Бесікке салу

Қостанай гуманитарлық колледжі

«Дәстүр –діңгегім, сатым-сарыным» тақырыбындағы наурыз мейрамын өткізудің әзірлемесі

Дайындаған: ББ-17,ББ-18 топ оқушылары

Оқытушылар:Ескалиева Ш.Б. Мухамедуалиева Б.С

Қостанай;2013ж

Мақсаты: Оқушыларға Нарыз мерекесінің тарихын, оның кезеңдері туралы, Наурыз тойының ерекшеліктері әр ұлтта тойлануы туралы білім бере отырып,мерекелік дәстүрлерден көріністер көрсету арқылы оқушыларды отан сүйгіштікке, ұлттық дәстүрді қадірлеуге үйрету, топпен, ұжыммен жұмыс жасау қабілеттерін дамыту

Көрнекілігі:Қамшы, бесік, үкі, бесік жабдықтары, пышақ т.б

1 жүргізуші

Көргенде қуанасың таза ауаны

Құлаққа естілгенде жаз әуені

Жыл сайын тойланатын мәңгі бақи,

Наурызым құтты болсын қазақ елі!

2- жүргізуші

Уа, халайық, халайық

Ақсандықты ашайық

Бұл мереке, бұл тойдың

Шашуларын шашайық. (шашу шашылады)

1 жүргізуші

Ақынның шарықтасын асқақ әні,

Көтеріп жұрт көңілін тастағалы

Ағайын жолыменен бұрынғының,

Отырмыз осы тойды бастағалы

(Ән орындалады)

Көрініс

Әже:Біздің шаңырағымызға қош келдіңіздер. «Құтты қонақ келсе, қой егіз табады» деген қазақ халқы.Бүгін баламызды бесікке салғалы жатқанбыз. Бесік жырын тыңдап дастарханнан дәм татып отырыңыздар. Бесікке салу рәсімін алғаш төс түйістірген, құйрық-бауыр жегізген, ауылымызда өнегілі ұл, инабатты қыз тәрбиелеп өсірген бас құдағиыма беремін. (Бас құдағи ортаға қарай жылжып отырып, бесікке салу рәсіміне қамданады.)

Құдағи: келін жан бесік пен баланы бері қарай алып келе гой. (Келін бесікпен баланы алып келеді) Келін бесікке баланы қалай бөлеу керек екенін мұқият қарап отырғайсын.

Ең бірінші бесікті бесік жабдықтарымен безендірмес бұрын, бесіктің түбегінен тәтті өткізіп «тышты », «тышты» деп, түбектен өткізген тәттілерді жан- жағанда отырған адамдарға таратады. Содан соң бесіктің түбегін салып, мамығын төсеп, жастығын салып, жастықтың астына жын- перілерден аулық болсын деп ,пышақ пен қамшы салады. Жөргегін төсеп болған соң бала шошымас үшін, шырпымен бесікті аластайды.

Баланы бесікке жатқызып жатып, «Үлкен азамат бол,еліңнің елеулі, халқыңның қалаулы, ата-анаңның сүйікті ер жеткен азаматы бол»,-деп тілек айтады

Тартпа бауды тартып жатып бесік жырын айтады.

Құдағи:Айыр қалпақ киісіп,

Ақырып жауға тиісіп,

Батыр болар ма екенсің?

Бармақтарын майысып,

Түрлі ою ойысып,

Шебер болар ма екенсің?

Таңдайларын тақылдап,

Сөзіңді жұрт мақұлдап,

Шешен болар ма екенсің?

Баланы бесікке болеп болғаннан кейін, сол үйдің әжесі бесікке саған құдағиына қамзол жауып, жолыңды берсін деп көйлек, орамал кигізеді.

2- жүргізуші

Ал, халайық тұрмайық,

Әндетейік жырлайық

Ортамызды ашайық

Думандатып би-билеп

Інжу маржан шашайық.

(Би биленеді)

жүргізуші

Наурыз тойын тойлайық міне ағайын

Амандықпен туа берсін күн сайын

Бақыт тілеп, бақ тілеп халқымызға

Мерекені бүгінгімен жабайын

2-жүргізуші

Молшылық пен тыныштық боп жерімізде

Бейбітшілік нық болсын елімізде

Достықпенен жайнай берсін отанымыз

Желбіресін қазақ туы көгімізде

жүргізуші

Жиналған құрметті қауым! Келесі наурызда да төтр көзіміз түгел, уайым қайғысыз амандықпен кездесейік. Бас аман, бауыр бүтін болсын

Адрес публикации: https://www.prodlenka.org/metodicheskie-razrabotki/297140-besikke-salu