Квест в Простоквашино: математическое приключение для подготовительной группы

Шөгыль барышы :(оештыру моменты: уңай психологик халәт тудыру)

Тэрбияче: Хәерле көн, балалар! Кәефләрегез ничек?

Балалар:Яхшы.

Тәрбияче: Без үзебезнең яхшы кәефне, матур елмаюыбызны башкаларга да бүләк итик эле.

Балалар: (бергә)

Кулларымны сузам сина

Дустым елмаеп – көлеп.

Кушылсыннар башкалар да

Безнең дуслыкны күреп.

Тәрбияче:-Балалар, миңа бүген ниндидер смс килде? Кемнән икәнен ничек белергә була? (ачып карап)

Сез барыгыз да беләсез, телефонга килгән смсларны зурлардан башка ачып укырга ярамый.(тәрбияче смсны укый)

“Кадерле балалар, без Шарик белән тагын тавышландык. Шарик, Федор абыйның санлы леголарын яшереп куйды. Аларны эзләп табырга сезнең ярдәмегез кирәк. Песи Матроскин”

2. Төп өлеш.

1) Тәрбияче:Балалар, бу хатны кем җибәргән?

Балалар:песи Матроскин.Песи Матроскин безне кая чакыра? Хәтерлисезме, песи Матроскин белән Шарик кайсы авылда яшиләр?

Тәрбияче: Простоквашинада. Без аны кайда икәнен белмибез. Картадан карыйк әле.

(тактага карта эленә).

Тәрбияче: Менә ул карта. Карагыз әле монда Простаквашина авылы картада кайда урнашкан?

Балалар: картаның өске өлешенең уң ягыңда

Тәрбияче: Безнең балалар бакчасы кайда урнашкан?(картаның аскы өлешенең сул ягында).

Тәрбияче:Монда 2төрле юл бар.

Юллар төрле-төрле, кайсы юл белән барсак, тизрәк барып җитәрбез дип уйлыйсыз?

Балалар: Кыска юл белән.

Тәрбияче: Ә ничек беләбез без ул кыска юлны?

Балалар: Үлчәп карап.

Тәрбияче: Әйе, юлның кыскасын белер өчен үлчәп карарга кирәк. Менә минем кулда лента. Ул ни өчен кирәк?.

Балалар:Үлчәр өчен.

Тәрбияче: Сез ничек уйлыйсыз, аның белән юлны үлчәп буламы?

Балалар:Була.

Тэрбияче: Ә ничек итеп?

Балалар:Куеп карап.

Тәрбияче: Менә бу 1нче номер белән билгеләнгән юлның озынлыгын белү өчен. Залина үлчәп күрсәтсен әле (бала улчи)

Балалар: 4 тапкыр улчәдем.

Тәрбияче: Ә хәзер 2нче юлның озынлыгын үлчәп карыйк, бәлки ул 1нчесенә караганда кыскарактыр, Айрат үлчәп күрсәтсен әле.

(бала үлчи)

Балалар: 3 тапкыр

Тәрбияче: Ә хәзер әйтегез әле 1нче юлмы, 2нче юлмы кыскаракмы?

Балалар: 2нче юл кыскарак.

Тәрбияче: Ни өчен шулай уйлыйсыз?

Балалар: Чөнки 3 саны 4 санына караганда кечерәк.

Тәрбияче: Димәк,нинди юл белән барабыз инде?

Балалар: 2нче юл

Тәрбияче: Әйе, иң кыска юл икенче. Ләкин ул нинди? (тар, киң). Картаны игътибар белән карагыз әле, анда тагын нәрсәләр күрәсез?

Балалар: агачлар һәм куаклар.

Тәрбияче: агачлар, куакларга караганда нинди?

Балалар: Агачлар биек, куаклар тәбәнәк.

Тәрбияче: Агач уң яктан ничәнче булып тора? Куак сул яктан ничәнче булып тора? Менә хәзер без барысын да ачыкладык.

Тәрбияче: Балалар, тизрәк барып җитәр өчен, нинди транспорт тәкдим итәрсез? Балалар: поезд, машина,...

Тәрбияче: Поезд белән барырбыз.

(мультфильмнанмузыка яңгырый «Каникулы в Простоквашино»)

(Балалар бер-бер артлы тезелеп басалар.)

2) Тәрбичяче:Балалар, поезда барганда күңелсез булмасын өчен, бергәләп, уйнап алабыз, мин сезгә сораулар бирәм, сез җавап бирәсез.(туп белән)

3) Сүзле/уен:”Тизрәк, әйт”

Бүген атнаның ничәнче көне?

Атнаның кайсы көннәре –ял көннәре?

Атна нинди көннән башлана?

Хэзер нинди ел фасылы?

Яз билгеләрен ата.

1 сәгать тә ничә минут?

1 минут та ничә секунд?

8. Бүген атнаның нинди көне?
9. Кичә нинди көн иде?
10.Иртәгә нинди көн була?
11. Нинди көннәрне сез бакчага йөрмисез?
12. Бер атнада ничә көн?
13.Пәнҗешәмбедән соң нинди көн?

4)Тәрбияче:Менә килеп тә җиттек. Безне песи Матроскин каршы ала.

-Балалар, хатта нәрсә әйтелгән иде? Шарик леголарны яшереп куйган. Безгә аларны эзләргә кирәк. Ләкин аларны каян гына табарбыз микән?. Миңа монда Шариктан смс килде эле. Укып карыйк эле.:” Һәр биремне төгәл үтәсәгез, леголар яшерелгән урынның карта өлешләрен алырсыз.”

Тәрбияче:Безгә биремнәрне төгәл һәм тизрәк үтәү өчен командаларга бүленергә кирәк. Кайсы герой сезгә кубрәк ошый, шулар янына килегез, балалар.

5) 1 бирем.Д/уен:”Күрше саннарын яз” (балалар саннарның куршеләрен язалар, команда эшләп бетергәч, балалар, кулларын тотынган килеш, өскә күтәрәләр).(һәр командага картаның бер өлеше бирелә).

Тәрбияче : 1нче биремне үтәдегез.Хәзер 2 сен карыйк.

6) 2 бирем. Д/уен:“Рәсем буенча мәсәлә төзеп, чишелешен яз” дип атала. (балалар мольбертта гамәлен язалар) (команда эшләп бетергәч, балалар кулларын, тотынган килеш, өскә күтәрәләр).(һәр командага картаның бер өлеше бирелә).

7) 3 бирем. Д/уен:“Песи Матроскинны балык белән сыйла” кушу һәм алу гамәлләрен эшләү.

Тәрбияче:Песи Матроскинның күңелен күтәреп җибәрик әле. Аңа шушы балыктагы гамәлләрне дөресләп эшләп, бүләк итик. (команда эшләп бетергәч, балалар кулларын, тотынган килеш, өскә күтәрәләр).(һәр командага картаның бер өлеше бирелә).

8) Ял минуты.

Дүшәмбе су коендым, (йөзеп күрсәтәләр)

Сишәмбе рәсем ясадым (рәсем ясап күрсәтәләр)

Чәршәмбе озак итеп юындым, (Юынып күрсәтәләр)

Пәнҗешәмбе футбол уйнадым (Бер урында йөгерәләр)

Җомга көнне сикердем, йөгердем, (Бер урында сикерәләр)

Озак итеп биедем. (бер урында әйләнәләр)

Шимбәдә һәм якшәмбедә (кулларын чәбәклиләр.)

Көннәр буе ял иттем. (утыралар һәм йокыга талалар)

9)Д/уен:”Геометрик формаларның паспортын төзе”

-Хәзер геометрик формаларны искэ төшереп китик эле, нинди геометрик формалар беләсез. Мин аларны сезгә атыйм, сез миңа геометрик фигуралар ярдәмендә паспортларын төзерсез.

Тәрбияче:Менэ безнең картаның кисәкләре табылды. Әйдәгез,аны җыеп карыйк. (җыялар, леголарны табалар)

Леголарны саннар буенча дөрес итеп, җыялар, аны икенче якка әйләндергәч, “математика” сүзе килеп чыга.

Балалар, безне Шарик математика фәне буенча сынап карыйсы килгән, сезнең белемегезне тикшергән. Безне хәйләләгән. Ләкин ул сезнең тырышлыгыгыз өчен менә мондый бүләкләр өләшә. (ручкалар)

Хәзер узебезнең бакчага кайтыйк. Поездга утырдык. Кузгалдык.

Шөгыльгә анализ.

Тәрбияче :Балалар, сезгә Шарикка булышу ошадымы?

Тәрбияче :Нәрсәләр ошады?

Шөгыль тәмам .

Адрес публикации: https://www.prodlenka.org/metodicheskie-razrabotki/422365-v-gosti-v-prostokvashino