Қазақстандық миллионер

Күні:13.03.2017

Сыныбы:8 «а»

Пәні: қазақ тілі

Сабақтың тақырыбы: Қазақстандық миллионер

Сабақтың мақсаты:

1. Әр оқушының жеке қабілеттерін ашып, дамытуына қажетті жағдай жасау. Тақырыпқа қатысты жаңа сөздерді меңгерту.
2. Үйренген сөздерін дұрыс қолдана білу дағдысын дамыту. Оқығанын түсініп, өз ойын дұрыс жеткізе білуге жаттықтыру. Логикалық ойлау қабілеттерін дамыту.
3. Еңбекқорлыққа тәрбиелеу.

Сабақтың түрі: жаңа сабақ.

Сабақтың әдіс-тәсілдері: әңгімелеу, сұрақ-жауап, пікірлесу.

Сабақтың жұмыс формалары: ұжымдық, жеке.

Сабақтың барысы.

І. Ұйымдастыру кезеңі.
•Сәлемдесу;

• Сыныпты түгелдеу.

ІІ. Үй жұмысын тексеру.

6–тапсырма. Өздерің білетін табысты адамдардың біреуі туралы эссе жазыңдар.

ІІІ. Жаңа сабақ

Қазақстандық миллионер

ВІ Group компаниясының негізін қалаушы қазақстандық кәсіпкер әрі спортшы Айдын Рақымбаев – табысты адамдардың бірі.

Бүгінде ірі компанияның басшысы болса да, ол әлі күнге дейін құрылыс саласынан бас тартпағанын айтты. «Мен қазір де құрылысшымын. Иә, бұрын үйлер салғанмын, қазір компанияның жұмысын жүргізіп жатырмын. Қатардағы жұмысша болғанымда мен ірі компанияның басшысы болуды армандаған жоқпын. Алайда кішкентайымнан оқуға құмар болғаным мені осы күнге жеткізді», - дейді Айдын Рақымбаев.

Ол өзінің басқа бизнесмендерден қандай айырмашылығы барын да атап берді. «Мен бөліскенді жақсы көремін. Компания топ-менеджерлерімен компанияның табысын бөлісемін. Бүгінде компаниядағы 8 мыңдай адамның 800-дейі бонустық бағдарламаларға ие»,-дейді кәсіпкер.

Айдын Рақымбаев әлі күнге дейін құрылыс нысандарын аралаудан шаршамайтынын, тіпті әрбір жертөле мен шатырларды да бақылап, көріп шығатынын айтқан. Айдын алғашқы миллионына 28 жасында қол жеткізген.

Еске сала кетейік, танымал кәсіпкер автожарыспен де әуестенеді. Сұхбат барысында ол жұмысына кесірі тимеу үшін жарысқа тек демалыс күндері барып, жұмыс уақытына үлгеру үшін марапаттау рәсіміне қатыспайтынын да ашық айтты.

ІV. Мәтінмен жұмыс

Мәтінді оқып, түсінгендеріңді айтып беріңдер.

V. Сөздікпен жұмыс

Төмендегі жаңа сөздерді жазып, жаттау.

негізін қалаушы – основатель

құрылысшылықтан бас тартпады – не стал отказываться от строительства

армандаған жоқпын – я не мечтал

бөліскенді жақсы көремін – люблю делиться

VI. Жаттығу жұмыстары

2–тапсырма. Сұрақтарға мәтін бойынша жауап беріңдер

1. Айдын Рақымбаев кім?

2. Ол неден бас тартпады?

3. Кішкентайынан неге құмар болды?

4. Басқа бизнесмендерден қандай айырмашылығы бар?

4-тапсырма. Сөйлемдерді толықтырыңдар.

«Көптілді тұлға – табысты болашақ негізі» атты дөңгелек үстел өтті. Көптілді тұлға болу менің де арманым. Осындай іс-шара мектепте де, басқа да жерлерде өтсе екен.

VI. Сабақты қорыту.

Айдын Рақымбаевты үлгі тұтуға бола ма?

Сендер оның бойындағы қандай қасиеттерді ерекше бағалайсыңдар?

Айдын Рақымбаев қандай адам?

VII. Үйге тапсырма: 4-тапсырма. Берілген сипаттауды бір сөзбен қалай айтуға болады?

1. Адамға әдейі ауыр сөздер айтатын адам.

2. Аса жоғары ілтипат көрсете білетін адам.

3. Адамның жасағанын үнемі мадақтап отыратын адам.

4. Өзінен артық білетін адамды жақтырмайтын адам.

VIII. Бағалау.

Адрес публикации: https://www.prodlenka.org/metodicheskie-razrabotki/310432-azastandy-millioner