В родном краю

Тема: Туган илемдә

Максатлар:

-Мөстәкыйль фикер йөртергә, җавап бирергә күнектерү, балада үзенең сөйләменә карата кызыксыну һәм сизгерлек уяту.

-Информацион-коммуникатив технологияләр, уен-ситуацияләр, күргәзмәлелек кулланып тел өйрәтүне дәвам итү, яңа белем һәм күнекмәләр булдыру.

Тәрбия бурычы:  туган илебезне ярату, саклау, хезмәт кешесенә хөрмәт тәрбияләү, ярдәмчел булу сыйфатларын үстерү.

Үстерү бурычы: туган илебезне ярату темасы буенча балаларның күзаллавын булдыру, белемнәрен ныгыту, яңа сүзләр өйрәнү.

Үстерелешле бурыч: хәтер, зиһен сәләтен үстерү

Алдан үткәрелгән эш: “Матур бакча”, “Матур өй”, “Туган ягым табигате”, “Туган ил сакчылары”н төзү, барлыкка китерү өчен материаллар әзерләү.

Кулланылган әдәбият:

Татар теле өйрәнә нәниләр. Р.А.Борһанова   2005 ел

Татарча сөйләшәбез (методик кулланма)2011

Поем и учим татарский язык. ТНВ каналы

 Эшчәнлек барышы.

Көй яңгырый, балалар керәләр.

1. Исәнләшү.

-         Исәнмесез, малайлар һәм кызлар!

-         Исәнмесез.

-         Хәерле көн!

-         Ничек хәлләрегез?

-         Бик яхшы.

-         Авырмыйсызмы?

-         Юк.

2. Туп белән уен “Син кем?”

“Син кем ?” уенын уйнап, танышыйк әле.

-         Син кем?

-         Мин Карина, син кем?

-         Мин Амелия, син кем? Һ.б.

-         Булдырдыгыз! Утырыгыз!

3. Төп өлеш.

Балалар, без хәзер сезнең белән “Матур бакча”, “Матур өй” төзибез, “Туган ягым табигате”ндә кояшлы һава торышы ясарбыз һәм шушы үзебез ясаган Туган илебезне саклаучыларны куярбыз.

Һәр эш балалар белән бергә эшләнә:

1. “Матур бакча” төзибез.

- Яшел чирәмне хәтерләтүче келәм җәябез.

- Коймалар куябыз.

- Койма буйларына чәчәкләр утыртабыз.

- Кое куябыз.

- Бакчага яшелчәләр утыртабыз, җиләк-җимеш агачлары утыртабыз.

- Балалардан бакчаның матурлыгын сорыйбыз.

- Балалар, без төзегән бакча матурмы?

- Түтәлләргә яшелчәләр, агачларга җиләк-җимешләр эләбез. (Тәрбияче ярдәме белән яшелчә, җиләк-җимешләрне сайлыйлар).

Матур музыка яңгырый.

2. “Матур өй” төзибез.

-Келәмгә бакча уртасына өй макеты куябыз. Өйне милли орнаментлар белән бизибез, ак челтәрләр эләбез, өй янына скаммейка куеп, татар әби-бабаен утыртабыз.

Балалардан өйнең матурлыгын сорыйбыз.

- Балалар, без төзегән өй матур булдымы?

Матур җыр яңгырый.

3. “Туган ягым табигате”ндә кояшлы һава торышы ясыйбыз.

Башта балалардан кояш ясыйбызмы, әллә яңгыр ясыйбызмы дип сорыйбыз.

Балалар, сезгә кояш кирәкме, әллә яңгырмы?

Бакча һәм өй күренеше артындагы ак полотнога кошларны, елмаеп торучы кояш, зәңгәрсу төстәге йөзүче болытларны эләбез.

Балалардан шушы күренешнең матурлыгын сорыйбыз.

Балалар, безгә шушы матурлыкны сакларга кирәк. Начар кешеләр, начар җәнлекләр безнең матур илебезне, бакчабызны җимермәсеннәр. Әйдәгез, без шушы матурлыкны, тынычлыкны саклау өчен сакчы-солдатлар куябыз.

-Балалар, сезнең солдат буласыгыз киләме?

-Солдат буласы килгән балаларны солдат итеп киендерәбез (фуражка, мылтык бирәбез) һәм бакчаның дүрт ягына сакка куябыз. Балаларны мактыйбыз, үсендерәбез, сез зур үстегез. Сакчылар булдыгыз дип аңлатабыз.

 4. Йомгаклау.

Балалар, сез бигрәк эшчән һәм җитез булдыгыз. Рәхмт сезгә. Арыгандырсыз. Әйдәгез матур бакчабызда чәй эчеп алыйк.

Дәрес тәмам.

Адрес публикации: https://www.prodlenka.org/metodicheskie-razrabotki/98058-v-rodnom-kraju