Конспект занятия по окружающему миру в ДОУ: Зимние чудеса и забавы

Айналамен таныстыру.

Сабақтың тақырыбы: Қыс қызығы.

Сабақтың мақсаты:Қыс мезгілі туралы түсініктерін кеңейту.

Сабақтың міндеттері:

Білімділік:Балаларға қыс мезгілінің көрінісін ауызша айтып, суреттеу әдісі арқылы еркін сөйлеуге үйрету. Өзіне тән ерекшеліктерін ажырата білуге, ойын толық жеткізе білуге үйрету. Қысқы ойындарға қажетті құралдарды атау.

Түзете – дамытушылық: Табиғат құбылыстарын алуан құбылыстарды меңгеруге дағдылану. Балалардың байқағыштық, есте сақтау қабілеттері дамыту.

Тәрбиелілік: Табиғатты аялай білуге тәрбиелеу. Әдептілікке, ұқыптылыққа, шапшаңдыққа тәрбиелеу.

Сабақтың түрі: аралас сабақ.

Әдіс-тәсілдері:әңгімелесу,сұрақ-жауап,сергіту сәті, ойын.

Көрнекі-құралдар:мазмұнды суреттер, қыс көрінісінің суреттері, мақта, бояу, ойынға қажетті заттар, т.б.

I апта

Сабақтың барысы: I. Ұйымдастыру кезеңі: қызмет алушылардың зейінін сабаққа аудару, оқу құралдарын жинақтау, ой қозғау (көрнекіліктер арқылы).

Жылулық шеңберінде тұрып жылы лебіз, тілек сөздерін айту.

Шаттық шеңбер: Мейрімділік жүрекпен,

Ақ пейілді тілекпен,

Амандасып алайық,

Бір жадырап қалайық.

III. Жаңа сабақ.

Психологиялық дайындық Балалар, бүгінгі сабақтың тақырыбы «Қыс қызығы». Сабақ алдында мен сендерге сәттілік тілеймін, жаңа Жылдарыңыз құтты болсын! Ал енді, сендер бір- біріне  Жаңа жылға тілек тілеңдер .   (Балалар бір- біріне тілек тілейді).  Балалар,  сабақты мен ұлы ақын Абай Құнанбаевтың  өлеңімен бастаймын:

                     Ақ киімді, денелі, ақ сақалды,

                     Соқыр- мылқау танымас  тірі  жанды.

                     Үсті-басы- ақ  қырау, түсі суық,

                     Басқан жері сықырлап, келіп қалды...

 Балалар, қалай ойлайсыңдар, бұл өлең не туралы?   (Қыс туралы) 

Қай мезгіл деп ойлайсыңдар балалар?

-Қыс мезгілінің белгілерін білеміз бе?

-Еңдеше боран соққанын қимылмен қалай көрсетеміз?

-Қатты аяз болып, тоңғанда не істейміз?

-Ал күн шыққанда не істейміз?

-Балалар, енді қыс айларын атайықшы.

*Желтоқсан-жылдың аяғы, қыстың басы, ол суық, ызғарлы.

*Қаңтар-жыл басы, қыстың ортасы, ол ең қарлы ай, қатты суық, үскірік аяз болады.

*Ақпан-жел мен боранның айы,ең ауыр, суық боранды ай.

Балалар, біз тоңбас үшін үстімізге қандай киімдер киеміз? Қане, іс-қимылмен көрсетейікші.

-Қыста не жауады?

-Қардан не жасаймыз?

-Мынау ненің суреті?

Аққала неше бөліктен тұрады?

Оның бөліктерінң пішіндері қандай?

-Жарайсыңдар балалар, жақсы ойнадыңдар.

Сурет көрсету. Суреттерге қарап суреттеп айтып беру.

IY.Сергіту сәті: Күн болып жанайық.
Су болып ағайық.
Терең - терең демалып,
Жүгіріп, жүгіріп алайық.
II апта

Сабақтың барысы: I. Ұйымдастыру кезеңі: қызмет алушылардың зейінін сабаққа аудару, оқу құралдарын жинақтау, ой қозғау (көрнекіліктер арқылы).

Мен сендерге жұмбақ жасырамын.

Аппақ, бірақ сүт емес,
Аппақ, бірақ бор емес,
Аспаннан ол түседі,
Даланы ақпен жабады.  (қар)

Терезеге қонады,
Әсем ою ояды. (қырау)

Аяғы жоқ, қолы жоқ,
Бірақ тістеп алады. (аяз)

Тоңса біздің қолымыз,
Қолға киіп аламыз.
Сарт-сарт-сарт
Шапалақ соғамыз
Тоңса менің аяғым,
Етік киіп аламын.
Топ-топ-топ
Топылдатып билеймін

Балалар үнемі жылы жүру үшін не істейміз? Киінуіміз керек, қандай киімдер  киеміз? Малақай, қолғап, шарфик, тон немесе куртка. Ендеше  осы аталған  киімдерді өз бетімізше түрлі-түсті бояулармен бояп шығайық. (бояп шығу)

Тапсырма: «Жапалақтап қар жауды» үрлеу жаттығуы

Альбоммен жұмыс: Қыс мезгілі суреттерін түрлі-түсті бояумен бояу.

IY.Сергіту сәті.

III апта

Сабақтың барысы: I. Ұйымдастыру кезеңі: қызмет алушылардың зейінін сабаққа аудару,Балалардың зейінін сабаққа аудару, оқу құралдарын жинақтау, ой қозғау (көрнекіліктер арқылы).

Психологиялық дайындық.

Табиғат! Тіршіліксің тұнып тұрған.

Сен – күнсің!

Көтерілген күліп қырдан.

Сен – Көлсің, Сен – Ормансың, Сен – Бұлақсың,

Адамды сұлулыққа құнықтырған.

Альбоммен жұмыс: Қыс мезгілі бейнеленген суреттерді қарындашпен бояу.

IY.Сергіту сәті.

IY апта

Сабақтың барысы: I. Ұйымдастыру кезеңі: қызмет алушылардың зейінін сабаққа аудару, оқу құралдарын жинақтау, ой қозғау (көрнекіліктер арқылы).

Шаттық шеңбер: Аспанымыз ашық болсын!

Көк туымыз биік болсын!

Деніміз сау болсын!

Еліміз тыныш болсын!

 «Аққала құрастыру»ойыны. Қырқылған аққаланың бөліктерін құрастырып жинау.

IY.Сергіту сәті:

Тапсырма: Көп нүктенің орнына тиісті сөздерді жазу.

Қыс айлары: ..., ..., ... . Жерді қалың ... жапты. Қыста жиі ... жауып, ... соғады. Ағаш бұтақтары ... ... жамылған. Шанасын сүйретіп ... далаға шықты.

VI. Қорытынды. Сұрақ-жауап арқылы тақырыпты қорытындылау.

VII. Бағалау. Балаларды жеке-жеке мадақтау.

Күтілетін нәтиже:

Меңгереді: Жыл мезгілдерін ажырата отырып,қыс мезгілі туралы білуі керек.

Игереді:Қыс қызығы туралы игереді.

Біледі:Қысқы ойын түрлерін атауды, жұмбақтар шешу арқылы тапсырмаларды орындауды, қысқы табиғат көрінісіндегі ерекшеліктерін ажырата біледі.

Адрес публикации: https://www.prodlenka.org/metodicheskie-razrabotki/435070-zimnie-zabavy