Өлкәннәр төркеме балалары белән "Язгы табигать"квест уены

Өлкәннәр төркемене балалары белән "Язгы табигать"квест уены

Максат: балаларның экологик белемнәрен активлаштыру һәм системалаштыру.

Бурычлар:

-Үсемлекләр, күчмә кошлар турында белемнәрен ныгыту

-Туган җиргә хөрмәт һәм табигатькә сак караш тәрбияләү.

-Командада эшләргә өйрәтү.

Җиһазлау: үсемлекләр- беренче чәчәкләр турында видео язма. Экран, «язгы урман "картинасы. Кош силуэтлары, балчык, ботаклар, үләннәр, мамык. "Бөҗәкләр»җыелмасыннан иллюстрацияләр. стакан белән су, кашык. Балалар саны буенча " табигать белгече”дип язылган медальләр. Карта-хәрәкәт схемалары; экология буенча тыю билгеләре.

Беренчел эш:

1. Балаларга бөҗәкләр турында энциклопедия уку.

2.Беренче чәчәкләр открыткаларын карау.

3. Җир турында мәкальләрне ятлау.

4.Урамда кошларны күзәтү.

Уен барышы

- Тәрбияче: Исәнмесез, балалар, мин сезне яз бәйрәме белән котлыйм. Язның нинди айларын беләсез? (балалар җаваплары)

Язны өч өлешкә бүләләр: март-яктылык язы, апрель – су язы, май – яшеллек язы. Яз бик серле һәм могҗизалы. Мин сезгә аларны өйрнергә тәкъдим итәм. Хәзер сезнең белән квест уены үткәрәбез. Аны өчен сезгә станөиядән станциягә барып яз турында төрле серләрбелерсез. Әзерме? Башлыйбыз. (Балаларга карта-схема бирелә.)

1 «Чәчәкләр»станциясе

Тәрбияче: Яз көне кар астыннан чәчәкләр күренә башлый. Нинди чәчәкләр?(Балалар җавабы)Умырзая, тузганак, энҗе чәчәк. Бер сүз белән әйтегез әле, аларны ничек атап була? Балалар: Беренче чәчәкләр.

Тәрбияче: Дөрес беренче чәчәкләр.....Ә хәзер алар турында табышмакларны тыңлагыз һәм җавапларын өйтегез ( җаваплар экранда чыга.)

Әфәрин, балалар. Снз барлык беренче чәчәкләрне дә таныдыгыз. Бер сере ачытыз. Дөрес җавап өчен, мин сезгә «чәчәк өзмә!”дигән экологик билге бирәм. Шуны истә тотыгыз: барлык үсемлекләрне сакларга кирәк,чөнки аларның күбесе Кызыл китапка кертелгән. Икенче станциягә юл тотабыз.

Балалар карта-схема буенча баралар.

2нче «Кошлар»станциясе

Тәрбияче: балалар, карагыз эле , сезнең алдыгызда язгы табигать пейзажы: яфраклы урман, алан һәм күл. Ә хәзер сез яшеренгән кошларны табыгыз һәм аларның исемнәрен өйтегез.(сыерчык, күке, торна,тургай)

Тәрбияче:Май аенда безнең якка нинди кош кайта.Дөрес,бу Карлыгач. (экранда) Карлыгач соң кайтач, ул оя корырга өлгерер микән, әйдәгез ана булышыйк.

Балалар, мин сезгә безнең остаханәдә кош оясы ясарга тәкъдим итәм. Моның өчен безгә нәрсә кирәк? (балалар җаваплары) Әйдәгез, оя ясар өчен кызыл балчык һәм касә кирәк була, балчыктан һәрберегез берничә шарчык әвәләргә һәм аларны оя формасында җыябыз.

Әйдәгез башлыйк (балалар башкаралар). Оя әзер булгач тәрбияче кәгазьдән киселгән карлыгачны урнаштыра.

-Без ясаган оя уңайлымикән? Сез ничек уйлыйсыз,?

Тәрбияче: Балалар бик яхшы эшләделәр һәм тагын бер серне ачыкладыгыз. Моның өчен мин сезгә «Кошларны саклагыз!» дигән экологик билге бирәм. Безне киләсе станция көтә, карта-схема буенча юл тотабыз.

3нче “Черки» станциясе

Тәрбияче: балалар, сез черкиләр турында нәрсә әйтә аласыз? (балалар җавабы)

Тәрбияче:Табигать законы буенча «бар нәрсә дә бер-берсенә бәйле». Әйдәгез, ачыклыйк. Черки һәм башка бөҗәкләр кирәкме? Кемгә черки кирәк? (экранда Черки рәсеме) Табигатьтә артык нәрсә юк, һәр бөҗәк үз ролен уйный. Черкиләр чәчәчкләрне серкәләндерәләр, кошлар өчен ризык, һ.б

Ә хәзер сорауларга җавап бирик:

1. Кайсы бөҗәкләр аяклары белән ишетәләр? Чикерткә( экранда җаваплар)

2. Кошлар нинди бөҗәкне ашамыйлар? Алтын капка. Нигә?

3 Кайсы бөҗәк юллы кием киеп йөри? Умарта һәм сары корт.

4. Бөҗәкләрнең кайсысы җирдә иң көчлесе? Кырмыска

5. Бөҗәкләрне барлысын нәрсә берләштерә? 6 аягы, мыегы һәм канатлары

Дөрес. Билгеле булганча, язда барлык тереклек уяна һәм бөҗәкләр дә, сез бөҗәкләр турында яхшы беләсез. Менә сезгә экологик билге.

Тәрбияче: Балалар без сезнең белән станөиядән станциягә барып язгы табигат серләренә төшендек.

-Кайсы станөиядә сезгә күбрәк ошады? Ни өчен? Кызыксындырган сорауларыгыз калмадымы?

Сез чын табигать белгечләре! «Табигать белгече»дигән медальгә лаек булдыгыз. Котлыйм сезне! (Тәрбияче һәр баланы медаль белән бүләкли).

Адрес публикации: https://www.prodlenka.org/metodicheskie-razrabotki/548762-lknnr-trkeme-balalary-beln-jazgy-tabigat