Конспект занятия по развитию речи в средне группе по ФГОС «Путешествие в сказку»

«Онытмабыз бер кайчан без бүгенге бәйрәмне»

(Беренче кечкенәләр төркеме өчен Яңа ел сценарие)

Балалар җиңел музыка астында залга керәләр. Чыршы янына басалар. Тәрбияче балаларның игътибарын чыршыдагы уенчыкларга юнәлтә.

А.Б.Күрәсезме чыршын

Матур итеп киенгән

Безгә калын урманнан

Ул кунак булып килгән

Чыршы, чыршы яңа елда

Матур итеп бизәлгән

Баштан алып өскә кадәр

Уенчыклар тезелгән!

Балалар, нишләптер безнең чыршыбызның утлары янмый. Әйдәгез әле, барыбыз бергә “чәбәкәй” уенын уйнап алыйк, бәлки ул безгә үзенең серле утларын кабызыр.

Җыр “ Чәп-чәп-чәбәкәй” башкарыла.

(Песи керә)

Песи:Мяу, мяу! Исәнмесез балалар, исәнмесез кунаклар! Сездә бигрәк күңелле икән, минем дә сезнең белән күңел ачасым килә.

А.Б.Песигә бер җыр җырлыйк, без аны сөендерик.

Җыр “Песикәй” башкарыла.

Песи: Рәхмәт сезгә балалар, бик матур җырладыгыз. (Шалтыравыклар өләшә) буш кул белән килмәдем, шалтыравыклар алып килдем.

А.Б.Шалтыравыкларда уйныйк, бәйрәмгә куяннарны чакырыйк.

Җыр “Шалтырвык” башкарыла

(Куян керә)

Куян: Исәнмесез апалар, исәнмесез балалар!

А.Б.Ак куян, йомшак куян

Безгә кунакка килгән

Әйдәгез кунак белән без

Бергәләшеп уйныйбыз!

Уен “Куяннар”

Куян:Рәхмәт сезгә, балалар, бик матур уйнадыгыз.(Кыңгыраулар өләшә

Буш кул белән килмәдем,

Кыңгыраулар китердем!

А.Б.Балалар, кыңгырауларда уйныйк,

Карчәчәкне чакырыйк!

Җыр “Карчәчәк, кил безгә”

(Карчәчәк керә)

Карчәчәк: Исәнмесез балалар, исәнмесез кунаклар! Мине чакырдыгызмы?

А.Б.Әйе,Кар кызы, бәйрәмебезгә рәхим ит! Балалар, бу Кар кызы – Кыш бабайның кызы. Карагыз әле, күлмәге нинди матур.

Кар кызы: Әйдәгез бәйрәм итик, әйдәгез уйнап алыйк!

Уен “Кайда безнең кулларыбыз”

Кар кызы: Буш кул белән килмәдем, фонарьлар алып килдем.

“Фонарьлар” белән бию

(өй артыннан карлар оча башлый)

А.Б.Карагыз әле, балалар, карлар оча. Кемдер безгә кар ата, безнең белән шаяра. Әйдәгез әле, кәрзингә карлар җыеп уйныйбыз.

“Кар бөртекләре җыю” уены

А.Б.Карап килим әле, кем шаяра икән анда? Ә-ә-ә! Менә кем шаяра икән, бу бит Кыш бабай!

Кыш бабай: Исәнмесез кызларым, улларым!

Күзләремнең нурлары

Мин Кыш бабай, Кыш бабай!

Сезгә бик таныш бабай

Бер биеп алыйк әле,

Бер җырлап алыйк әле!

Җыр “Кыш бабай” башкарыла.

А.Б.Кыш бабай, безнең балалар бик үскәннәр, бәйрәмгә дип шигырьләр дә өйрәнделәр. Хәзер сиңа шул шигырьләрне сөйләп күрсәтерләр.

Шигырь сөйләү.

К.Б.Минем күңелне күрдегез,

Рәхмәт сезгә балалар!

Бик күп җырлар өйрәнгәнсез,

Менә шундый осталарга

Без бүләкләр бирәбез.

Кар кызым, назлы кызым, бирче миңа кар бөртеген.

(Зур кар бөртеге чыгаралар, аның эчендә бүләкләр.)

Кыш бабай: Мин Кыш бабай, Суык бабай

Балаларны яратам

Яңа ел белән котлап

Бүләкләр дә таратам.

Кыш бабай белән Кар кызы бүләкләр өләшә.

Кыш бабай: Ярый балалар, безгә китәргә вакыт.

Кар кызы: Хушыгыз дусларым. Күңелле ял итегез.

Балалар:Хуш, Кыш бабай! Хуш, Кар кызы!

А.Б:Хуш, Кыш бабай! Хуш, Кар кызы! Без дә кайтыйк бүлмәбезгә, чыршыга рәхмәт әйтик.

Сау бул инде, Чыршыкай,

Ямьләндердең бүлмәне

Онытмабыз беркайчан

Без бүгенге бәйрәмне!

Алып баручы котлау сүзләре әйтә.

Адрес публикации: https://www.prodlenka.org/metodicheskie-razrabotki/188378-konspekt-zanjatija-po-razvitiju-rechi-v-sredn