Бәсекеге қабілетті маман даярлау-басты мақсат

«Бәсекеге қабілетті маман даярлау – басты мақсат»

Мақсаты: “Болашақта бәсекеге қабілетті тұлғаны даярлай отырып,өз отанына еңбек етуге барынша бағыт беру ”

Бүгінгі таңда еліміздің Президенті Н.Ә. Назарбаев отандық білім берудің алдында жоғары талап қойып отыр. Нарықтық экономика еңбек нарығында бәсекеге қабілетті мамандарды қажет ететіні белгілі. Бұл оқу орындарының барлық салаларына жаңа талап, жаңа міндет, жаңа мақсаттар жүктейді. Осыған орай білім беру жүйесінде оқытушыларға қойылатын басты талаптардың бірі – өмірден өз орнын таңдай алатын, өзара қарым-қатынаста өзін еркін ұстап, кез-келген ортаға тез бейімделетін, белгілі бір ғылым саласынан білімі мен білігін көрсете алатын, өз ойы мен пікірін айта білетін полимәдениетті жеке тұлға қалыптастырып, бәсекеге қабілетті маман тәрбиелеу.

Білім берудің қазіргі замандағы негізгі мақсаты білім негізін беріп, білік пен дағдыны қалыптастырып, болашақ мамандық иесі болуға машықтандыру ғана емес, сонымен қатар жеке тұлғаны дербес, әлеуметтік, кәсіби ұтымды шешімдер қабылдап, оны жүзеге асыра білуге даярлау болып табылады. Яғни, бүгінгі оқушы, келешек маман бәсекеге қабілетті, жан-жақты дамыған, өз Отанына қызмет етуге даяр тұлға болып шығуы тиіс.
Қазіргі жедел ақпараттандыру мен жаһандану заманында «Отансүйгіштік» деген сөздің жанында «Мемлекеттік тіл» деген ұғым қатар тұрмақ.. Өскелең ұрпақты мемлекеттік тілімізді, еліміздің тарихын, салт-дәстүрін білуге, оны құрметтеуге, оқушыларды қазақстандық патриоризмге тәрбиелеу ісінде колледждегі қазақ тілі оқытушыларының атқарған істері өте көп. Біздің оқытушыларымыз Отанға деген сүйіспеншілік алдымен өз оқу орныңнан басталады деген қағиданы берік ұстанған.

Күні бүгінде мұғалімдердің кәсіптік қабілетін шыңдау, инновациялық технологияларда оқу – үрдісіне еңгізуге көмектесу, оқу әдістемелік әдебиеттермен және оқу құралдарымен қамтамасыз ету, оқу – тәрбие процесіндегі ғылыми – зерттеу нәтижелерін, жаңа педагогикалық тәжірибелерді насихаттау, тарату мақсатын алдына қойған «Оқу – тәрбие үрдісінде инновациялық технологияларды еңгізу арқылы сапалы кәсіптік білім беру.

Әр баланы терең зерттеп, оның жеке басының қасиеттерін құрметтеп, қоғамда өз орны бар азамат ретінде сенім артып, оқу – танымдық әрекетінің жемісті нәтижелі болуына қолайлы жағдайлар мен мүмкіндікті туғызуды басты мақсат ету.

Колледж ұстаздар қауымы бәсекеге қабілетті кәсіпқой жұмысшы мамандар дайындауға, оқыту мен білім сапасын арттыруға озық тәжірибелерді жан-жақты пайдаланып, сенім биігінен көрінетіндігімізге сенімдіміз.

Оқытушылар өз сабақтарында оқытудың жаңа технологияларын енгізіп, жаңа әдіс тәсілдерді қолданып, оқушылар үшін бар жағдайды жасауда.

Адрес публикации: https://www.prodlenka.org/metodicheskie-razrabotki/46373-bsekege-abiletti-maman-dajarlau-basty-masa