Ачык дәрес: «Су белән танышу»

Тема: «Су»

Бурычлар:

1) яшәү чыганагы булган суга сак караш тәрбияләү;

2) балаларның күзаллауларын, мөстәкыйль фикер йөртә белү сәләтен

үстеру;

3) гади тәҗрибәләр һәм уеннар аша балаларның су турында белемнәрен

тирәнәйтү;

4) балаларда сорауларга җавап бирү теләге тәрбияләү;

5) балаларда табигатькә карата кызыксыну һәм табигатьне саклауны

формалаштыруны дәвам итү.

Җиһазлар:

Слайдтагы рәсемнәр, су, пластмасс чокыр , глобус, чишмә, күл, елга,диңгез рәсемнәре.

Эшчәнлек барышы:

Тәрбияче: Исәнмесез, балалар!

Балалар уң кулыгызны күрсәтегез!Нинди матур сезнең уң

кулыгыз!Уң кулыгыгызны сокланып карагыз!

Сул кулыгызны күрсәтегез! Нинди матур сезнең сул

кулыгыз!

Уң кул бармаклары чиратлап сул кул бармаклары белән исәнләшәләр.

Саумы, кояш!

Саумы, һава!

Саумы, иртә!

Саумы, йомшак җил!

Саумы, Туган ил!

Тәрбияче:Мин сезгә Муса Җәлилнең шигырен укып китәм.

Челтер- челтер чишмәбез!

Ярдан балчык ишмәгез!

Суны шуннан эчегез!

Башка җирдән эчмәгез!

Тәрбияче:Балалар , бу шигырьдә сүз нәрсә турында бара?

Балалар:чишмә турында.

Тәрбияче:Әйе, дөрес. Ә сезнең чишмә күргәнегез бармы?

Балалар: Әйе яисә юк.

Тәрбияче:Безнең суыбыз иң беренче чишмәдән башлана.Чишмә елгага коя,

ә елга- диңгезгә килеп тоташа.

Слайдта: чишмә, елга, диңгез рәсемнәре күрсәтелә.

Глобус белән эш:

Тәрбияче:Бу безнең җир шарыбыз. Ул безнең нинди формада?

Балалар: Түгәрәк. Шар формасында.

Тәрбияче:Бик дөрес. Безнең җир шарыбыз коры җирдән һәм судан тора.

Зәңгәр төс – су төсе. Ул суны аңлата.

Безнең җир шарында коры җир күпме? Әллә сумы?

Балалар:Су.

Тәрбияче:Әйе, балалар.Бик дөрес.

Димәк, су кайларда була?

Балалар:чишмәдә, елгада, күлләрдә, диңгезләрдә.

Тәрбияче:Бик дөрес.Афәрин, дусларым.

Димәк, су безнең чишмәләрдә, елга- күлләрдә, диңгезләрдә була.

Физминутка “ Танцуем вместе”

Тәрбияче: Балалар, ничек уйлыйсыз, кешеләр, хайваннар, үсемлекләр сусыз

яши алалармы?

Балалар:Юк.

Тәрбияче: Бик дөрес. Чөнки сусыз яшәү мөмкин түгел.

Ә без пычрак суны эчәбезме?

Балалар:Юк.

Тәрбияче: Юк, әлбәттә без эчмибез.

Балалар, су белән тәҗрибә үткәреп карыйбызмы?

Балалар:Әйе.

Тәрбияче: Су урысча ничек була?

Чишмә, елга, диңгез ничек була?

Балалар:су – вода, чишмә – родник, елга- речка, күл – озеро, диңгез – море.

Тәрбияче:

1 тәҗрибә: Балалар, суның исе бармы?

Балалар суны иснәп карыйлар.

Балалар: Юк.

2 тәҗрибә: Суныңтәме бармы?

Балаларга гади су бирелә, тәмен татып карыйлар.

Балалар:Юк.

3 тәҗрибә: Төсе бармы? Кайсыда бал кашыгы күренер?

Бал кашыгын су һәм сөт салынган стаканга төшерү.

Балалар:Юк.

Тәрбияче:Ә хәзер сезнең белән “Яр – су” хәрәкәтле уенын уйнап алабыз.

Озын сызык сызыла. Сызыкның бер ягы ”су”, икенче ягы ”яр”.

Алып баручы “Яр- су, яр- су,яр-су” дип тора, ә балалар , буталмыйча, ул әйткән җиргә сикерәләр. Буталганы уеннан чыга. Иң соңгы бала –җиңүче була.

Тәрбияче:Афәрин, дусларым! Сез бик уңганнарһәм җитезләр.

Нәтиҗә:

Тәрбияче: Балалар , без сезнең белән бүген нәрсә турында сөйләштек? Ничек уйлыйсыз, суны пычратырга ярыймы? Ә су безгә нәрсә өчен кирәк?

Балалар:җаваплар.

Сюрприз момент: Алтын балык.

Алтын балык: Исәнмесез, балалар! Мин сезне бик кызыксынып һәм

горурланып тыңлап тордым. Сез су турында бик күп беләсез икән!

Афәрин, дусларым! Менә мин сезгә күчтәнәч җибәрәм.. Тәрбиячегезгә бирәм, ә сез узегезнең төркемегезгә чыккач уйнарсыз!

Адрес публикации: https://www.prodlenka.org/metodicheskie-razrabotki/267310-achyk-dres-su-beln-tanyshu