Тесты по башкирскому языку

Башҡорт теленән тест

(6 – сы синыф өсөн)

6класс

1-се вариант.

I А

1. Яңғырау тартынҡыларғына булған рәтте күрһәтегеҙ.

А) п, ф, к, ҡ, т. с, ҫ, ш, х, һ, ч, ц, щ.

Б) б, в. г, ғ, д, ҙ, ж, з, к, т, с, ң, р.

В) б, в, п, ф, г, к, ҡ, т, ш, х, ч, щ.

Г) Яңғырау тартынҡылар ғына булған рәт юҡ.

2. Составында ике өн белдергән хәрефе булған һүҙҙе күрһәтегеҙ.

А) уҙаман

Б) осоусы

В) ярашыу

Г) ыласын

3. Ҡала, бала исемдәрен күплек ялғауҙары ҡушып яҙығыҙ.

4. Ниндәй ҙә булһа заттың, предметтың эшен, хәрәкәтен йә торошон белдергән һүҙ нимә тип атала.

А) һан

Б) исем

В) сифат

Г) ҡылым

5. Беренсе затта һәм берлектә торған ҡылымды күрһәтегеҙ.

А) уҡыйҙар

Б) һөйләйбеҙ

В) әйтмәйем

Г) әйттегеҙ

6. Мәҡәлдәрҙә бирелгән һандарҙы һүҙ менән яҙығыҙ.

Ҡырын эш 40 йылдан да беленә.

Аҙнаһына 5 йома.

II В. Минең көнөм.

Минең көнөм иртәнге етенән башлана. Көн һайын йоҡонан шул мәлдә торам. Урынымды бөхтә итеп йыям. Шунда уҡ тәҙрә күҙен асып ебәрәм. Бүлмә эсе саф һалҡынса һауа менән тула. Тын алыуҙары иркенәйә, йоҡомһорау ҡул менән ташлағандай юҡ була. Бөтә тәнгә рәхәт бер тулҡын таралғандай итә…

Ҡылымдарҙы табып аҫтына һыҙығыҙ.

Көн, тәҙрә һүҙҙәре менән һөйләмдәр төҙөгөҙ.

III С. Башҡортостан Республикаһы тураһында һөйлә.

6 класс.

2 – се вариант.

I А.

1.Ҡайһы рәттә һуҙынҡы өндәр генә бирелгән.

А) а, о, у, ы, ө, э, я, ә, е.

Б) а, о, у, ы, е, ю, ү, ә, и.

В) а, о, у, ы, я, ү, е, ө.

Г) а, о, ә, ө, и, э, ы.

2. Ҡайһы рәттәге хәрефтәр икешәр өндө белдерә.

А) е, ю, а, и, о, ө, у.

Б) е, ю, я, ё

3. Әсәй, сәскә һүҙҙәренә күплек ялғауҙары ҡушып яҙығыҙ.

4. Барыһы ла уны йотлоғоп тыңлай. Һөйләмдә ҡылымды табып, уның заманын билдәләгеҙ.

А) хәҙерге заман

Б) үткән заман

В) киләсәк заман

Г) ҡылым заманды белдермәй.

5. Беренсе затта һәм күплектә торған ҡылымды күрһәтегеҙ.

А) уҡыйҙар

Б)һөйләйбеҙ

В) әйтмәйем

Г) әйттегеҙ.

6. Мәҡәлдәрҙә бирелгән һандарҙы һүҙ менән яҙығыҙ.

Егет кешегә 70 төрлө һөнәр ҙә аҙ.

7 ҡат үлсә, 1 ҡат киҫ.

II В. Хыялымдағы һөнәр.

Минең хыялым – табип булыу. Хәлемсә тырышып уҡып, мәктәпте тамамлаясаҡмын. унан медицина университетына инәсәкмен. Табип һөнәренә мотлаҡ эйә буласаҡмын.

Ауырыуға иғтибарлы булырмын, уның һәр зарын тыңлармын. Сирлегә үҙемдең бөтә күңел йылымды бирермен. Ул һис һүҙһеҙ һауығыр.

Ҡылымдарҙы табып аҫтына һыҙығыҙ.

Табип, мәктәп һүҙҙәре менән һөйләмдәр төҙөгөҙ.

IIIС. Башҡортостан Республикаһы тураһында һөйлә.

Адрес публикации: https://www.prodlenka.org/metodicheskie-razrabotki/246709-testy-po-bashkirskomu-jazyku