Конспект открытого урока по казахскому языку на тему «Ана тілім әнім»

Макаева Камшат Даулетовна

КГУ "ОСШ №17 им. В.В. Маяковского"

Учитель казахского языка и литературы

Сабақтың тақырыбы: Ана тілім - әнім
Сабақтың мақсаты:1.Білімділік:Оқушыларға қазақ тілінің қоғамдық қызметі мен маңызын нақты деректер келтіре отырып түсіндіру,өлеңді жаттауға оқыту.

2.Тәрбиелік:Оқушыларды ана тілді құрметтеуге, ұлтжандылыққа тәрбиелеу.

3.Дамытушылық:Оқушылардың сөйлеу тілдері мен сөздік қорларын күрделендіру.

Сабақтың түрі: дәстүрлі сабақ
Сабақтың әдіс-тәсілі: түсіндіру, сұрақ-жауап, әңгімелеу,деңгейлік тапсырмалар
Сабақтың көрнекілігі: Қанатты сөздер
Пәнаралық байланыс: Ән-күй

Сабақтың барысы:
І. Ұйымдастыру кезеңі: 1.Оқушылармен сәлемдесу.
2.Оқушылардың зейіндерін сабаққа аудару.
3.Оқушылардың сабаққа қатысын тексеру.
4.Оқушыларға сабақтың тақырыбы мен мақсаты туралы хабарлау
ІІ. Үй тапсырмасын тексеру.

ІV.Сабақтың мақсатын айту.

V. Жаңа сабақ. Ана тілім-әнім 1.Өлеңді мәнерлеп оқу. Түсіну, сұрақтарға жауап беру.

    Ана тілім – әнім                                            

Ана тілім – менің                                            

Әлдилеген әнім

Ана тілім – демім,                                         

Ана тілім – жаным.

Жанымнан да қымбат

Ана тілім маған.

Ана сөзін тыңдап,

Үлгі-өнеге алам.

Ана тілім – анам,

Аппақ қардай арым.

Мұра еткен бабам,

Жарқыраған шамым.

( Қ. Қайымов)

Сөздікпен жұмыс.Ар,үлгі-өнеге,мұра,баба,әлдилеген,дем,қымбат сөздермен сөз тіркестерін құру,синонимдерін табу.

2.Деңгейлік тапсырмалар.

1 деңгей.Өлеңді қара сөзбен әңгімелеу.Ана тілі -септеу

2 деңгей.Үлгі -дыбыстық талдау, әлдилеген ән-тәуелдеу

3 деңгей.Өнеге –дыбыстық талдау,мұра-септеу

3.Мақал-мәтелдерді түсініп,жатқа оқу.

1.Ең ащы да тіл, ең тәтті де – тіл.

2.Өнер алды – қызыл тіл.

3.Тілге құрмет – елге құрмет.

4.Тіл қылыштан өткір.

4.Ұлылардың айтқан тіл туралы қанатты сөздердің мағынасын түсініп,әңгімелеу.

Тіл – жұрттың жаны. Тілінен айырылған жұрт – жойылғанжұрт.

Х.Досмұхаммедұлы

Тілден биік асқар тау, тілден асқан байлық жоқ, тілден терең теңіз жоқ.

Ғ.Мүсірепов

Ұлт үшін тілінен қымбат еш нәрсе жоқ

М.Жұмабаев

5.Бес жолды өлең құру.

Бекіту.Кластер құру,қорытындылау.
VI. Оқушылардың жауаптарын бағалау.
VІI. Үй тапсырмасы. Өлеңді жаттау,сөздерді жаттау. «Ана тілім –арым» тақырыбына әңгіме құру

Адрес публикации: https://www.prodlenka.org/metodicheskie-razrabotki/49573-konspekt-otkrytogo-uroka-po-kazahskomu-jazyku