Алгоритм буенча сызык элементлары язу «Темасына дәрес эшкәртмәсе (1 сыйныф)»

Тема

Алгоритм буенча сызык элементлары язу. Хәреф элементлары: астан, өстән ыргаклы кыска авыш сызыклар.

Максат

1. Укучыларны алгоритм буенча хәреф элементлары таныштыру.

2.Укучыларны дәрестә дөрес итеп утырырга, игътибарлы булырга, кул күтәреп җавап бирергә өйрәтү.

3. Бәйләнешле сөйләм, уй-фикер йөртү сәләтләрен арттыру.

Планлашты-рылган нәтиҗәләр

Предметлы

Хәреф элементлары: астан, өстән ыргаклы кыска авыш сызыклар язу.

Шәхси

Танып-белү, яңалыкка омтылыш формалашу.

Метапред-метлы УУГ

Регулятив

Үз гамәлләреңне һәм аның нәтиҗәләрен

бирелгән үрнәк белән чагыштыру.

Танып белү

Сүзләрне иҗекләргә бүлү ысулларын, овал формасындагы фигураларны дөрес итеп ясый белүне өйрәтү

Коммуни-катив

Үз фикереңне нигезли, дәлилли белү.

Дәрес тибы

Яңа материалны өйрәнү дәресе

Эшне оештыру төрләре

Әңгәмә, сорауларга җавап бирү, язу дәфтәрендә эшләү, уен технологиясен кулланып ял итү.

Чыганаклар

Язу дәфтәре

Дәрес этаплары

Укытучы һәм укучы эшчәнлеге

Оештыру.

Эшчәнлеккә мотивлаштыру

Хәерле көн, укучылар!

Хәерле көн һәммәбезгә.

Белем үрен яулаганда

Уңыш юлдаш булсын безгә.

Дәрестә уңай психологик халәт булдыру. Укучылар белән һава торышы турында әңгәмә үткәрү.

Белемнәрне актуальләштерү

Укучылар, бүген без сезнең белән күп итеп язачакбыз, күп итеп эшлиячәкбез, шуңа күрә без хэзер сезнең белән иң элек укучы ничек утырырга тиешле икәннең кагыйдәләрен искә төшереп китәрбез. Игътибар экранга. (Укучы дөрес утырамы?)

Укчылар ничек итеп утырырга тиеш?

Яхшы, укучылар, хәзер әйдәгез язу дәфтәрләренә күз салыйк. Анда иң беренче битлэрдэ укучы каләмен ничек тотарга тиеш икән дигән кагыйдәле рәсемнәр бар. Ручканың очын әх генә үзебезгә каратып авыштырып язабыз.

Яңа белемнәрне ачу

Язу дәфтәрләренең 3нче битендә туры һәм авыш сызыклар бирелгән. Безнең бурыч: әлеге сызыкларны туры һәм матур итеп пунктир сызыгы буенча тоташтырып чыгу.

Беренчел ныгыту һәм үзтикшерү

3. Ял минуты.

Уен “Күрсәт әле, дускаем...”

- Күрсәт әле, дускаем, күлдә ничек йөзәләр?

(балалар җавап бирә һәм күрсәтә: менә шулай, менә шулай күлдә йөзәләр)

- Күрсәт әле, дускаем, ничек балык тоталар?

(менә шулай, менә шулай балык тоталар)

- Күрсәт әле, дускаем, ничек кошлар очалар?

(менә шулай, менә шулай кошлар очалар)

- Күрсәт әле, дускаем, ничек сәгать текелди?

(менә шулай, менә шулай сәгать текелди)

- Күрсәт әле, дускаем, тәртипле укучы дәрестә ничек утыра?

(менә шулай, менә шулай тәртипле укучы утыра)

Төркемнәрдә эш һәм үзтикшерү

Алга таба, укучылар, 4нче битләребезне ачабыз, кечкенә һәм зур авыш сызыкларны язуны дәвам итәбез. Нәрсәгә охшаган? (Дәфтәрдәге юл битләренә охшаган).

5нче күнегүне бергәләп эшләү. Авыш сызык ахырындагы ыргакларны ясарга өйрәнү. Парташың белән бу элементларның нәрсәләргә охшаганы турында фикер алышу.

Рефлексия

Укучылар, бүгенге дәрестә без сезнең белән нәрсәләргә өйрәндек?

(Дөрес итеп утырырга, дөрес итеп каләмне тотарга, авыш сызыклар, ыргаклы сызыклар язарга өйрәндек).

Йомгаклау.

Өй эше

Молодцы, укучылар! Барыгыз да булдырасыз! (Билге куелмый, өй эше бирелми.) Өйдә үзегез өчен дәфтәр битләрендә әлеге сызыкларны язып карагыз. Шуның белән дәресебез тәмам.