Қысқа мерзімді сабақ жоспары

Сабақтың тақырыбы: Топтау сан есімі

Сабақтың түрі: той сабақ

Күні 1 ші сабақ

7 сыныпҚазақ тілі мен әдебиеті кабинеті

Сабақ соңындағы нәтижелер: Менің ойымша тәжірибе барысындағы бүгінгі сабағым жоспарлы түрде, ойдағыдай өтті.Оқушылардың сабаққа деген қызығушылықтары артып, кеспе қағаздар арқылы жұмыс жасағанда, кітапта берілген жаттығуды орындау барысында жұппен белсенді жұмыс жасады. Топқа бөліп, топтық жұмысты да тез орындап, тақтаға жазды. Жаңа сабақты талдағанда бірігіп топпен жұмыс жасады, осы орайда рөлдерге өздері бөлініп, рөлдерін жақсы орындады. Әр топтың бақылаушысы әр балаға формативті бағасын қойды және түсініктеме жасап отырды. Стиктерге өз ойларын жазған кезде қысылмай, анық жазды. Ең алғаш рөлдерге бөлгенде қызметтерін жақсы атқарды. Бірақ өз-өздерін бағалау барысында, бақылаушы бала формативті бағаны әділ қоймады. Сыныптастарының көңіліне қарап, әрі бағалаудың бұл түріне үйренбегендіктен. Сабақ аяқталғасын мен өзімнің суммативтік бағамды қойдым.

Сабақ барысында қиындықтар туындаған жоқ, оқушылар өте белсенді, ұйымшылдық танытты.

Осы сыныптағы жақсы оқитын оқушылар біліміне, ынтымақтастық атмосферасына, арамыздағы қарым- қатынасқа сендім. Бірінші «бетпе- бет» кезеңіндегі алған теориям мен білімімді осы сабақта сеніммен жүзеге асырдым.

Сіз нені дамытар едіңіз? Оқушылардың сабақта еркін отырып,өздігінен білім алуларын,осы сыныптың ұйымшылдығын, әлі де терең білім беруді, мәтінмен жұмысты, грамматикалық қателіктерді жібермеуді дамытқым келеді. Алдағы уақытта видеоға түсіруді жалғастырамын, себебі оқушылар да, өзім де түсірген видеоны көре отырып, сабақта жіберген қателіктерімізді өздеріміз түзеп, жақсы түсініп, талдаймыз.

Сіз нені өзгерткіңіз келеді? Курста алған білімімді толық әр сабағымда қамтығым келеді.Баланың ізденісін 80% ға дейін көтеріп,оқушылар бойына өздігінен білім алу дағдысын қалыптастырып, әр сабаққа өз түйіндегендерін жазуды дағдыға айналдырғым келеді. Қазақ тілінде еркін сөйлеу дағдыларын қалыптастырғым келеді.

Сабақты бағалау:

45 минутқа қарастырылған сабақ.

Бәрі қалай өтті?

Сабақтың жағымды сәттері.

Сабақ қарқыны алдыңғы дәстүрлі сабақтармен салыстырғанда жақсарды. Бұрын менің мақсаттарымның бірі тәртіп болатын, бүгінгі сабақта оқушылардың қызығушылықтары анық көрініп тұрды, олар артық сөйлеген де жоқ.Сабаққа бірден кірісті, оны ой толғауда байқадым. Оқушылардың көңіл – күйі ұйымдастыру кезеңінде байқалды. Мен сабақ уақытында көзбен шолу көрінісін қолдандым,себебі әр баланы сабақ барысында зерттеп, қадағалап отырдым, қай балаға көмек керек болды, соған жеке-жеке қастарына барып көмек көрсеттім.Оқушылардың білім деңгейін кітаптағы жаттығуды орындағанда байқадым. Жалпы осы сабағымда бірінші «бетпе – бет » кезеңінде алған білімімді жүзеге асырдым, бағалаудың барлық түрлерін қолдандым. Сабақтың соңында алған білімдерін түйіндеуді дағдыға айналдырдым.

Сіз қандай күшті жақтарға сүйенесіз?

Алғашқы сабақтың бірі болғандықтан менде жұмыс түрлері жақсы өтті немесе бағалау әдісі оқушылардың ілгерілеуін көрсетумен болды деп айта алмаймын. Жұмыс қарқыны, уақытты есептеу және тәртіп ережелерінің нормалары сақталды деп те айта алмаймын.

Өз тәжірибемде оқушылардың тіл байлығын,тілдік дыбыстарды дұрыс айтуға, тіл мәдениетін,сөз байлығын және ой өрісін кеңейту үшін жұмыстар ұйымдастырдым, әрі қарай алдағы уақытта да жалғастыруды басты мақсаттарым деп ойлаймын.

Барлық сабақ барысында оқушылар қарқынды жұмыс жасағанын, пәнге деген қызығушылықтарын әлі де арттыру, сабақ барысында жұмыс түрлерін өзгертіп отыруды мақсат етемін, осы курста алған бар білімімді, күш жігерімді салуға тырысамын.

Осы бойынша сіз не істей аласыз?

Келесі сабақтарымды да дұрыс ұйымдастыру, жоғарыда айтылған мақсаттарымды жүзеге асыру.

Егер сіз бәрін алдын ала ескерсеңіз сабаққалайөтер еді?

Талқылау барысында сан есімгебайланысты оқушылардың білімін тексеру үшін мен тікелей сұрақтар қояр едім.

Оқушылар сабақта бос болған жоқ. Олар топқа бөлініп, жаттығуларды орындау барысында, көптеген келіспеушіліктер болды, топтағы балалардың кейбіреулері бір – бірімен тіл табыса алмады. Жақсы оқитын оқушы қазақ тіліне қызығушылығы жоқ оқушымен бір топта болуға қарсылық білдірді. Ал басқа оқушылар жетістіктеріне жеткендеріне және сол топтағы нашар оқитын баланың тақтаға шығып дұрыс жауапты жазғанда өте қуанды. Өздерінің жетістіктерін өздері көріп, бағалады.

Дәл осындай қарқынмен ұйымдастырылған сабақтарда, үндемей отыратын оқушылардың қызығушылықтарын ояту. Күндегі сабаққа қатыстырып, тапсырмаларды күрделендіріп отыру.

Алдағы тәжірибемде сабақ беру үрдісін дәл осылай ұйымдастырып, жақсы жетістіктерге жетемін деп ойлаймын. Өкінішке орай уақыттың аздығынан тәжірибемізді қорытындылауға мәжбүр болдық.

Осы бойынша сіз не істей аласыз?

Осы курста үйренген әдіс – тәсілдерді қолданып, алған білімімді тиімді пайдаланып, оқушылардың қазақ тіліне деген қызығушылықтарын арттыру басты міндетім деп ойлаймын.

Не орындалады?

Мен сыныпты басқа қырынан танып білгеннен кейін әрқайсысына әр түрлі рольдерді (тәлімгер, бақылаушы, репортер,хатшы) бөліп беремін. Сынып жетекшісінің қатысуы, бақылауы,өз ойын түйіндеуі.

Сіз не жасауғаұмтылар едіңіз?

Оқушылардың өздігінен жұмыс жасағанын, жұмыс түрі кезеңділігімен өтілуін және тікелей сұрақтарды көп қолдану, топтық және жұптық жұмыстарды әрі қарай дамытар едім.

Келесіге жоспарлау

Өз мақсатыңызға жету үшін не жасау қажет?

Сабақты жоспарлау және өткізу.

Сіз дереу не істей аласыз?

Жоғарыда.

Сізқандайқолдауға зәрусіз?

Тәлімгермен/мұғалімнен кеңес/ өздігімен талдау/жоғарыдан көмек және өзімнің қасымдағы әріптестерімнің, сынып жетекшілерінің, ата - аналардың көмегін күтемін.

Алдағы практикамда бірінші «бетпе - бет» кезеңінде үйренген сабақ жоспарын тиімді ұйымдастырып, курста алған білімімді әр сабағымда қолданып, балалардың білімін тереңдетіп, жақсы жетістіктерге жетуді мақсат етемін.

Адрес публикации: https://www.prodlenka.org/metodicheskie-razrabotki/36909-ysa-merzimdi-saba-zhospary