Ана тилини авесликнен огренинъиз

Ана тилини

авесликнен огренинъиз

Ана тилини бильсенъ,

Эм де гузель лаф этсенъ,

Эр кес айытыр:"Машалла!

Не де гузель бу бала!"

Оджа: Рамазанова Линара Руслановна

ОБР : Зейтуллаева Ульвие Фахриевна

Методист: Мамедиева Сеяре Асановна

Сары-Баш,2014с.

Мелевшелерни севем,

Куньде бакъып севинем.

Мелевшелер мор ачар,

Мис киби къокъу сачар.

Бакъса! Эр ер къызаргъан,

Бирден чокъ ляле ачкъкъан.

Айды, чёльге барайыкъ,

Лялелерни бакъайыкъ.

Мына Ялта инджири,

Эр бир ери ири-ири.

Будыр дженнет мейвасы,

Сагълыкъкъа бар файдасы.

Бу - къаранфиль,

Къаранфильни

Яхшы биль!

Къорамызнынъ янында

Кийик гуль ача.

Гузель - гузель къокъулар

Этрафкъа сачалар.

Акъшамгъа якъын язда

Ачыла акъшамсефа.

О бар эр бир азбарда,

Онъа бакъмасы сефа.

Бабам эвнинъ огюнде

Къатмер гуль сачты.

Мына энди эр тюпте

Бир къач гуль ачылды.

Къып - къырмызы тюслери,

Озьлери къатмер - къатмер.

Гуллерден гульдестеси

Япты къардашым Сервер.

Бунъа дейлер пападие,

Буны бизде эр кес биле.

Шимди бираз джыярмыз,

Бир гульчембер япармыз.

Чанъ чечеги чынъылдай,

Башыны о эп саллай.

Ельчик онен ойнакълай,

Япрагъыны къытыкълай

Алупкада нарлыкъ бар,Нар истесенъ анда бар.

Ич онынъ шырасыны,

Корь онынъ шифасыны.

Меним адым къызылчыкъ,

Чюнки тюсюм къызылчыкъ.

Мени джый да татлы яп,

Сонъ чайгъа къой я да къап.

Багъчанынъ шефталиси,

Сап- сары эр бириси.

Эм лезетли, эм ири,

Тойдура онынъ бири.

Мени сют иле къарыштыр аша.

Файдалы маденлер тышыма

Агъачымнынъ кевдесиндедир

Акъылларны шашырткъан иляхи санат,

къабугъым алтында гизли о лезет, о дад.

Витаминлер ичимде­-

Ёкъ о къадар элифбеде.

мен сагълыкъ къоруйджысым,

Спортчыларчюн кучь менбасым

Юдже Аллах гъайрет иле мени яраткъан,

Гузеллигиме коре лезет къошкъан.

Ашагъанлар кейфлене, бакъкъанлар сукълана,

Мен иле чокъ хасталылар шифалан

А л янакълы алмалар,

Балдан татлы армутлар.

Онъ олды частымызгъа,

Азбарда, багъчамызда.

Алма - армутны ашармыз,

Бир парча петмез япармыз.

Къыштан къоркъумыз олмаз,

Чырайларымыз солмаз.

Бал кибидир бу юзюм,

Узип алдым мен юзюм.

Сыкъсанъ, чыкъар шырасы,

Ичсенъ, олур шифасы.

Насыл мейвагъа бакъып,

Дерлер: "Бакъынъ, бу -

къайсы!".

Оны джыйып къуруталар,

Эм ондан хошаф япалар.

Меним адым татлы армут,

Армутлыкътыр эвимиз.

Кель сен, Мамут, узь де аша

Бал киби эр биримиз.

Пек татлыдыр бу мейва,

Эм онъа да дерлер

хурма.

Оны даим ашагъан,

Мытлакъ олур бир

пельван!

Багъчагъа бугунь бардыкъ

Бир сепет алма джыйдыкъ.

Ал янакъла алмалар,

Ашап тойды балала

Биз бугунь дагъгъа

бардыкъ,

Бир сепет фындыкъ

джыйдыкъ.

Кимерде бир топлашамыз,

Фындыкъ сындырып

ашаймыз.

Куместе элли тавукъ,

Эписи де къозлавукъ.

Куньде бир къач йымырта,

Анам бизге къызарта.

Ко-ка-ре-кок! Адым - Хораз,

Ёкътыр менден ярамаз.

Тавукъларгъа тийдирмем,

Куреште де енъильмем!

Деменъиз манъа: "Къопаш!"

"Къопаш!",- деген кель, талаш.

Чокъучымнен бир алырым.

Къыт - къыт - къыдакъ,

Къыт - къыт - къыдакъ,

Къозладым мен, кель де бакъ...

Къозлавукъым, чокъ къозлайым.

Къозлагъан сонъ - къыдакълайым

Хоразчыкъ ве тавучыкъ,

Бизни беклей сансарчыкъ.

Бизге софра къояджакъ,

Бугунь бизни сыйлайджакъ.

Къаймакълы къаве ичермиз,

Шакъа этер, лаф этермиз.

Яхшы - яхшы бахшышлар

Сансар бизге багъашлар!

Бойну узун киббар къаз,

Къанатлары бем - беяз.

Саллам - сулам о юре,

Папий киби сув севе.

Папий недир? Ким биле?

Не севе, къайда юре?

Къайдаларда о яшай

Ве нелер тапып ашай?

Папий - о ойле бир къуш,

Сувны пек севе, байгъуш.

Голлердепапийяшай.

Сувалчан,боджекашай

Ишкир къоян чичек сачкъан,

Чичеклери дюльбер ачкъан.

Чапкъан кельген, чёльден тавшан,

Чичеклерни ашап, къачкъан.

Кимдир о анда къачкъан

Мышыкънынъ панджасындан?

Сычанчыкъ о, заваллы,

Тутулса - белли алы.

Сычанларны пек севем,

Оларны авлап юрем.

Эгер тутсам - севинем,

Къачырсам - кедерленем.

Бизни бир къуванч алды-

Къоюмыз къозулады.

Къозучыкълар чапкъалай,

Сычрап - сычрап ойнакълай.

Эчки баласы - улакъ,

Сырлы козь, салпы къулакъ.

Куньде анасын эме,

Ач олгъанда дей о: "Ме-э-э!"

Къувурчыкътыр юньчиги,

Даа уфакъ бойчыгъы.

Севгени - сычракъламакъ

Эр бир ерге тырмашмакъ.

Аранда сыгъыр мунърей,

"Ем битти, ем беринъиз!- дей,-

Эм де сагъынъыз тез - тез,

Сют ичип тойсын эр кес.

Сют ичкен- сагълам олур,

Къуветли,кучьлю олур.

Меним сютюм файдалы

Ве эм пек де шифалы!

Къора артында деве,

Агъыр - сабыр о юре.

Деве даим кевлеше,

Къамгъмкъ берсенъ, бегене.

Бал, шекер севип ашайым,

Берселер, ойнап башлайым.

Сычракълап,юварланам,

Сонъ адам киби турам.

Геджелери о юре,

Алма, мантар кемире.

Тийсенъ, амман топлана,

Топ киби юварлана.

Бу бизге таныш кирпидир,

Эпимизге о беллидир.

Тинекли бир джанавар,

Бир зерречик джаны бар.

Къашкъыр пек ач,

козь йылтырай,

Оны корьген дыр - дыр

къалтырай.

Сакът олмагъан пешман

этер,

Къашкъыр оны ашап

кетер.

Адрес публикации: https://www.prodlenka.org/metodicheskie-razrabotki/332384-ana-tilini-avesliknen-ogreniniz