карточкᴂтᴂ халсарты нывтимᴂ.

Методтᴂ ᴂмᴂ приемтᴂ: сюрпризон момент - ныййарджыты рбахызт, рефлексия.

Дидактикон хъᴂзтытᴂ: «Иу, дыууᴂ, бирᴂ», «Лыггонд нывтᴂ»..

Дзыхᴂйдзургᴂ хъᴂзтытᴂ: «Цы зайы цᴂхᴂрадоны?»

Змᴂлгᴂ хъазт : Къᴂвда».

Ахуыры цыд.

Организацион момент.

Хъ.Сабитæ, мᴂнᴂ нᴂм цас диссаджы зынаргъ уазджытᴂ ᴂрбацыдис!. ᴁмᴂ ма сын салам зᴂгъᴂм.

С.Уᴂ райсом хорз!

Хъ.Кᴂрᴂдзийᴂн дᴂр салам радтᴂм.

Скᴂнᴂм тымбыл зылд.

Алчидᴂр салам дᴂтты номхуындᴂй йᴂ фарсмᴂ чи лᴂууы уымᴂн.

Дᴂ райсом хорз Алан,

Дᴂ райсом хорз София..

Хъ.Сабитᴂ,зᴂгъут ма мын «Цавᴂр афᴂдзы афонтᴂ зонут?»

С.Афᴂдзы афонтᴂ сты : «Зымᴂг, уалдзᴂг, сᴂрд, фᴂззᴂг».

Хъ. Цал сты афᴂдзы афнтᴂ?

С. Афᴂдзы афнтᴂ сты цыппар.

Хъ. Уᴂдᴂ ма ныр уе ргом проектормᴂ раздахут, ᴂмᴂ мын ᴂй зᴂгъут, цавᴂр афᴂдзы афон уынут нывы?

С. Нывы уынᴂм уалдзᴂг.

Хъ. Цалынмᴂ уалдзᴂджы миниуджытыл адзурᴂм, уᴂдмᴂ уал ахъазᴂм мыр –хъ- мᴂ.

Мырон зарядкᴂ.

Хъыбыл рафᴂйлыдта хуым

хъᴂдындзтᴂ дзы ссардта

Иу дзы нал ныууагъта уым

«Халсартᴂ» сты загъта.

Стᴂй йᴂ хъыллист ᴂссыд

«Нана», «Фᴂдис» «Хъусыс»?

Арт мᴂ гуыбыны ᴂссыгъд.

Хъ.Сабитᴂ, байхъусут- ма куыд рᴂсугъд ныффыста уалдзᴂджы тыххᴂй поэт Цᴂрукъаты Володя.

Сывᴂллᴂттᴂ ᴂрхъуыды кодтой ᴂмдзᴂвгᴂйы ныхᴂстᴂ.

Рифмовкᴂ.

С. Атадысты миттᴂ

Бахъᴂлдзᴂг ис бон.

Ихᴂй арᴂст хидтᴂ

Фестадысты дон.

Хусᴂртты фᴂзындис

Цъᴂх - цъᴂхид кᴂрдᴂг

Гᴂлᴂбу ᴂрзылди

Мᴂ алыварс цᴂрдᴂг.

Хъ.Сабитᴂ, ранымайᴂм - ма уалдзᴂджы миниуджытᴂ.

Картинки с приметами весны на проекторе.

Ивгъуыд ᴂрмᴂджы сфᴂлхатт кᴂнын.

С. Раллᴂууыди уалдзᴂг.Хур тавы. Мит атадис.

Хъ. Чи ма зᴂгъдзᴂнис уалдзᴂджы миниуджыты тыххᴂй?

С.Цъᴂх кᴂрдᴂг фᴂзындис.Фᴂзындысты фыццаг уалдзыгон дидинджытᴂ.

Хъ. Сабитᴂ, ранымайᴂм ма сᴂ.

Малусᴂг, къоппа дидинᴂг, къаппа – къоппа.

Хъ.Дарддᴂр дзурᴂм сабитᴂ уалдзᴂджы миниуджытыл.

Цы ма вᴂййы уалдзᴂджы?

С. Цъиутᴂ ᴂрбатахтысты хъарм бᴂстᴂйᴂ.

Хъ. Зᴂгъᴂм ма йᴂ сабитᴂ, кᴂцы цъиутᴂ ᴂрбатахтысты хъарм бᴂстᴂйᴂ?

С. Зᴂрватыччытᴂ, сауцъиутᴂ,хърихъуппытᴂ, дзывылдартᴂ.

Хъ. Тынг раст , сабитᴂ!

Уᴂдᴂ ма уалдзыгон мᴂйтᴂ дᴂр нᴂ зᴂрдыл ᴂрлᴂууын кᴂнᴂм.

Хъ. Ребята давайте вспомним весенние месяцы.

С. Март, Апрель, Май.

Хъ. Иронау дᴂр сᴂ зᴂгъᴂм.

С. Тᴂргᴂйтты мᴂй, Хуымгᴂнᴂны мᴂй, Зᴂрдᴂвᴂрᴂны мᴂй.

Ног ᴂрмᴂг.

Хъ. Сабитᴂ, ныр у хуымгᴂнᴂны мᴂй. Зонут ᴂй , афтᴂ цᴂмᴂ хуыйны уый?

Уымᴂн ᴂмᴂ хуымгᴂнᴂны мᴂйы райдауынц цᴂхᴂрадоны куыстытᴂ.

Сабитᴂ, фыццаг зᴂхх бацᴂттᴂ кᴂнынц. Сфᴁлмᴁн ᴂй кᴂнынц,стᴂй уый фᴂстᴂ ныссыдзынц алыхуызон халсарты мыггᴂгтᴂ.

Картина «Огород».

Хъ.Сабитᴂ, ракᴂсут нывмᴂ ᴂмᴂ нывмᴂ гᴂсгᴂ саразут хъуыдыйᴂдтᴂ.

Дзыхᴂйдзургᴂ хъазт:«Цы зайы цᴂхᴂрадоны?»

Цᴂхᴂрадоны зайы уырыдзытᴂ.

Цᴂхᴂрадоны зайы хъᴂдындзтᴂ.

Цᴂхᴂрадоны зайы джитритᴂ.

Цᴂхᴂрадоны зайы нартхор.

Цᴂхᴂрадоны зайы тымбыл хъᴂдур.

Цᴂхᴂрадоны зыйы булкъ.

Улᴂфты минуткᴂ «Къᴂвда».

Къᴂвда уары, уары уары

бᴂлас зайы, зайы зайы

Къᴂвда уары, уары уары

кᴂрдᴂг зайы, зайы зайы

халсартᴂ зайынц, зайынц, зайынц

нал ис къᴂвдайᴂн кᴂрон

цъиутᴂ цадᴂй нуазынц дон

Къᴂвда банцадис

Хур – та ракастис.

Уᴂдᴂ байхъусут. Цᴂмᴂй халсартᴂ ᴂрзайой, уый тыххᴂй нᴂ хъᴂуы фыццаджыдᴂр зᴂхх бацᴂттᴂ кᴂнын.ᴂмᴂ уый фᴂстᴂ байтауын алыхуызон халсарты мыггᴂгтᴂ.

Хъ. сывᴂллᴂттᴂ цᴂмᴂй халсартᴂ ᴂрзайой, уый тыххᴂй сᴂ сы хъᴂуы?

Сыв.Цᴂмᴂй халсартᴂ ᴂрзайой уый тыххᴂй сᴂ хъᴂуы хур, дон.

Хъ. Раст зᴂгъут сабитᴂ.

ᴁмᴂ нын хур та цы дᴂтты?

Сыв. Хур дᴂтты хъарм.

Дети хотите мы тоже посадим семена, и у нас в детском саду тоже будут расти овощи?

Хъ. Сывᴂллᴂттᴂ фᴂнды уᴂ сымах дᴂр ныссадзын халсартᴂ?

Нᴂ зᴂхх бᴂргᴂ бацᴂттᴂ кодтам, фᴂлᴂ нᴂм халсарты мыггᴂгтᴂ нᴂй.

Сюрпризон момент.

Дыуар ᴂрбахостᴂуыд.

Хъ.Сывᴂллᴂттᴂ чидᴂр нᴂм хойы.

ᴁрбахыстысты ныййарджытᴂ.

Уᴂ бон хорз сывᴂллᴂттᴂ!

Уᴂ бон хорз нᴂ уазджытᴂ!

Сывᴂллᴂттᴂ , фехъуыстам халсарты мыггᴂгтᴂ уᴂм кᴂй нᴂй уый, ᴂмᴂ уын ᴂрбахастам лᴂвᴂрᴂн алыхуызон халсарты мыггᴂгтᴂ.

Хъ. Стыр бузныг уын нᴂ зынаргъ ныййарджытᴂ,кᴂй нᴂм фᴂуазᴂг ᴂстут уый тыххᴂй. ᴂнᴂмᴂнг спайда кᴂндзыстᴂм уᴂ лᴂвᴂрттᴂй ᴂмᴂ сᴂ ныссаддзыстᴂм нᴂ рᴂвдауᴂндоны цᴂхᴂрадоны.Нᴂ сывᴂллᴂттᴂ тынг хорз зонынц халсарты нᴂмттᴂ. Ахъазᴂм – ма иумᴂ, ᴂмᴂ йᴂ фенᴂм сымах – та сᴂ куыд зонут уый. Цᴂмᴂй сᴂ иумᴂ хуыздᴂр бахъуыды кᴂнᴂм.

Дид.хъазт «Иу, дыууᴂ бирᴂ». (халсарты нывтимᴂ)

Игра с родителями.

Скᴂнᴂм зылд. алкᴂмᴂ дᴂр халсарты нывтᴂ. Алчидᴂр уᴂ зᴂгъᴂд цавᴂр халсар ис йᴂ нывы ᴂмᴂ цал халсары сты уый дᴂр.Хъазт райдайдзынᴂн ᴂз:

Хъ.Мᴂ нывы ис дыууᴂ хъᴂдындзы.

Дᴂумᴂ та?

Сыв.Мᴂ нывы ис иу къабускъа.

Ныййарᴂг. Мᴂ нывы ис ᴂртᴂ уырыдзыйы…

Сывᴂллᴂттᴂ кусынц стъᴂлтты фарсмᴂ.

Сᴂ разы лыггонд нывтᴂ.

Уалдзыгон смюжетон нывтимᴂ кусᴂм ныййарджыттимᴂ иумᴂ.

Хъ.Сывᴂллᴂттᴂ сбадут стъᴂлтты фарсмᴂ. Уᴂ разы ис лыггонд нывтᴂ ᴂмᴂ сᴂ сᴂмбырд кᴂнᴂм.

Ныййарджытᴂ сымах дᴂр сбадут ᴂмᴂ сывᴂллᴂттᴂн аххуыс кᴂнут.

Хъ.София цы ис дᴂ нывы?

София цы дын рауади дᴂ лыггонд нывтᴂй?

С.Мᴂ нывы ис уалдзᴂг.

Хъ.Милана дᴂуᴂн цы рауади дᴂ лыггонд нывтᴂй?

С.Мᴂнᴂн мᴂ нывтᴂй рауади малусᴂг.

Хъ.Алан дᴂуᴂн цы рауади дᴂ лыггонд нывтᴂй?

С.Мᴂнᴂн та мᴂ нывы ис мит.

Хъ. Кристинᴂ ды та цавᴂр ныв сᴂмбырд кодтай?

С.ᴁз та сᴂмбырд кодтон цᴂхᴂрадоны куыд кусынц сывᴂллᴂттᴂ уый.

Хъ. Сывᴂллᴂттᴂ тынг хорз бакуыстат.

Ныр рацᴂут ᴂмᴂ уᴂ алчидᴂр йᴂ ныв хуызᴂн ссарᴂд стъолыл ᴂмᴂ йᴂ рахᴂссᴂд фᴂйнᴂджы размᴂ. Ныййарджытᴂ сымах дᴂр рацᴂут ᴂмᴂ нᴂ нывты руаджы саразᴂм гыццыл радзырд.

Алᴂууᴂм ᴂрдᴂг зылдᴂй.

ᴁз уын кᴂсдзынᴂн хъуыдыйᴂдттᴂ , сымах та сᴂ бафидар кᴂнут фᴂйнᴂгыл.

Хъ.Лᴂмбынᴂг бакᴂсут нывтᴂм, куыд схонᴂн ис нᴂ радзырды?

Дети как мы назовем наш рассказ?

С. Весна

Уалдзᴂг.

Хъ.Сабитᴂ кᴂй уᴂ фᴂнды радзурын таблицᴂмᴂ гᴂсгᴂ радзырд.?

С.сабитᴂ дзурынц.

Радзырд «Уалдзᴂг».

Раллᴂууыди уалдзᴂг. Хур тавы. Мит атадис. Фᴂзындис фыццаг уалдзыгон дидинᴂг- малусᴂг. Цъᴂх кᴂрдᴂг фᴂзындис. Цъиутᴂ ᴂрбатахтысты хъарм бᴂстᴂйᴂ. Бᴂлᴂстыл сыфтᴂ разадис. Дыргъбᴂлᴂстᴂ дᴂр дидинᴂг ракалдтой. Цᴂхᴂрадоны садзынц халсартᴂ. Цъиутᴂ хъᴂлдзᴂг зарджытᴂ кᴂнынц.

Хъ.Ныййарджытᴂ уᴂ зᴂрдᴂмᴂ фᴂцыдысты нᴂ сабиты дзуаппытᴂ?

Сымах та йᴂ куыд радзуриккат.

Ныййарджытᴂ дзурынц радгай.

ᴁмбисᴂндтᴂ.

Уалдзᴂг къᴂвдайᴂ фидауы.

Уалдзᴂг кусынᴂн,зымᴂг хᴂрынᴂн.

Аудиозапись песни «Зᴂрватыкк».

Хъ.Тынг хорз радзырдтат. Уᴂ сабитимᴂ дᴂр архайут цыбыр радзырдтᴂ аразыныл, цᴂмᴂй ᴂнцонᴂй дᴂр дзурой иронау.

Рефлексия.

Сывᴂллᴂттᴂ уᴂ зᴂрдᴂмᴂ фᴂцыдис абоны фембᴂлд?

Фылдᴂр цы фᴂцыдис уᴂ зᴂрдᴂмᴂ?

Цавᴂр ног дзырдтᴂ базыдтам абон?

С Тымбыл хъᴂдур, халсары мыггᴂгтᴂ, ныссадзын.

Хъ.Мᴂнᴂн дᴂр тынг фᴂцыдысты уᴂ дзуаппытᴂ мᴂ зᴂрдᴂмᴂ.

Нᴂ ныййарджытᴂн дᴂр дзурын бузныг.

Нᴂ уазджытᴂн зᴂгъᴂм бузныг ᴂмᴂ хᴂрзбон.

Адрес публикации: https://www.prodlenka.org/metodicheskie-razrabotki/640325-ualdzgualdzdzhy-miniudzhytualdzygon-kuysty