Технологическая карта урока родного (чувашского) языка

Мазикова Роза Анатольевна, Шупашкарти пӗтӗмӗшле вӑтам пӗлӳ паракан 19-мӗш шкулти чăваш чĕлхипе литературине вӗрентекенӗ

Осипова Роза Петровна, Шупашкарти пӗтӗмӗшле вӑтам пӗлӳ паракан 2-мӗш шкулти чăваш чĕлхипе литературине вӗрентекенӗ

Ум сӑмахӗ

Митта Ваçлейĕ – чăвашсен чи пултаруллă сăвăçисенчен пĕри. Геннадий Волков, паллă педагог, академик ун çинчен çапла каланă: «Митта Ваçлейĕ хăйне евĕр сăвăç, хăйне евĕр çын, хăйне евĕр шухăшлавçă, хăйне евĕр сăмах ăсти пулнă. Вăл сăвă çыракан мар, вăл чăн-чăн сăвăç, чăваш юнлĕ, Çеçпĕл чунлĕ поэт пулнă. Сăвă унăн ĕçĕ мар, унăн сывлăшĕ, унăн пурнăçĕ, унăн чĕре таппи пулнă…» [2, 285 с.].

«Митта Ваçлейĕн «Атăл юрри» сăввинчи Атăл сăнарĕ» темăпа ирттернĕ урокăн

технологи картти

(7-мĕш класс)

Урок теми: «Митта Ваçлейĕн «Атăл юрри» сăввинчи Атăл сăнарĕ»

Пĕлÿ тĕллевĕ: Митта Ваçлейĕн «Атăл юрри» сăввине Николай Некрасовăн «На Волге» сăввипе тата Илья Репинăн «Бурлаки на Волге» картинипе танлаштарса тишкересси.

Сапăрлăх тĕллевĕ:

- поэзи ăстин пултарулăхне хаклама вĕрентесси;

- сăвă чĕлхин илемлĕхне туйма вĕрентесси;

- Атăл тасалăхне упрама, çут çанталăк илемне туйма вĕрентесси;

- ачасене çынна хĕрхенме, хисеплеме вĕрентесси.

Аталантару тĕллевĕ: ачасен пуплев культурине,шухăшлавне, кăмăл-туйăм туртăмне аталантарасси.

Пуплеве аталантарасси: вуланă текстпа усă курса палăртнă шухăша çирĕплетесси, илемлĕ вулав, ăнлантаруллă вуласси, хайлавсене шайлаштарса тишкересси, пĕлтерÿсем тăвасси, тухса калаçасси.

Урок мелĕсемпе меслетсем:учитель сăмахĕ, шырав, сăнани, илемлĕ вулав, кластер туни, танлаштаруллă тишкерÿ, икĕ енлĕ дневник тата таблица туни.

Словарь ĕçĕ: Мал ен – чăвашсем ĕлĕк хĕвел тухăçне çапла каланă; ăрша – ăшă сывлăш хумĕ; пуса каччи – туй ачи, авланакан каччă çумĕ, курпун – горб; йăрăс – стройный, прямой; хăй – сметь, осмелиться.

Курăмлăх хатĕрĕсем: карттăсем, «Бурлаки на Волге» ÿкерчĕк,Митта Ваçлейĕн кĕнекисем, проигрыватель, пластинка компьютер, проектор, презентаци.

Урок тĕсĕ: ĕçлĕ вăйă мелĕпе усă курса ирттернĕ урок.

Урок эпиграфĕ: «Шыв – илемлĕх тĕкĕрĕ, яланах пĕтĕм тĕнчери тĕлĕнмелле вăйлă хăват. Хăйĕн мăнаçлăхне юхан шывра тупма пултарнă çĕр-шыва ĕмĕр-ĕмĕр мухтав. Нил шывĕсĕр Египет çук, Ганка шывĕсĕр Инди çук, ытти мăнаçлă çĕр-шывсем хушшинче Аслă Раççей пур, мĕншĕн тесен унăн Атăл юхан шыв пур»(Константин Бальмонт)

Усă курнă çăлкуçсен тата литература списокĕ

1. Антонова З.С., Станьял В.П. Чăваш сăмахлăхĕн вĕрентÿ меслечĕсем: Чăваш шкулĕн 5-11-мĕш класĕсенче вĕрентекенсем валли. – Шупашкар: Чăваш кĕн. изд-ви, 2006. – 399 с.

2. Антонова З.С., Метин П.Н. Тăван литература: 7-мĕш класăн вĕренÿпе вулав кĕнеки. – Шупашкар: Чăваш кĕн. изд-ви, 2002. – 352 с.

3. Брусова Г.Ф. Йăлана кĕмен уроксен пĕлтерĕшĕ, уйрăмлăхĕ, тĕсĕсем, урокра усă куракан мелсем / Халăх шкулĕ. – 2019. – 4 (163) №. – 51-53 с.

4. Иванова Н.Г. Чăваш шкулĕнче «Тăван литература» предметпа ĕç программи çырмалли çул-йĕр / Чувашский язык и литература: теория и методика: сб. статей. Вып. XXII / отв. ред. Н.Н. Осипов. – Чебоксары: Листок, 2015. – С. 5

5. Иванова Н.Г. 7-мĕш класра тăван литературăна вĕрентнĕ чух уйрăм çынна воспитани парасси тата пур енлĕ аталантарасси / Халăх шкулĕ. – 2021. – 1 (171) №. – 7-11 с.

6. Лукина З.Н., Сорокина И.В. Технологическая карта современного урока / Чувашский язык и литература: теория тата методика: сб. статей. Вып. XXII / отв. ред. Н.Н. Осипов. – Чебоксары: Листок, 2015. – С. 236

7. Пайгусов А.И. Технология современного урока / Народная школа. – № 4 (151) 2017. – 23-24 с.

ХУШСА ПАНИ

«Митта Ваçлейĕн «Атăл юрри» сăввинчи Атăл сăнарĕ» темăпа

ирттернĕ урокра усă курмалли таблицăсем, тест ĕçĕ.

Ачасем икĕ ушкăна («Валдай» – пĕрремĕш ушкăн; «Каспи тинĕсĕ» – иккĕмĕш ушкăн) пайланса ĕçлеççĕ.

1-мĕш ĕç. «Атăл сăнарĕ» ÿкерчĕклĕ кластер тăвасси.

2-мĕш ĕç. «Пĕр пекки мĕн пур, уйрăмлăх ăçта»?

3-мĕш ĕç. Илемлĕх мелĕсемпе ĕçлесси. 1-мĕш ушкăн «Атăл юрри» сăвăпа ĕçлет. 2-мĕш ушкăн – «На Волге» сăвăпа.

4-мĕш ĕç. Икĕ енлĕ дневник тăвасси

5-мĕш ĕç. Сăвă йĕркисене вĕçлемелле (вăхăчĕ – 3 минут).

1-мĕшушкăн йĕркисем:

Тăратăп анлă Атăл хĕрринче,

Хумсем вылянине куçпа сăнатăп.

2-мĕшушкăн йĕркисем:

Хумханать-и аслă Атăл,

Каш кашлать-и сĕм вăрман…

6-мĕш ĕç. Тест ыйтăвĕсем çине хуравлани.

1. Атăл тăршшĕ миçе çухрăм?

1) 3531; 2) 5321; 3) 1074; 4) 2531.

2. «Атăл юрри» сăвва хăçан çырнă?

1) 1932; 2) 1955; 3) 1941; 4) 1958.

3. Митта Ваçлейĕ Атăла талăкăн хăш вăхăтĕнче сăнланă?

1) ирхине, кăнтăрла, çĕрле; 2) ирхине, каçхине, çĕрле;

3) ирхине, кăнтăрла, каçхине, çĕрле; 4) ирхине, каçхине.

4. «Атăл юрри» сăвăпа «На Волге» сăвăра пĕр пекки мĕн пур?

1) икĕ сăввинче те бурлаксем çинчен каланă;

2) лирикăллă герой Атăл хĕрне çÿреме юратнине кăтартнă;

3) нимĕн те çук;

4) икĕ сăввинче те ĕçчен Атăл сăнарне кăтартнă.

7-мĕш ĕç. Икĕ енлĕ дневник тăвасси

Адрес публикации: https://www.prodlenka.org/metodicheskie-razrabotki/559281-tehnologicheskaja-karta-uroka-rodnogo-chuvash