Тұрмыстық жиһаздар

Күні:29.01-02.02.2018 ж

Сабақ тақырыбы: « Тұрмыстық жиһаздар»

Сабақтың мақсаты:

1. Білімділік.Балаларға тұрмыстық жиһаздар жайлы жалпы түсінігін беру және жиһаздардың түрлерімен таныстыру.

2. Түзете-дамытушылық.Балалардың сөздік-логикалық ойлауын, ұсақ қол моторикасын, фонематикалық есту қабілетін дамыту, белсенді және енжар сөздік қорын молайту.

3. Тәрбиелік.Балаларды ұқыптылыққа, тазалыққа тәрбиелеу.

Дидактикалық материалдар:тұрмыстық жиһаздардың суреттері,слайд. т.б

Сабақ барысы:

І. Ұйымдастыру кезеңі

- Баламен сәлемдесу.

- Баланың назарын сабаққа аудару.

II. Артикуляциялық жаттығулар жасау.

1. Сағат – Ауыз ашық. Тілімізді алға шығарып, оңға-солға қозғалтамыз.

2. Ат шауып келеді – Ауыз ашық. Тілімізді жоғарғы таңдайға тақылдатамыз.

3. Тіс тазалау–Ауыз ашық. Тілімізбен жоғарғы және астыңғы тістерді тазалаймыз.

4. Қамыр илеу - Ауыз ашық. Тісімізбен тілімізді тістелейміз.

5. Футбол - Ауыз жабық. Тілімізбен ұртымызға батыра тигіземіз.

6. Сылақшы - Ауыз ашық. Тілімізбен жоғарғы таңдайды жалаймыз.

«Дыбысты тап» ойыны

Ойын мақсаты: баллардың фонетико- фонематикалық есту қабілетін дамыту.

Ойын барысы: балалар бірнеше дыбыстардың арасынан «л» дыбысын табуы қажет.

Балалар қане мына асем шарларға қарайықшы . Бұл шарларда әртүрлі көңіл – куй белгілері берілген. Біз осы шардағы көңіл –күйлерге қарайық. Олар қуанып тұрма? Алде ренжіп тұрма?

Ал бастайық. Біз осы көңіл – күйлерді салып көрейік.

Мына шарда қандай көңіл-күй белгісі берілген?

1.Ренжіп тұр. Оны қоқыс жәшігіне тастайық. Ренжігенде біздің түріміз қандай болады? Біз ренжиміз ба? Жоқ. Ренжіп тұрған көңіл –күйді қоқыс жәшігіне тастайық.

2.Ал мына көңіл - белгісі ше ол жылап тұр. Мұныда қоқыс жәшігіне тастайық.Ал біз жылаймыз ба, балалар? Жоқ.

3.Ал мына көңіл куй қуанып тұр. Оны біз қайтадан шарға іліп қоямыз. Себебі біз әрдайым қуанып жүреміз.

4.Ал мына көңіл - күй күліп тұр екен. Біз әрдайым күліп жүреміз бе? Иә. Біз әрдайым күліп жүреміз.

ІІІ. Жаңа сабақ

Бүгін тұрмыстық жиһаздардың түрлерімен танысамыз.

Орындық. Үстел. Шкаф.Кереует.

Суреттермен жұмыс.

30.01

«Допты қағып ал» жаттығуы

Мақсаты: Балаларды үлкен затты екі қолымен ұстауға үйрету: допқа дейінгі аралықты дұрыс бағдарлай білу, кеңістікті (оң, сол, тура) игере алу; екі қолымен әрекет жасауда көру-қозғалыс координациясын дамыту.

Материал: үрлемелі шар, шарды іліп қою үшін жіп немесе бау.

Әдістемелік нұсқау: жіпке байланған допты екі қолымен біртіндеп ұстауы және жіберуі керек.

Күрделі нұсқасы: 1) үлкендер допты балаға лақтырады (бала екі қолымен қағып алады); 2) допты оңға, солға лақтырады.

31.01

Сөйлеу кезіндегі тыныс алуды дамыту.

«Ұлпа» - Қолды алдыға созамыз, алақанды бір-біріне қарсы қоямыз. Дем алғанда 3-7 рет «фу» буынын айтамыз, әр буынды айтқанда диафрагманы ұстау арқылы өз-өзіне көмектеседі.

01.02

Сөйлеу демінің дамытуға арналған «Ұшақтар ұшады» жаттығуы

Үстелдің үстіне ұшақтар қойылады (қағаздан жасалған).

Балаларға ұшаққа үрлеуді сұрайды, кімнің ұшағы жылдамырақ ұшады қараңдаршы? Беттіне үрлеуге болмайды, ұшақ бір шығудан ұшуы қажет, ұшаққа бірнеше рет үрлеуге болмайды.

Дауыс күшін дамытуға арналған «Дыбыс» жаттығуы

- Дыбыс алдымен тыныш у-у-у деп естілді

- Дыбыс қатты у-у-у деп естіле бастады

- Дыбыс қатты у-у-у деп естілді

02.02

Фонетикалық жаттығу «Насос»

- Балалар, қане есімізге түсіріп көрейікші, велосипедтің дөңгелегін қалай үрлейміз.

- Насостан ауа С-с-с деп ысқырып шығады

Сөйлеуде тыныс алуды дамытуға арналған жаттығу

«Шаңын қағамыз» (бір реткі үрлеуде «шаңды» - ф-ф-ф үрлейміз).

Сергіту сәті

Суретпен жұмыс.

Не жоғалды ойыны? ойыны

Стол үстіне әртүрлі жихаздар суреті қойылады. Бала көріп болған соң бір сурет жасырылып қойылады. Бала жоғалған суретті табу қажет.

IV. Бекіту.

Ойын. Кім жылдам?

Ойын шарты: Балалар музыка әуенімен ортада би-билеп жүреді. Музыка тоқтаған кезде жылдам ортада тұрған жиһаздардың суретінің бірін алып отырып қалу қажет. Үлгермей қалған бала ойыннан шығарылады.

V.Қорытынды. Баланы мадақтап, мақтап ынталандыру сыйлығын беру.

Адрес публикации: https://www.prodlenka.org/metodicheskie-razrabotki/339303-trmysty-zhiazdar