Сценарий «Фыдыбаста хъахъхъанджыты барагбон»

Сценарий

23 февралы «Фыдыбӕстӕ хъахъхъӕнджыты бӕрӕгбон» кӕстӕр къорды. Хъомылгӕнӕг:Цӕлыггаты А.Х.

Амонӕг.: Уӕ бон хорз, нӕ зынаргъ ныййарджытӕ, уазджытӕ ӕмӕ сабитӕ. Махӕн тынг ӕхсызгон у уӕ уынд. Абон мах ӕрымбырд стӕм цӕмӕй иумӕ сбӕрӕг кӕнӕм 23-феврал «Фыдыбӕстӕ хъахъхъӕнджыты бон».

1. Саби. Ӕгас нӕм цу, бӕрӕгбон!

Ӕгас нӕм цу, бӕрӕгбон!

Ӕппӕт ᴂфсӕддонтӕнтӕн арфӕ кӕны

Нӕ уарзон рӕвдауӕндон.

Амонӕг.: Ацы бӕрӕгбон нывонд кӕнӕм сеппӕт нӕлгоймӕгтӕн гыццылӕй – стырмӕ: нӕ фыдтӕн, бабатӕн, фыды ӕмӕ мады ՚фсымӕртӕн, хистӕр ՚фсымӕртӕн ӕмӕ ӕнӕмӕнг - нӕ лӕппутӕн.

2. Саби. Бӕрӕгбон ис къӕлиндары

Иууылдӕр ӕй зонынц.

Ӕртхъирӕн мӕйы сабитӕ

Арфӕ кӕнынц сӕ фыдӕлтӕн.

Амонӕг: Нӕ сабитӕ нырма гыццылтӕ сты, фӕлӕ рӕстӕг рацӕудзӕн, айрӕздзысты ӕмӕ сӕ рауайдзӕн хъахъхъӕнджытӕ. Ацӕудзысты ՚фсадмӕ – службӕ кӕнынмӕ, хъахъхъӕндзысты нын нӕ арӕнтӕ, мах ӕмӕ нӕ Фыды бӕстӕ.

3. Саби. Салдӕттӕ ՚фсады службӕ кӕнынц,

Сабитӕ сӕ фӕзмынынц.

Айрӕздзыстӕм иу гыццыл

Ацӕудзыстӕм ՚фсадмӕ.

Зарӕг « Хъӕбатыр салдӕттӕ»

Амонӕг: Нӕ бӕстӕйы адӕм алы аз дӕр фӕбӕрӕг кӕнынц Фыдыбӕстӕйы хъахъхъӕнджыты бон. Уыцы бон арфӕ фӕкӕнынц ӕппӕт нӕлгоймӕгтӕн дӕр, уымӕн ӕмӕ ՚фсады чи службӕ кодта, кӕнӕ службӕ кӕны, уыдонӕн сӕ фылдӕр сты нӕлгоймӕгтӕ.

4.Саби. Ӕфсӕддон дарӕсы ӕрттывдмӕ

Кӕны ӕвзонг лӕппу хӕлӕг.

Ӕмӕ та бадзуры йӕ фыдмӕ:

– Ӕз та кӕд ӕсуыдзынӕн лӕг?

Зӕронд буц баба йӕм фӕдзуры :

« Цӕрут, нӕ сабитӕ, рӕстӕй!»

Ӕз та нӕ бӕсты фарнӕй курын

Нӕ рухс зӕхх макуы фенӕд хӕст!

5. Саби. Абон не ՚фсады бӕрӕгбон,

՚Рцыд йӕ гуырӕнбон фӕрнӕй,

О, нӕ хъӕбатыр ӕфсӕддон,

Стӕм сӕрыстыр мах дӕуӕй.

Знагӕй хъахъхъӕныс нӕ бӕстӕ,

Зоныс ды фӕлгӕсын дард,

՚Ххӕст кӕныс ӕфсӕддон хӕстӕ,

Уымӕн у бӕрзонд дӕ кад.

6. Саби. У ӕфсӕддон ме ՚фсымӕр

Рагӕй нал уыд хъӕуы,

Тынг бӕлын ӕз йе ссыдмӕ,

Зӕрдӕ йыл нӕ лӕууы.

7. Саби. Ды мӕнӕн мӕ зӕрдӕ,

Фӕзӕгъы мын нана.

Ды мӕнӕн мӕ ныфс дӕ,

Фӕзӕгъы баба.

Ӕз гыццыл салдат дӕн!

О мӕхи нана!

Ӕз гыццыл салдат дӕн!

О мӕхи баба!

Иу, дыууӕ! Иу, дыууӕ!

Амонӕг: Салдӕттӕ кӕрӕдзийы фӕстӕ стройы куы фӕцӕуынц , уӕд фӕкӕнынц заргӕ. Афтӕмӕй дам санчъехтӕ кӕнын ӕнцондӕр у.

Зарӕг « Идёт солдат по городу.»

Амонӕг: Сабитӕ,чи сты Фыдыбӕстӕ хъахъхъӕнджытӕ?

Сабитӕ:Нӕ бӕстӕ нын чихъахъхъӕны уыдон. Офицертӕ, салдӕтӕ, командиртӕ, кӕцытӕ ӕхсӕвӕй, бонӕй лӕууынц сӕ куысты уӕлхъус, хъахъхъӕнынц райгуырӕн бӕстӕ.

Амонӕг: Сабитӕ, алы заманы дӕр, лӕппуты фӕндыд уӕвын ӕнгӕс салдӕты хуызӕн: тыхджын, хъӕбатыр, ныфсджын, хъаруджын, цырд. Сымах дӕр фӕнды салдӕты хуызӕн уӕвын?

Сабитӕ: О-О-О!

Хъазт « Бахӕццӕ кӕн фыстӕг»

Амонӕг: Салдат хъуамӕ алцыдӕр зона ӕмӕ йӕ бон кӕнын уа.Уымӕн ӕмӕ искуы, зӕгъӕм, йӕ машинӕ а Сымбырд кӕн масинӕ сӕст, уӕдӕй хъуамӕ сараза ӕмӕ дарддӕр ацӕуа.

Хъазт: «Сымбырд кӕн машинӕ»

Амонӕг:Салдатӕн къуамӕ алы фарстайӕн дӕр, йӕ бон дзуапп раттын уа.

Дзурыны хъазт.

1.Не ՚фсад тыхджын у? (о)

2.Бӕстӕ хъахъхъӕны уый? (о)

3.Лӕппутӕ ՚фсадмӕ цӕуынц? (о)

4.Чызджыты семӕ райсдзысты? (нӕ)

5.Лӕууы тӕхӕг арӕны? (Нӕ)

6.Тӕхӕг тӕхы цъиутӕй бӕрзонддӕр? (о)

7.Буратинӕйӕн даргь фындз и?

8.Абон бӕрӕгбон бӕрӕг кӕнӕм? (о)

9.Мамӕтӕн ӕмӕ чызджытӕн арфӕ кӕнӕм? (нӕ)

10.Сабырдзинад сеппӕтӕй хуыздӕр у? (о)

11.Уый зонынц сабитӕ дӕр? (о)

Амонӕг: Салдат кафындӕр хъамӕ зона.

Сабиты кафт.

Амонӕг:Салдат,хъуамӕ уа ныфсджын ӕмӕ цырд.

Хъазт «Ӕрымбырд кӕн нӕмгуытӕ»

Амонӕг: Сабитӕ, нӕ бӕрӕгбон кӕронмӕ ӕрхӕццӕ. Иу хатт ма уын арфӕ кӕнӕм бӕрӕгбоны фӕдыл. Фӕнды нӕ, цӕмӕй уат хъӕлдзӕг, тыхджын ӕмӕ ӕнӕниз!

Хӕрзбон.

Песня «Идёт солдат по городу»

1.У солдата выходной, пуговицы в ряд

Ярче солнечного дня золотом горят

Часовые на посту, в городе весна

Проводи нас до ворот

Товарищ старшина, товарищ старшина.

Припев.

Идёт солдат по городу по незнакомой улице

И от улыбок девичьих вся улица светла,

Не обижайтесь девушки, но для солдата главное

Чтобы его далёкая любимая ждала.

2.А солдат попьёт кваску, купит эскимо

Никуда ни торопясь выйдет из кино

Карусель его помчит, музыкой звеня

И в запасе у него

Останется полдня, останется полдня.

Припев.

3. Где любимая живёт, липы шелестят

И садится в карусель не её солдат

Но другие ни к чему, все до одного

Если только верно ждёшь

Солдата своего, солдата своего

Припев.

Зарӕг «Хъӕбатыр салдӕттӕ».

1.Хъӕбатыр салдӕттӕ,

Заргӕйӕ цӕуынц.

Лӕппутӕ сӕ фӕстӕ

Хъӕлдзӕгӕй тӕхынц.

Пр. Эх! Размӕ! Размӕ!

Заргӕйӕ цӕуынц.

Лӕппутӕ сӕ фӕстӕ

Хъӕлдзӕгӕй тӕхынц. 2х.

2.Тынг фӕнды лӕппуты.

Ӕфсӕдтон уӕвын.

Фӕнды нӕ лӕппуты

Ӕфсадмӕ цӕуын.

Пр. Эх! Размӕ! Размӕ!

Ӕфсадмӕ цӕуын.

Тынг фӕнды лӕппуты

Ӕфсӕдтон уӕвын. 2х.

3. Хъӕбатыр лӕппутӕ

Нӕ хъӕуы тыхсын.

Ӕфсадмӕ цӕудзыстут

Сымах уӕ рӕстӕджы.

Пр. Эх! Размӕ! Размӕ!

Нӕ хъӕуы тыхсын!

Ӕфсадмӕ цӕудзыстут

Сымах уӕ рӕстӕджы! 2х.

4. Хъахъхъӕндзыстут иумӕ

Бӕсты арӕнтӕ!

Хъахъхъӕндзыстут иумӕ

Райгуырӕн бӕстӕ!

Пр. Эх! Размӕ! Размӕ!

Бӕсты арӕнтӕ!

Хъахъхъӕндзыстут иумӕ

Райгуырӕн бӕстӕ! 2х.

Адрес публикации: https://www.prodlenka.org/metodicheskie-razrabotki/612996-scenarij-fydybasta-hahhandzhyty-baragbon