Сценарий Нового года

Фаттахова Г.М.

МБОУ «Наласинская СОШ»

учитель

Сценарий «Яна ел»

Фон, бәйрәмне ачу .

Югары класс укучылары башкаруында вальс.

Алып баручылар чыга.

1 а.б. Яңа өмет белән Яңа еллар килә,

Ачылсыннар ябык капкалар.

Бар кешелек өчен теләк телик,

Кушылсыннар безгә башкалар.

2 а.б. Тәңкә-тәңкә карлар яусын,

Бар дөнья тулсын.

Карлар кебек безнең көннәр

Ак һәм пакъ булсын.

1.а.б. Бәхет-шатлык бүләк итсен

Һәр көн, һәр сәгать

Йөрәкләргә ялкын салсын

Дуслык, мәхәббәт.

2а.б. Яңа елның йолдызлары

Яктырак янсын.

йолдыз кебек безнең тормыш

Мәңге балкысын.

1 а.б. Хәерле кич, хөрмәтле укытучылар, укучылар, бәйрәмебез кунаклары! Туган җиребез буйлап яңа ел атлый. Менә тиздән , бик тиздән үзенең өр яңа шатлыклары, мәшәкатьләре, матур бәйрәмнәре белән 2019 нчы ел аяк басачак.

2 а.б. Нинди булыр ул? Әле тузан да кунмаган ак кәгазьдәй 2019 нчы елның тарих битләренә ниләр язылыр? Иске елдан яңа елны бары бер мизгел аерып тора. Һәм менә шул мизгелдә әйтеп бетергесез өметләр белән тулы киләчәк.

1а.б. Бәйрәм булгач , бәйрәм инде. Бер-беребезгә изге теләкләр, ихлас күңелебездән чыккан кайнар котлаулар җиткерү үзе бер матур гадәт.Ә без исә, сезне иң беренчеләрдән булып тәбрикли алуыбызга шатбыз.Теләкләрнең иң зурысын җиткерү һәм бүгенге бәйрәм кичен тантаналы рәвештә ачып җибәрү өчен сүзне мәктәбебез директоры Гыйззәтуллин Булат Нәфикъ улына бирәбез. Рәхим итегез!

(директор котлавы)

1 а.б. Яна ел, яңа ел дибез, ә беләсеңме___________, яңа елл сүзен ишетүгә, минем күз алдыма нәрсәләр килә?

2 а.б. Әлбәттә, яшел чыршы, бүләкләр, изге теләкләрдер, мөгаен. Мин үзем дә яңа ел сүзен ишетүгә хыяллана башлыйм. Дуслар белән яңа елны каршы алулар, бүләкләр, якыннарның СМСкалары...

1 а.б. Я,я... онытылып киттең түгелме, хыялый? Үзеңнең тамашачылар каршында икәнеңне оныттың бугай. Бүген без яңа елда әһәмиятле кешеләр. Безгә зур вазыйфа тапшырылган. Шулай булгач, яңа ел бәйрәмен никадәр яхшырак үткәрсәк, киләсе ел да шулкадәр яхшырак булачак диләрме әле?

2 а.б. Бүгенге бәйрәмгә әзерлек мәктәбебездә инде күптәннән башланды: ул классларны бизәү, кар сыннары ясау дисеңме. Хәер, йөз тапкыр ишеткәнче, бер тапкыр күреп китүең эйбэтрэк.

(видеоролик)

2 а.б. Дуслар, бүгенге бәйрәмебездә һәрберебез биик, җырлыйк, рәхәтләнеп күңел ачыйк.

1.а.б. Тиздән, бик тиздән Кар кызы белән Кыш бабай да килеп җитәчәк.

2.а.б. Кемнәрдер килә анда.... әйдә читтән генә күзәтик үзләрен! (алып баручылар читкәрәк китә, күңелле көй астында ике әби чыга)

Бабай. Алла, абау җаным кая килеп чыктык без? Чыршы да бизәп куйганнар. Болар нишләп утыра монда?

2 әби. Нишлисең инде мәктәпнең директоры чакырды бит безне бирегә. Хәзер икәу яңа ел алып барабыз.

Бабай.. Шулай шул, упкәләмә ахирәт хәтерлар шул кадәрле начарайды. Барысын да тиз онытам.

2 әби. Үзеңә кирәклесен онытмыйсың син. Әллә кайчангы әҗәтләрне сорап тилмертәсең. Я, ярар әйдә яңа ел бәйрәмен башлап җибәрик.

Бабай.. Хөрмәтле дуслар, исәнмесез! Яңа ел белән сезне!

2 әби. Яңа ел! Бу сүзләрне ишетүгә безнең күз алдыбызга хуш исле зифа чыршы, ап -ак кар бөртекләре җемелдәвек сихри утлар килеп баса.

Бабай.Яңа ел диюгә уен-көлке,җыр-бию,Кыш бабай, Кар кызы күз алдына килә.

БЕР ҖЫР 11

Бабай. Кара күрше, беләсеңме мин бит хәзер интернетта бик каты утырам.

2 әби. Кайда утырасың?Интернатта торам дисеңме?

Бабай.. Нинди интернат, ИН-ТЕР-НЕТ дим, интернет! Минем олы улымның малае дәү кеше бит. Шул алып бирде. Нәрсә генә юк анда?

2 әби. Нәрсә бар инде я, барысын белгәч ахырзаман җиту инде бу, ахырзаман.

Бабай.. Менә бер көнне шулай утырам , малай, гороскоп дигән нәрсәгә килеп чыктым. Анда язылганнарны укып шаккаттым. Менә язып та алдым. Нәрсәләр генә юк анда. Һай кая соң күзлегемне тапмыйм ла, укыр идем дә күзлек калган. Әйдә, булмаса балалар бәйрәм итә торсын, без тиз генә өйгә кайтып килик.(чыгып китәләр)

9класс шигырь

1 а.б.Дааа... булдыралар бу әбиләр! Нәкъ менә бу көнне онытылмаслык очрашулар була дигәннәр иде.... дөрес ахры..

2.а.б. Без дә бүгенге бәйрәмгә кызыклы кунаклар чакырдык, мавыктыргыч конкурслар, күңелле музыкаль сюрпризлар әзерләдек, шунлыктан берәүгә дә күңелсез булмас дип ышанабыз.

1 а.б. бүген безгә төрле илләр буенча сәяхәт итү мөмкинлеге биреләчәк һәм без Җир шарының төрле киңлекләрендә яңа елны ничек каршылаулары белән таныша алачакбыз. Безгә бүгенге бәйрәмгә чакырылган чит ил кунаклары ярдәм итәчәк.

2 а.б. Иске елның соңгы сәгатьләре!

Китәсебез килми быелдан.

Бер дә китмәс идек, тик Вакыттан

Артта калу безгә тыелган...

Ә шулай да шатлыклырак булсын,

Кадерлерәк булсын яңасы.

Мәхәббәттә, эштә янасы бар,

Шатлыкларга юллар ярасы...

Гел шатлыкка яусын,

Кар явамы,

Басуларга ләйсән явамы!

Бәхетләрнең туган елы булсын

Иске елның яңа дәвамы.

1 а.б. Англиядә яңа елны бик яраталар, бәйрәмгә берничә көн кала җырчылар һәм музыкантлар урамнарга чыгып халык җырларын башкаралар. Яңа ел төнендә дә урамнарда уенчыклар, сыбызгылар, шарлар сатыла. Санта Клаус барлык өйләргә керә, балалар аның белән уйныйлар. Каршы алыгыз- Англиядән килгән кунаклар!

(Джингл беллз музыкасына бию 8 класс)

2 а.б.Бәйрәмебез бүген шулай сәяхәт, уен-көлке, җыр-бию белән үрелеп барыр. Уеннарда катнашу өчен без бирегә ике команданы чакырабыз.

(музыка астында ике команда чыгып тезелә)

1 а.б. Ә хәзер үзләре белән таныштыру өчен сүзне командаларга бирәбез. Рәхим итегез!

(Командалар танышалар, бер-берсен сәламлиләр)

2 а.б. Рәхмәт сезгә! Бүген конкурсларыбыз бүген нәкъ менә яна ел, кыш белән бәйле булачак. Командаларның ярышын күзәтеп торыр өчен мәртәбәле жюри әгъзаларын бирегә чакырабыз.

1 а.б. Җепшек көнне барыбызның да урамда кар атыш уйнаганы бардыр дип беләм. Беренче бәйге “Кар атыш” дип аталачак, ләкин бер-беребезгә түгел, ә билгеләнгән савытка атып кертергә кирәк булучак. Кемнеке күбрәк керәчәк. Башлыйбыз.

(музыка астында командалар атышалар, жюри санап бара)

2 а.б. икенче конкурсыбызда командалар Кыш бабайга хат язырга тиешләр, ләкин бер шарт белән. Хаттагы һәр сүз б яки к хәрефләренә башланырга тиеш. Уенчыларыбыз әзерләнә торсын, ә без, хөрмәтле тамашачылар, сәяхәтебезне дәвам итәбез һәм сихри Һиндстанга килеп керәбез.

1.а.б.Һиндстанда яна елны төн уртасында түгел, ә кояш чыкканда каршылыйлар. Бу көнне талашырга, ачуланышырга ярамый. Ел ничек башланса, шулай дәвам итә дип санала. Бик иртә торырга , үзеңне тәртипкә китерергә, ашыкмый гына үткәннәреңне искә төшерергә, киләчәк турында уйланырга кирәк. Көндез ук ату буенча ярышлар үткәрелә, халык театры тамашалар күрсәтә.

( 9 класс кызлары Һинд биюе башкара)

2 а.б. Ничек сезгә , ошадымы?Командаларыбыз әзерме икән? Хатларны тыңлап китик.

(Командалар хатларны укыйлар)

2 а.б.Сезгә үзләренең җырларын ___8_____класс укучылары бүләк итә.

1 а. Б. Чираттагы конкрсыбызда һәр командадан берәр кеше катнашачак.

(селфи ясау буенча)

______________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

11 класс Шигырь сөйләү

2 а.б. Дүртенче конкурсыбыз чаңгы ярышы булачак. Командалар чиратлап чаңгы киеп чыршы тирәли әйләнеп чыгарга тиешләр, кайсы команда тизрәк әйләнеп бетә.

(чаңгы, бүрек, бияләй, шарф, кистек таяк)

1 а.б. Чаңгылар киеп бара торгач, Африкага да килеп чыкканбыз икән. Анда да кешеләр Яңа елны бәйрәм итәләр, чыршы урынына пальма агачларын бизиләр. Кайбер кыргый кабиләләр үзара ярышлар оештыралар, учак тирәли бииләр. Каршы алыгыз- Африкадан Тумба-юмба кабиләсе!

(11 класс Африка биюе)

2 а.б. Африкада пальмалар да бизәсеннәр ди, ә менә безнең командалар хәзер бөтенләй дә гаҗәп елкалар ясаячаклар. Бирегә һәр командадан икешәр кеше чакырыла. Шуларның берсе чыршы булып басып тора, икенчесе аны бизәргә тиеш, ләкин безнең чыршыдан уенчыклар алу тыела. Башладык!

(музыка астында чыршы бизәү башлана)

1 а.б. Бигрәк матур чыршылар барлыкка килде. Без инде Кыш бабайны каршыларга тулысынча әзер! жюри членнары аларны дөрес бәяләрләр дип уйлыйбыз.

2 а.б. Сәяхәтебезнең соңгы ноктасы- Россия. Бу көнне безнең илдә Кыш бабай һәм Кар кызын көтәләр.

1 а.б. Борынгы заманнарда безнең бабаларыбыз Кыш бабайны басулар буйлап йөгереп, озын сакалы белән кар-бураннар туздыручы, салкыннар чакыручы явыз карт дип уйлаганнар. Без белә торган бүләкләр алып килүче, киң күңелле Кыш бабайга ул Европаның Санта Клаусы, Пэр Ноэле йогынтысында әйләнгән. Без белә торган әйбәт Кыш бабай 140 еллап яши һәм бер генә яна ел да аннан башка үтми.

(Кыңгырау, бубен тавышлары килә)

1а.б. Кем кыңгыраулар таккан атка утырып килә икән? Кыш бабай түгелме соң?

2 а.б. Урманнар артыннан

һәм таулар артыннан,

Болыннар буйлатып,

Бураннар уйнатып,

КиләбитКыш бабай.

Кыш бабай, суык бабай.

Барысы бергә: Хуш киләсең, Кыш бабай, хуш киләсең Кар кызы!

(Кыш бабай белән Кар кызы керә)

К.б. Исәнмесез, дусларым! Яна ел белән сезне! Җир шары буйлап килүче яңа 2019 нчы ел белән!

К.К. Ап-ак кар бөртекләре

Агартсын күңелегезне!

Яңа ел белән , дуслар!

Котлыйбыз ихлас сезне!

К.б. Яңа ел котлы блсын

Дөньялар тыныч торсын!

Һәрберебез булсын тырыш,

Күңелле үтсен тормыш!

1а.б. Юлда озак килеп арыгансыздыр, бераз ял итеп алыгыз, Кыш бабай!

К.б. Ай рәхмәт, дусларым, безне шулай җылы каршы алуыгыз өчен. Без килешкә нинди матур итеп чыршы бизәп куйганнар!

К.К. Халык юраулары буенча, Яңа елны ничек каршыласаң, ел шулай үтәчәк. Әйдәгез алдагы ел яхшы , күңелле булсын өчен бергәләп җырлыйк, биик.

2а.б. Башлана йөрәкне җилкетеп Яңа ел

Әйтерсең җиңүгә өнди ул яңа җыр

Ямь-яшел чыршылар -Яңа ел байрагы

Ак бәхет өләшә Яңа ел бәйрәме.

Каршы алыгыз- __9________класс укучылары башкаруында җыр!

(____9_____класс җыры)

(2018 нче ел керә)

2018 Нинди яна ел ди ул? Кем әле монда китәргә җыенган? Моның хәтле уңышларга кайсы елны ирештек дип уйлыйсыз? 2018 нче елда бит. Туктагыз, туктагыз! Килми яңа ел һәм килмәячәк тә. Бүген менә ___декабрь, иртәгә _____ декабрь, аннан _______ декабрь.....

1а.б. Ярар ,ярар, туктый гына күр. Ничек алай була инде ул, без бит әзерләндек, әнә укучылар ничек көтәләр. Ни өчен син алай дисең? Кыш бабай белән кар кызы да килеп җиттеләр.

2018 ел . Мин әле бер дә поcттан төшәргә теләмим, китмим, әле эшлисе эшләрем дә бик күп калды. Менә монда барысы да язылган (папканы күрсүтә). Ни өчен әле мин дунгызга юл куярга тиеш, тагын 12 елдан гына хуҗа булачакмын бит мин.

(2019 нчы ел керә)

2019 ел Кайчаннан бирле ишек төбендә таптанам, мине сезнең мәктәптә көтмиләрме әллә?

2 а.б. Менә эт елы постын һич кенә дә калдырырга теләми, китмим ,ди.

2019 ел Күптән пенсиягә вакыт инде сиңа, яшьләргә, матурларга юл бирергә кирәк.

2018 Ә минем 12 айлык тәҗрибәм, стажым бар. Ник моны исәпкә алмыйсыз?

2019 ел Һәр нәрсәнең чиге бар,сиңа да Сарбай 12 генә ай хакимлек итү каралган. Кызганыч, минеке дә шул 12 ай гына. Әле син аны да тартып алмакчы буласың.

2018 ел Алмыйм, миннән соң син булырсың.Берәү дә яңа елга дип ашкынып тормый. Кадерле тамашачыларым, болай да рәхәт бит, әйдәгез минем белән калыгыз. Каласызмы?

2019 ел Калабыз димиләр бит , күрәсеңме?

2018 ел Әйдә булмаса, ярышып карыйк, кем җиңә- ел шуныкы.

2019 ел Ярар соң, нигә куркып торырга. Мин әле яшь, көчле.Син инде картайгансың, йөзеңне җыерчыклар баскан. 12 айлык тормыш йөген тартып, арыгансың.

2018 ел Нишләп картаыйм мин? Күрсәтәм әле мин гайрәтемне.

2019 ел Ничек ярышабыз соң?

2018 ел Алыштанмы? Салыштанмы?

2019 ел Көлмә-көлмә! Минем яңа елны көтеп торучы күпме дусларым бар!

К.б. Сарбай дус, Син бер ел буе безгә намус белән хезмәт иттең, бик зур рәхмәт сиңа! Әйдә инде матур гына китә дә бел.

2018 ел Бер дә китәсе килми бит. Аркан тартышсак, мин бу челдембине җиңәрмен күк.

(аркан тартышу)

2018 ел Булмас ахры,җиңде бу мине Үземнең Хакимлегемне бик хаклы рәвештә сиңа тапшырам, яңа 2019 ел!

К .к. Яңа елда исән-мул тормышка

Аяк бассак иде, йә Рабби!

Кил, Яңа ел, изгелегең белән,

Явызлыкны беркем яратмый.

8 класс (бер шигырь)

1.а.б. Кыш бабай, син бик ерак юллардан килгәнсең, без беләбез: син беркайчан да буш кул йөрмисең. Әйдә булмаса капчыгыңны чиш, безгә нинди бүләкләр әзерләдең икән?

К.б. Ай, дусларым! Ярый искә төшердегез, күчтәнәч, бүләкләрне сезгә бирергә дә онытып торам икән бит. Менә Кар кызы белән миннән сезгә сюрприз!

(кыш бабай белән флеш-моб)

2а.б. Ай рәхмәт , Кыш бабай! Менә шаккатырдың, ичмасам!

К.б. Кадерлеләрем, менә безнең вакыт бетеп тә килә. Без юлыбызны дәвам итик.

К.к. Әллә ниләр вәгъдә итеп,

Серле Яңа ел килә.

Әйтерсең лә җир йөзенә

Күктән зур бәхет иңә.

Бәрәкәтле кил , Яңа ел.

Уз әйдә түргә таба.

К.б. Барыгызга да сәламәтлек, зур уңышлар, иминлек, матур көннәр телибез. Тагын бер кат бәйрәм белән!

Яңа елда яңа уңышлар сезгә

Бүгенгедәй һәрвакыт булыгыз көләч

Күрешербез Яңа елда,

Тагын да бер ел үткәч.

1а.б. Хәерле юл сезгә Кыш бабай, Кар кызы!

Зур өметләр баглап, эре атлап,

Өр яңа ел килде җиремә.

Имин тормыш, куанычлар гына

Алып килсен туган илемә.

Суз жюригэ бирелэ. Булэклэулэрдэн сон

(барлык катнашучылар сәхнәгә чыга, финал җыры башкарырга)

2 а.б. Җырлыйк дуслар бергә-бергә,

Яңгырасын яңа җыр.

Ак бәхетләр, ак шатлыклар

Алып килсен яңа ел!

(җыр башкарыла)

«Эй яна ел яна ел»

эй яна ел яна ел

эйлэндерэ жир шарын

килеп житэр буранлап

онытмыйча без барын

эй яна ел яна ел

эйлэндерэ жир шарын

шатландырып халыкны

килеп кер син ел саен

яна урлэр яулап ойгэн кебек

яна еллар бик тиз килеп житэ

яна сулыш биреп хэр кемгэ дэ

яна еллар бэхетлэргэ илтэ

онытмыйча сине дэ мине дэ

олэшэ ул бэхет шатлыгын да

экияттэй серле ул яна ел

эйлэндерэ хэтта жир шарын да

эй яна ел яна ел

эйлэндерэ жир шарын

килеп житэр буранлап

онытмыйча без барын

эй яна ел яна ел

эйлэндерэ жир шарын

шатландырып халыкны

килеп кер син ел саен_____(2 тапкыр)

яна елда гуя яшэрэбез

эйлэнсэк тэ еллар кучэрендэ

шушы бэйрэм генэ килэчэккэ

омет булып яна кунеллэрдэ

эй яна ел яна ел

эйлэндерэ жир шарын

килеп житэр буранлап

онытмыйча без барын

эй яна ел яна ел

эйлэндерэ жир шарын

шатландырып халыкны

килеп кер син ел саен_____(2 тапкыр)

1а.б. Ераклардан алган кебек дәшеп

Каршыладык аны бергәләп,

Кышлар карлы, җәйләр чыклы булсын,

Барысы бергә:КОТЛЫ БУЛСЫН ЯҢА ЕЛ!

Адрес публикации: https://www.prodlenka.org/metodicheskie-razrabotki/340624-scenarij-novogo-goda