Полимәдениетті әлеуметтік ортада жалпы азаматтық және ұлттық құндылықтардың қалыптасуы

Тіл арқылы даналар сөзін оқып білеміз, одан ғибрат аламыз. «Өнер алды –қызыл тіл» деген дана сөзі осыдан шыққан болатын. Қоғам жоқ жерде тіл болмайды, сондықтан тіл- қоғамдық құбылыс.

Тіл халықпен бірге жасайды, дамиды, өркендейді. Халықтың тарихта қалуы тіліне тікелей байланысты. Дәлірек айтқанда, тіл- халықтың жаны, сәні,кескін-келбеті.

Біздің Имантау орта мектебі аралас мектеп болып саналады. Мектеп негізінде орыс мектебі және бізде қазақ сыныптары да қатар оқиды. Бір мектепте екі тілде оқыту әрі түрлі ұлт өкілдерінен тұратын сыныптарда оқу тәрбие жұмыстары жақсы жолға қойылған. Кез келген сыныптан тыс жұмыстар, тілдер бойынша түрлі іс-шаралар орыс, қазақ сыныптарында бірге жүргізіледі.

Полимәдениеттік өркендеу барысында Имантау мектебінде мынадай іс- шаралар өткізіліп жатыр: «Шешендер сайысы» ( қазақ,орыс, ағылшын, неміс тілдерінде). «Мақал-мәтелдер сайысы» (қазақ,орыс, неміс тілдерінде), «ХХІ ғасыр көшбасшысы» сыныптар ұлтжандылықты көрсететін Қазақстан халқының фестивалі және т.б. Мектебімізде қазақ халқының ұлт дәстүрлерін кеңейте таныстыру үшін «Атамұра» бұрышы ашылды.

Сөз соңында айта кететін түйін: «Түрі басқа, тілегі бір» деген қағидамен Имантау өңірінде өмір сүріп келе жатқан көпұлтты, тату – тәтті халықпыз. Бұл менің мақтанышым. Яғни, ұлттар татулығының туын тігіп отырмыз.

Достық пен татулықты ту еткен Қазақстан халқы қашанда түрлі ұлт өкілдеріне әрдайым құшағын аша білген. Қазақтың даласындай көңілі дархан, пейілі кең болғандықтан, ешбір ұлтты алаламай, қазақ ұлтынан кем көрмеген. Ырыс төгетін ынтымақтың кілті- ауызбіршілікте.Қоғамдағы орын алып жатқан қайсы бір іске болмасын, олардың белсене ат салысуы қазақ халқына да үлгі. Бір үйдің адамдарындай араласып – құраласып, ешкімнің үйретуінсіз үйлесім таба білген халықтар жарасымдылығына не жетсін!

Адрес публикации: https://www.prodlenka.org/metodicheskie-razrabotki/308044-polimdenietti-leumettik-ortada-zhalpy-azama